JÉSUS-CHRIST I DYASIN FE'N BO LUC KLELI'N 17:27 - NYANMIƐN NDƐ'N 1998

²⁷ Be di like, be nɔn nzan, be ja bla nin bian, be fa be mma mun man bian, lele fa ju cɛn nga Noe wluli mmeli nun'n, nzue dan'n tɔli nan ɔ'a nunnun be kwlaa .

Nyanmien nde Ufle

²⁷ Bé di liké, bé non nzan, bé dya bla nin bian, bé fa bé mma mun man bian, lélé fa dyu tyen nga Noé wluu mméli'n nun'n, nzué dan'n toli, nan wa nunnun bé kwlaa.

JÉSUS-CHRIST I DYASIN FE'N BO LUC KLELI'N 17:27 ပူးပေါင်းရင်းမြစ်များ

Bo Bolɛ 7:23

Anannganman nunnunnin asiɛ'n su ninnge'm be ngba. I sran o, i nnɛn dandan o, i nnɛn kanngan o, i anunman o, be kwlaa sɔ'm be nunnunnin. San Noe nin be nga be nin i wo mmeli'n nun'n be ngunmin cɛ yɛ be fiteli nun-ɔn .

Bo Bolɛ 7:7

Noe nin i yi, nin i wa yasua mun, ɔ nin i wa'm bé yi mun be wluli mmeli'n nun kɛ ɔ ´yo nan anannganman su nzue'n ɔ'a di-man be'n ti.

Ezai 21:4

N lɛ-man anwlɛn kun, srɛ'n ɔ'a kun min kpo. Min waan wuun kɔnguɛ min wun ɔ ´jɔ min fɔun kan, kpɛkuun kɛ aliɛ'n san'n, n klun yɛ ɔ titi min-ɔn.

Ezai 47:11

Nyrɛnnɛn sa kun wa tɔ wɔ su, a su si-mɛn i finwlɛ. Sa kekle kun wa tɔ ɔ su, a su kwla yi-mɛn i ɔ́ su. Yalɛ'n wa fu ɔ nun, ɔ ´di wɔ.

Matthieu 22:30

Afin kɛ sran'm be ko cɛn'n, yasua su ja-man bla, yɛ bla kusu su ja-man bian, sanngɛ be ´yo kɛ anz'm bɔ be o nyanmiɛn su lɔ'm be sa.

JÉSUS-CHRIST I DYASIN FE'N BO LUC KLELI'N 17:26

Kɛ m bɔ n kacili Sran'n m ma ba'n, sa nga sran'm be yoli i Noe blɛ su'n, sa kunngba'n yɛ be ´yo-ɔ:

JÉSUS-CHRIST I DYASIN FE'N BO LUC KLELI'N 17:28

I kunngba'n, ɔ wa yo kɛ Lɔt blɛ su'n sa bɔ sran'm be di like, be nɔn nzan, be to ninnge, be yo be ninnge atɛ, be di fie, yɛ be kplan sua.

1 Samiɛl 30:16

Yɛ ɔ nin David be ɔli-ɔ. Be ´nian-an, alɛ kunfuɛ sɔ'm be yɛ be tru lika'n nun yɛ, ninnge kpanngban nga be nyɛnnin Filistifuɛ nin Zidafuɛ'm be mɛn'n nun lɔ'n, be su di be ´nɔn'n, wuun be ´si able.