JÉSUS-CHRIST I DYASIN FE'N BO LUC KLELI'N 16:23 - NYANMIƐN NDƐ'N 1998

²³ Kɛ ɔ o blɔlɔ lɔ b'ɔ ´wun i nyrun kpa'n, ɔ nian mmua lɔ'n, ɔ wunnin Abraam, yɛ Lazar kusu wo i wun lɛ.

Nyanmien nde Ufle

²³ Ke o ô blolo lo b'oh wunh i nyrun kpa'n, o nian mmua lo, o wuun Abraham, ye Lazare kusu ô i wun le.

JÉSUS-CHRIST I DYASIN FE'N BO LUC KLELI'N 16:23 ပူးပေါင်းရင်းမြစ်များ

Jue Mun 16:10

Afin a su yaci-man min blɔlɔ lɔ. A su yaci-man min bɔ n ti ɔ sran min lɛ kɛ n kplɔ.

Jue Mun 49:15

be ´su bé bo guɛ i blɔlɔ lɔ kɛ bua mun sa, wie'n yɛ ɔ ´kankan be-ɔ. Be ´kɔ blɔlɔ lɔ trelele. Be su wun-man be osu kun, sran kpa'm be wa kwla be. Blɔlɔ lɔ yɛ be ´tran siɛn nin-ɔn. Be ´tran be sua nglanman-nglanman'm be wun mmua.

Jue Mun 86:13

Wɔ aklunye'n ti dan min lika. A deli min wie'n i nuan nun.

Jue Mun 9:17

Anannganman ɔ'a fa wafa ng'ɔ ti'n ɔ'a kle, ɔ di jɔlɛ weinwein. Anannganman man sa tɛ yofuɛ'n ɔ'a tɔ aya nga i bɔbɔ suali'n nun.

Nyanndra Mun 15:24

Sran ng'ɔ si ngwlɛlɛ'n ɔ fa atin nga be fa su-ɔ, be nyan nguan'n. Ɔ fa-man blɔlɔ liɛ'n su .

Nyanndra Mun 5:5

Sɛ e kwla e se'n, wie'n i ndɛnman trelele yɛ ɔ kɔ-ɔ. Kan ɔ ´tu ajalɛ kɔ lɛ'n, blɔlɔ atin'n su yɛ ɔ ´kɔ lɛ-ɔ.

Nyanndra Mun 7:27

I awlo'n ti blɔlɔ atin. Atin sɔ'n ɔ jra kɔ lele ju blɔlɔ lɔ.

Nyanndra Mun 9:18

Sran nga bla sinnglinfuɛ sɔ'n flɛ i'n, ɔ si-man kɛ kɛ ɔ o lɛ'n, ɔ o wie'n i nuan'n nun. Ɔ si-man kɛ be nga bla sɔ'n flɛli be bɔ b'a bɛ i wun'n, b'a ju blɔlɔ lɔ ɔ'a wie.

Ezai 14:15

Sanngɛ be suli ɔ bo yili i blɔlɔ lɔ, be suli ɔ bo yili kunman dan'n i bo lɔ kpa crɔcrɔcrɔ.

Ezai 14:9

Sɛ e ´kwla se'n, asiɛ'n bo lɔ'n, ɔ nun sɔlɛ'n ti, blɔlɔ lɔ lika'n ɔ keje. Asiɛ'n su sran dandan nga b'a wu'n be kwlaa be tinnge. Ɔ yo man famiɛn nga be o nvle'm be kwlaa be nun'n be jaso be famiɛn bia'm be su.

Matthieu 11:23

?Kapɛrnaɔmfuɛ mun amun kusu, amun tu amún wun lele fa ju nyanmiɛn su lɔ? Be wa gua amún nyin ase lele ju blɔlɔ lɔ, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Sodɔm'n, wuun lele ndɛ ɔ tɛ o lɛ.

Matthieu 18:9

Sɛ ɔ nyinma'n kusu yɛ man a yo sa tɛ'n, tu yi blo i mmua, ɔ flunman kɛ a fa ɔ nyinma pɛɛn'n wɔ lika nga be nyan nguan nun'n tra kɛ ɔ nyinma nnyɔn'n wo lɛ nan b'a fa wɔ a yi nyrɛnnɛn lika'n i sin'n nun lɔ'n.»

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Matthieu 5:29

Sɛ ɔ nyinma fama'n man a yo sa tɛ'n, tu yi i blo mmua. Ɔ flunman kɛ ɔ wunnɛn'n i lika kun tu lɛ nan a `di lɛ, ɔ tra kɛ Nyanmiɛn `fa ɔ wunmuan'n yi nyrɛnnɛn lika'n nun'n.

Matthieu 8:29

Be kpan usɛli i kɛ: «?Nyanmiɛn Wa Yasua, nguɛ ndɛ yɛ ɔ wo e nin wɔ ye afiɛn-ɔn? ?A bali kɛ a wa dun mmua kle e nyrɛnnɛn nan e nyrɛnnɛn klelɛ blɛ'n ɔ'a ju ?»

JÉSUS-CHRIST I DYASIN FE'N BO LUC KLELI'N 16:24

Yɛ ɔ kpannin-ɔn, ɔ seli kɛ: ‹Nannan Abraam, yaci wun min aunnvuɛ, sunman Lazar man ɔ fɛ i sama ti bo nzue nun ɔ wa kpɛn n taaman'n su, n su wun min nyrun dan kpa sin'n nun wa.›

JÉSUS-CHRIST I DYASIN FE'N BO LUC KLELI'N 16:28

n niaan nnun be o lɔ. Man ɔ ko kan sa ng'ɔ o wa'n kle be nan be kusu b'a ba-man nyrɛnnɛn nga nun wa wie.›

JÉSUS-CHRIST I DYASIN FE'N BO LUC KLELI'N 8:28

Kɛ ɔ wunnin Jésus'n, ɔ kpannin, ɔ wa kotoli i bo, ɔ kpan seli kɛ: «?Jésus, Nyanmiɛn bɔ like fi nun-mɛn i sin'n i Wa, nguɛ ndɛ yɛ ɔ o min nin wɔ ye afiɛn-ɔn? N ´srɛ wɔ, nán kle n yalɛ.»

1 Korɛntfuɛ Mun 15:55

?Wie, like nga b'ɔ man a kwla'n ɔ o nin? ?Wie, ɔ je'n wo nin ?»

2 Piɛr 2:4

Afin Nyanmiɛn a yaci-man anz'm bɔ be yoli i sa'n be lɛ, ɔ kan be bo guɛli i nyrɛnnɛn lika'n nun, yɛ be cili be sieli be aosin'n nun lɔ kɛ be `tran lɛ lele man ɔ fa ju jɔlɛ dilɛ cɛn'n.

Sa nglô yile 20:10

Mmusu'm be si Satan b'ɔ lakalaka be'n, be to i yili sin dan nin sufru nun. Nnɛn dan'n nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n, be dun mmua to be yili be lɔ. Be ´wun be nyrun wia nun nin kɔnguɛ tititi.