JÉSUS-CHRIST I DYASIN FE'N BO LUC KLELI'N 17:30 - NYANMIƐN NDƐ'N 1998

³⁰ Kɛ m bɔ n kacili Sran'n mín wun nglo yilɛ cɛn'n nun ɔ wa yo sɔ-ɔ.

Nyanmien nde Ufle

³⁰ Ke m bo n katyii Swran'n min wun nglô yile tyen'n nun o wa yô soo.

JÉSUS-CHRIST I DYASIN FE'N BO LUC KLELI'N 17:30 ပူးပေါင်းရင်းမြစ်များ

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 24:3

Ɔ ko trannin ase Olivie Oka'n su. Yɛ i sɔnnzɔnfuɛ'm be bɛli i wun lɛ nan b'a usɛ i blɛlɛ kɛ: «?Blɛ onin yɛ sa sɔ'm be ´yo-ɔ, yɛ nguɛ yɛ ɔ ti ɔ balɛ'n nin mɛn'n i awieliɛ'n i nzɔliɛ nin-ɔn? Kle ye.»

Matthieu 24:37

Kɛ m bɔ n kacili Sran'n n wa ba'n, sran'm be ´yo kɛ Noe i blɛ su'n sa.

Matthieu 24:39

B'a bu-man like fi akunndan lele nzue dan'n ɔ wa fa be kwlaa ɔli. Kɛ m bɔ n kacili Sran'n m balɛ'n ɔ wa yo sɔ-ɔ .

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

Marc 13:26

I sin be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, min nyrun nyannyan ɔ yo sro.

JÉSUS-CHRIST I DYASIN FE'N BO LUC KLELI'N 17:24

Afin kɛ nyanmiɛn'n kpa sin i bue kun lɔ b'ɔ kpaja ju i bue kun lɔ'n, cɛn nga m bɔ n kacili Sran'n m ´ba'n, kɛ ɔ wa yo sɔ-ɔ.

JÉSUS-CHRIST I DYASIN FE'N BO LUC KLELI'N 17:29

Sanngɛ cɛn nga Lɔt fin Sodɔm lɔ fiteli'n, sin nin sufru be fin nyanmiɛn su lɔ guali kɛ nzue sa nan ɔ'a nunnun be kwlaa .

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

JÉSUS-CHRIST I DYASIN FE'N BO LUC KLELI'N 21:27

Yɛ be ´wun M Bɔ N Kacili Sran'n kɛ n wo nyanmiɛn ble'n su n su ba , m ´ba yasua su, min nyrun nyannyan kɛ sɛnzɛ'n sa, ɔ yo sro.

1 Korɛntfuɛ Mun 1:7

I sɔ'n ti, kɛ amun ´minndɛ e Min Jésus-Krist i wun nglo yilɛ cɛn'n, Nyanmiɛn i ninnge b'ɔ fa man sran mun'n, i wie fi su mian-man amun.

1 Korɛntfuɛ Mun 1:8

I yɛ man amun ´jran cinnjin lele fa ju i awieliɛ-ɔ nan e Min Jésus-Krist i wun nglo yilɛ cɛn'n nun b'a kputu-man amun.

Kolɔsfuɛ Mun 3:4

Kɛ Krist bɔ amun nguan'n wo i sa nun'n ɔ wa yi i wun nglo'n, ɔ ´yi amun nglo wie, yɛ nyrun ng'ɔ ´nyɛn i'n, amun ´nyan wie.

2 Tɛsalonikfuɛ Mun 1:7

yɛ ɔ man e nin amun bɔ an wun nyrɛnnɛn'n, e ´nyan é ti. Kɛ e Min Jésus wa yi i wun nglo'n, b'ɔ nin i anz'm bɔ be lɛ fanngan dan'n, be fin nyanmiɛn su lɔ be ´jra'n, yɛ ɔ ´yo i sɔ-ɔ.

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

1 Jean 2:28

M mma mun, amun nin i `tran titi nan cɛn nga ɔ ´ba'n, bɔ ɔ ´yi i wun nglo'n é wla'n ɔ'a gua ase nan b'a kan-man e bo, yɛ y'a wun-man nyannzuɛn.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

Sa nglô yile 1:7

An `nian, ɔ o nyanmiɛn ble'n nun su ba! Sran'm be kwlaa be ´wun i, yɛ be nga be wɔli i cua'n, be ´wun i wie. I ti, asiɛ'n su nvle-nvle'm be kwlaa be ´bo awuyomo . Ɔ ´yo sɔ sakpa! Man ɔ yo sɔ!