JÉSUS-CHRIST I DYASIN FE'N BO LUC KLELI'N 18:1 - NYANMIƐN NDƐ'N 1998

¹ Jésus buli nyanndra kun kleli be kɛ ɔ ´yo nan b'a srɛ Nyanmiɛn titi, nán b'a yaci-man'n ti.

Nyanmien nde Ufle

¹ Jésus bu nyanndra kun kléé bé ke bé nin Nyanmien bé kôkô yale titi, nanh man bé yatyi.

JÉSUS-CHRIST I DYASIN FE'N BO LUC KLELI'N 18:1 ပူးပေါင်းရင်းမြစ်များ

Jue Mun 102:17

Anannganman'n ´kplan Siɔn klɔ'n uflɛ, ɔ yi i anyrunnyan'n i nglo.

Jue Mun 27:13

?Kɛ e wo asiɛ nga su'n, sɛ n lafi-man su kɛ Anannganman yi i klun-ufue'n nglo'n, wuun n ´yo i sɛ?

Jue Mun 65:2

Ee Nyanmiɛn, wɔ bɔ a o Siɔn klɔ'n nun lɔ'n, a nin manmanlɛ fata. Sɛ be ta ɔ nda'n, ɔ nin i fata kɛ be yo i nuan like.

Jue Mun 86:3

Min Min, si min aunnvuɛ, afin wɔ cɛ yɛ n flɛ wɔ titi-ɔ.

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Ezai 62:7

Nán amun yaci i diin, amun `yo i sɔ lele man ɔ fa Zerizalɛm `sie i laa osu'n nun, amun `yo i sɔ lele man ɔ fa Zerizalɛm yo asiɛ wunmuan i anyrunnyan like.

Zeremi 29:12

I blɛ sɔ nun'n, sɛ amun srɛ min'n, n ´yaci amun nun amun ´kɔ. Sɛ amun flɛ min'n, nan an srɛ min'n, n ´ti amun srɛlɛ'n.

Zonas 2:7

N jrali lele n juli kan oka'm be bo'n fin lɔ'n. Blɔlɔ lɔ anuan dan'n nyinnin min su mlɔnmlɔn. Sanngɛ Anannganman min Nyanmiɛn, wɔ man n fin ngblɔn sɔ'n nun n fiteli sa bɔ cɛ, like fi sa ɔ'a yo-man min.

JÉSUS-CHRIST I DYASIN FE'N BO LUC KLELI'N 11:10

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

Rɔmfuɛ Mun 12:12

Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

2 Korɛntfuɛ Mun 4:1

Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.

Galasifuɛ Mun 6:9

Nán man é sa sin bubu ye sa kpa yolɛ'n nun, afin sɛ y'a fɛ-man'n, cɛn wie e ´nyɛn i nuan like.

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Kolɔsfuɛ Mun 4:2

An `koko yalɛ kle Nyanmiɛn titi, an `fa amún wla'n kwlaa gua su yo, yɛ an `lɛ i ase.

1 Tɛsalonikfuɛ Mun 5:17

An `koko yalɛ kle Nyanmiɛn titi, nán an yaci.

1 Samiɛl 1:12

Ani srɛli Anannganman cɛli kpa, Eli niɛn i nuan'n siin,