JÉSUS-CHRIST I DYASIN FE'N BO LUC KLELI'N 17:2 - NYANMIƐN NDƐ'N 1998

² Sɛ be fa yɛbuɛ nin dan kun be minndɛ i kɔmin be yi i jenvie nun'n, ɔ flunman tra kɛ ɔ `saci ba kanngan nga'm be nun kun ti nun'n.

Nyanmien nde Ufle

² Se bé fa yebue nin dan kun bé minnde i komin bé yii dyénvié'n nun'n o flunman tra ke o satyi ba kanngan nga'm bé nun kun ti nun'n.

JÉSUS-CHRIST I DYASIN FE'N BO LUC KLELI'N 17:2 ပူးပေါင်းရင်းမြစ်များ

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Matthieu 17:27

Sanngɛ kɛ e klo-man kɛ e ti sran'm bé ti nun saci'n, kɔ jenvie'n su lɔ, ko to kowa. Jue ng'ɔ dun mmua sɔ nun'n, yi. Kɛ a ´trɛ i nuan nun'n, a ´wun sika b'ɔ ju min nin wɔ é ti. Fa ko man be.»

Matthieu 18:10

«An `nian amún wun kpa, nán amun yo ba kanngan nga be o yɛ'n be nun kun finfin, afin n ´kan kle amun kɛ, be anz'm bɔ be o nyanmiɛn su lɔ'n bé nyin ta min Si b'ɔ o nyanmiɛn su lɔ'n i nyrun cɛn kwlaa. [

Matthieu 18:14

I kunngba nin-ɔn, amun Si b'ɔ o nyanmiɛn su lɔ'n ɔ klo-man kɛ ba kanngan nga'm be nun kun mlin.»

Matthieu 26:24

M bɔ n kacili Sran'n n su kɔ kɛ be fa klɛli min wun ndɛ'n nun'n sa, sanngɛ sran ng'ɔ ´fa min man sran mun'n, i yako! Ɔ flunman kɛ b'a wu-man sran sɔ'n.»

Marc 9:42

«Sanngɛ sɛ sran wie saci ba kanngan nga be lafi n su'n be nun kun ti nun'n, ɔ flunman kɛ be fa yɛbuɛ nin dan kun minndɛ i kɔmin be to i yi jenvie'n nun.

Jean 21:15

Kɛ be wieli like di'n, Jésus usali Simɔn Piɛr kɛ: «?Zan wa Simɔn, a klo min tra be nga mun?» Ɔ tɛli i su kɛ: «Ɛɛn! Nannan, a si kɛ n klo wɔ.» Yɛ Jésus seli i kɛ: «Nian m bua mma'm be lika!»

1 Korɛntfuɛ Mun 9:15

Sanngɛ like nga sɛ min waan n ´yo-ɔ n kwla yo'n, m'an yo-man i kwlaa wie fi. Kusu nán kɛ min waan be yo i sɔ man mín ti yɛ n klɛ fluwa nga-a. Sɛ n wu'n, ɔ yo n fɛ tra kɛ sran wie yo man ndɛ nga n kannin'n ´yo ato'n.

1 Korɛntfuɛ Mun 9:22

Kɛ n ko yo nan m'an nyan be nga be nian wun-man Nyanmiɛn ndɛ'n i wlɛ kpa'n, n yo min wun kɛ be sa. Sran wafa'n kwlaa bɔ n to be'n, kɛ n ko yo nan m'an de be'n, n yo min wun kɛ be sa, yɛ n yo like kwlaa nga n kwlɛ i yo'n.