JÉSUS-CHRIST I DYASIN FE'N BO LUC KLELI'N 17:25 - NYANMIƐN NDƐ'N 1998

²⁵ Sanngɛ san n ´dun mmua n wun nyrɛnnɛn dan kpa, yɛ ajulisufuɛ nga'm be su sɔ-man min nun.

Nyanmien nde Ufle

²⁵ Sannge san nh dunh mmua wun nyrennen dan kpa, ye adyulisufue nga'm bé su so'a min nun.

JÉSUS-CHRIST I DYASIN FE'N BO LUC KLELI'N 17:25 ပူးပေါင်းရင်းမြစ်များ

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 21:42

Jésus usali be kɛ: «?Ndɛ nga be klɛli i kɛ: ‹Yɛbuɛ nga sua kplanfuɛ'm be yili blo'n i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase'n, i sɔ'n fin e Min Nyanmiɛn, yɛ kɛ e wun i'n, ɔ bo é nuan'n,› an nian kɛnngɛn-mɛn i le?

Marc 10:33

Ɔ seli kɛ: «An `nian, e su kɔ Zerizalɛm, be wa fa m bɔ n kacili Sran'n man Nyanmiɛn nyrun jranfuɛ dandan mun nin mmla klefuɛ mun. Be ´se kɛ m'an di fɔ nan be `kun min, be ´fa min man be nga be ti-man Zuif'n,

Marc 12:10

?Nyanmiɛn Ndɛ nga be kleli i kɛ: ‹Yɛbuɛ nga sua kplanfuɛ'm be yili i blo'n, i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase'n,

Marc 8:31

Yɛ ɔ boli be kan klelɛ'n bo kɛ ɔ fata kɛ i b'ɔ kacili Sran'n ɔ wun nyrɛnnɛn dan, nan kpɛnngbɛn mun, nin Nyanmiɛn nyrun jranfuɛ dandan mun, nin mmla klefuɛ mun be ´yi i blo yɛ be ´kun i, sanngɛ i le nsan su'n, ɔ ´cɛn.

Marc 9:31

afin kɛ ɔ ´kle i sɔnnzɔnfuɛ'm be like'n, ɔ seli be kɛ: «Be wa fa m bɔ n kacili Sran'n man sran mun, be ´kun min, kɛ n wu b'ɔ di le nsan'n, n ´cɛn.»

JÉSUS-CHRIST I DYASIN FE'N BO LUC KLELI'N 18:31

Jésus flɛli i sɔnnzɔnfuɛ blu-nin-nnyɔn'm be aamiɛn nan ɔ'a se be kɛ: «An `nian, e su kɔ Zerizalɛm, yɛ m bɔ n kacili Sran'n, min wun ndɛ nga Nyanmiɛn nuan ijɔfuɛ'm be klɛli'n, i kwlaa ɔ wa kpɛn su .

JÉSUS-CHRIST I DYASIN FE'N BO LUC KLELI'N 18:33

Be ´bo min, yɛ be ´kun min, sanngɛ i le nsan su n ´cɛn .»

JÉSUS-CHRIST I DYASIN FE'N BO LUC KLELI'N 24:46

Nan ɔ'a se be kɛ: «Ndɛ sɔ'n be klɛli i kɛ: Krist ´wun nyrɛnnɛn yɛ i le nsan su ɔ ´cɛn .

JÉSUS-CHRIST I DYASIN FE'N BO LUC KLELI'N 9:22

Yɛ ɔ seli be ekun kɛ: «Kannzɛ ɔ yo sɛ, san m bɔ n kacili Sran'n n ´wun nyrɛnnɛn dan, kpɛnngbɛn mun nin Nyanmiɛn nyrun jranfuɛ dandan mun nin mmla klefuɛ'm be su sɔ-man min nun, be ´kun min, yɛ i le nsan su n ´cɛn.»

Jean 1:11

Ɔ bɛli i bɔbɔ nvle'n nun, b'a sɔ-mɛn i nun.

Jean 12:38

Kɛ ɔ yo nan ndɛ nga Nyanmiɛn nuan ijɔfuɛ Ezai kannin'n ɔ'a `kpɛn su ti-ɔ. Ɔ seli kɛ: «?Nannan, ndɛ nga e kan kleli be'n, wan yɛ ɔ fali su-ɔ? ?Wan yɛ e Min Nyanmiɛn'n yili i like ng'ɔ yo'n i nglo kleli i-ɔ ?»

1 Samiɛl 10:19

I sɔ'n kpɛkuun-ɔn, ndɛ amu'an kaci amun sin amu'an si Nyanmiɛn. I b'ɔ deli amun blɛ kekle nin nyrɛnnɛn blɛ nun'n, amu'an kaci amun sin amu'an si i. Amun seli i kɛ: ‹Sie é su famiɛn kun.› Amun bla Anannganman nyrun akpasua-akpasua, i sin'n, amun `bla awlobo-awlobo.»

1 Samiɛl 8:7

Anannganman seli Samiɛl kɛ: «Tie ndɛ nga be kan'n, nian i kwlakwla'n su yo, afin nán wɔ yɛ be yi wɔ blo-ɔ, min yɛ be yi min blo-ɔ. Afin be klo-man kɛ n yo be famiɛn kun.