JÉSUS-CHRIST I DYASIN FE'N BO LUC KLELI'N 17:3 - NYANMIƐN NDƐ'N 1998

³ I sɔ'n ti'n, an `sasa amún wun. Sɛ ɔ niaan kun yo wɔ sa'n, flɛ i tu i fɔ, sɛ ɔ kpata wɔ'n, yaci.

Nyanmien nde Ufle

³ I so'n ti, anh sasa amun wun. Se o niaan kun yô o sa'n, flee tu i fo, se o kpata wo'n, yatyi.

JÉSUS-CHRIST I DYASIN FE'N BO LUC KLELI'N 17:3 ပူးပေါင်းရင်းမြစ်များ

Jue Mun 141:5

Sɛ sran nga a bu i sran kpa'n ɔ bo min'n, fɛ yɛ ɔ yo min-ɔn. Sɛ ɔ tu min fɔ'n, n kplin su. Nɛnnɛn yɛ ɔ su di min-ɔn. Klunwifuɛ mun'n, kannzɛ be yo sa tɛtɛ mun sɛ'n, n su yaci-man ɔ srɛlɛ bɔ n srɛ man be'n .

Ezipt Lɔ Tulɛ'n 34:12

Nán amun nin mɛn nga amun wa wlu nun lɔ lɛ'n i nunfuɛ mun be tra aenguɛ, kɛ ɔ ´yo nan b'a kaci-man kɛ aya sa, nan amu'an tɔ-man nun'n ti.

Nyanndra Mun 17:10

Sran ng'ɔ si ngwlɛlɛ'n, sɛ be tu i fɔ bé nuan nun ngbɛn bɔbɔ'n, ɔ ti. Sanngɛ sinnglinfuɛ'n, man be tu i fɔ nin ngble nuan ya bɔbɔ, ɔ ti-man afɔtuɛ'n.

Nyanndra Mun 27:5

Kɛ be ko klo min nin gblɛ klolɛ'n, ɔ flunman kɛ like nga n yo b'ɔ ti-man kpa'n, be kan be kle min weiin.

Nyanndra Mun 9:8

Sɛ ɔ waan nán tutrefuɛ'n kpɔ wɔ'n, nán tu i fɔ. Tu akunndanfuɛ'n fɔ. Sɛ a tu i fɔ-ɔ, ɔ ´klo ɔ́ sa.

Saun Yolɛ 19:17

Nán amun niaan i kpɔlɛ ndɛ sa ɔ tran amun klun. Kɛ ɔ ko yo nan i dunman nun ti amu'an yo-man tɛ'n, sɛ ɔ yo amun sa'n, nán amun sisi amún bo, ndɛ nga amun wun i'n, amun kan kle i.

Matthieu 18:21

Yɛ Piɛr wunngeli i wun lɛ nan ɔ'a usɛ i kɛ: «?Nannan, sɛ n niaan kun yo min tɛ'n, kpɛ nnyɛ yɛ n `yaci cɛ i-ɔ? ?Lele kpɛ nso?»

JÉSUS-CHRIST I DYASIN FE'N BO LUC KLELI'N 21:34

An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

Efɛzfuɛ Mun 5:15

I sɔ'n ti'n, an `nian amun nantilɛ bɔ an fa nanti'n i su kpa. Nán an yo kɛ sran b'ɔ wun-man sa wlɛ'n sa, sanngɛ an `yo ngwlɛlɛfuɛ.

Mmla'n 4:15

Blɛ bɔ Anannganman jrannin sin'n nun ɔ ijɔ kleli amun Orɛb lɔ'n, amu'an wun-mɛn i nyrun'n. I sɔ'n ti kusu, amun `nian amún wun su.

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Jacques 5:19

N niaan mun, an si kɛ sɛ amun nun sran wie yaci atin kpa'n b'ɔ fa-man ndɛ nanwlɛ'n su kun'n nan sran wie kle i atin kpafuɛ'n,

2 Jean 1:8

I sɔ'n ti, an `nian amún wun kpa nan amun junman'n i nuan like'n ɔ'a to-man fuan-man amun sanngɛ amu'an nyan nun like kpa'n ti.