JÉSUS-CHRIST I DYASIN FE'N BO LUC KLELI'N 16:9 - NYANMIƐN NDƐ'N 1998

⁹ I sɔ'n ti, amun kusu an `fa amun sika b'ɔ man ndɛ sran'm be di-man nanwlɛ'n, an `fa tra sran'm be janvuɛ nan cɛn nga amún sa nun wie'n, b'a sɔ amun nun anannganman tranwlɛ'n nun lɔ.

Nyanmien nde Ufle

⁹ I so'n ti, amun kusu anh fa amun sika b'o man nde swran'm bé di'a nanwle'n, anh fa tra swran'm bé dyanvue, nan tyen nga amun sa nun wié'n, ba so amun nun anannganman tranwle'n nun lo.

JÉSUS-CHRIST I DYASIN FE'N BO LUC KLELI'N 16:9 ပူးပေါင်းရင်းမြစ်များ

Jue Mun 73:26

Nyanmiɛn, kannzɛ min wunnɛn'n ´wiewie o, kannzɛ mín wla'n ´bo mín wun o, sran nga n kisɛ i su b'ɔ ti min liɛ mlɔnmlɔn titi'n yɛlɛ wɔ.

Nyanndra Mun 14:24

Anyanbeun'n ɔ ti akunndanfuɛ'm be kɔmin su manlɛ like. Sinnglinfuɛ'm be ´ka be sinnzin'n nun titi.

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Akunndanfuɛ'n 11:1

Fa ɔ kpaun'n to yi i nzue'n i nyin su, afin cɛn wie lele a ´nyɛn i ekun .

Ezai 57:16

N su ka-man fɔ bulɛ'n su sa tititi, n su ka-man ya falɛ'n su sa tititi. Sɛ ɔ yo sɔ-ɔ, be nga n yili be'n, be su nyan-man nguan.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Matthieu 19:21

Yɛ Jésus waan: «Sɛ a klo kɛ a ´wie i ngba su fa weiin'n, ko yo ɔ ninnge'm be atɛ, fɛ i sika'n man yalɛfuɛ mun, yɛ a ´nyan ninnge kpakpa nyanmiɛn su lɔ. Nan bla wa su min su.»

Matthieu 6:19

«Nán an sie amun anwlɛn su ninnge'm be wa, afin nvɔlɛ nin annganblalɛ be saci be, yɛ awiefuɛ'm be bu anuan'n be wua asiɛ'n su wa.

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

JÉSUS-CHRIST I DYASIN FE'N BO LUC KLELI'N 12:33

An `yo amun ninnge'm be atɛ, an `fɛ i sika'n cɛ yalɛfuɛ mun. An `kpɛ bɛtrɔ b'ɔ yo-man nvuɛn bɔ like wie-man nun'n, an `sie i Nyanmiɛn su lɔ, lɔ liɛ'n, awiefuɛ kɔ-man lɔ, nvɔlɛ di-man like lɔ.

JÉSUS-CHRIST I DYASIN FE'N BO LUC KLELI'N 14:14

Sɛ a yo sɔ'n, Nyanmiɛn wa yo ɔ liɛ ye. Be liɛ'n be lɛ-man like nan b'a yo wie a man wɔ, Nyanmiɛn bɔbɔ yɛ kɛ sran kpa'm be ´cɛn'n, ɔ ´yo ɔ liɛ'n man wɔ-ɔ.»

JÉSUS-CHRIST I DYASIN FE'N BO LUC KLELI'N 16:11

?I sɔ'n ti, sɛ amun di-man nanwlɛ sika ng'ɔ man ndɛ sran'm be di-man nanwlɛ'n su'n, wan yɛ ɔ ´fɛ i like kpa man amun kɛ an fa sie-ɔ?

JÉSUS-CHRIST I DYASIN FE'N BO LUC KLELI'N 16:13

Sran kun i min'n kwla yo-man nnyɔn, san ɔ ´kpɔ kun ɔ ´klo kun, ɔ ´fɛ i wun mantan kun, yɛ ɔ ´yo kun finfin. An kwla fa-man Nyanmiɛn yo-man amun min, nan amun kunngba'n amu'an fa sika a yo amun min.»

JÉSUS-CHRIST I DYASIN FE'N BO LUC KLELI'N 16:4

Akunndan kun kpɛnnin i klun. Ɔ seli kɛ: ‹M'an wun nga m ma yo'n nan sɛ be tu n junman nun'n, sran nga n wlu i awlo'n ɔ'a sɔ min nun.›

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

Sa nga bé yôli'n 10:4

Yɛ Kɔrnɛyi niɛnnin i siin, srɛ kunnin i, ɔ usɛli i kɛ: «?Nannan, nguɛ-ɔ?» Yɛ anz'n seli i kɛ: «Ɔ like bɔ a srɛ Nyanmiɛn'n , ɔ ti, yɛ ye bɔ a yo yalɛfuɛ mun'n, ɔ wun i, i sɔ'n ti i wla o wɔ su.»

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Jude 1:21

Kɛ amun ´minndɛ kɛ e Min Jésus-Krist si amun aunnvuɛ nan ɔ man amun anannganman nguan'n, an `yo sa nga an yo-ɔ an si kɛ Nyanmiɛn klo amun'n.