JÉSUS-CHRIST I DYASIN FE'N BO LUC KLELI'N 16:22 - NYANMIƐN NDƐ'N 1998

²² Le kun yalɛfuɛ sɔ'n wuli, anz'm be wa fɛ i ɔli Abraam wun lɔ. Anyanbeunfuɛ'n kusu ɔ wa wuli nan b'a sie i.

Nyanmien nde Ufle

²² Lé kun yalefue so'n wuli, ange'm bé wa fe oo Abraham wun lo. Anyanbéunfue'n kusu wa wuli nan ba siéé.

JÉSUS-CHRIST I DYASIN FE'N BO LUC KLELI'N 16:22 ပူးပေါင်းရင်းမြစ်များ

Zɔb I Nyrɛnnɛn Wunlɛ 21:13

Kɛ be ko di ye sɔ'n lele ko wie'n, kpɛkuun be wu blɛlɛlɛ, be blɔlɔ kɔlɛ nun-ɔn.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Akunndanfuɛ'n 8:10

N wunnin kɛ be nga be yo klunwi'n be nyan sɛ dan kpa. Kɛ sran'm be fa i sɔfuɛ'm be fuɛn'n be kɔ Nyanmiɛn i sua'm be nun bɔ be fite'n, kpɛkuun bé wla fi sa tɛ nga sran sɔ'm be yoli'n. Sa sɔ'n tra sran i akunndan'n su, yɛ i kwlaa ti afɛ ngbɛn.

Ezai 14:18

Nvle'm be famiɛn'm be kwlakwla, be kwlakwla kpan, be nyannin nyrun. Kɛ e ´se yɛ'n, be la be ndia'm be nun sɛsɛsɛ.

Ezai 22:16

«?Ɔ nzu yɛ ɔ o wa-a, ɔ osufuɛ onin yɛ ɔ o wa-a b'ɔ man a fu wɔ asieliɛ kunman oka'n su, b'ɔ man a kpɛ ɔ lawlɛ kasiɛn'n yɛbuɛ buɛ'n nun-ɔn?»

Matthieu 18:10

«An `nian amún wun kpa, nán amun yo ba kanngan nga be o yɛ'n be nun kun finfin, afin n ´kan kle amun kɛ, be anz'm bɔ be o nyanmiɛn su lɔ'n bé nyin ta min Si b'ɔ o nyanmiɛn su lɔ'n i nyrun cɛn kwlaa. [

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Matthieu 8:11

N ´kan kle amun kɛ, sran sunman be wa fin wia afiliɛ nin wia atɔliɛ be ´ba, be nin Abraam, nin Izaak, nin Zakɔb be ´tran tabli sin Nyanmiɛn mɛn'n nun.

Marc 8:36

?Sɛ sran kun nyan mɛn'n nun ninnge'n kwlaa nan sɛ i nguan'n kpɛ sin'n, nguɛ yɛ ɔ yo ye mɛn i-ɔ?

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

JÉSUS-CHRIST I DYASIN FE'N BO LUC KLELI'N 16:21

Ɔ klo kɛ ɔ ´di like kanngan ng'ɔ guagua anyanbeunfuɛ'n i tabli'n bo'n, yɛ alua'm be wa tafitafi i kannin'm be nun.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 13:23

Be nun kun bɔ Jésus klo i sa kpa'n, ɔ mɛntɛn i wun lɛ.

Jean 21:20

Piɛr kpɛli i nyin nan ɔ'a wun Jésus i sɔnnzɔnfuɛ ng'ɔ klo i kpa'n bɔ kɛ be ´di like'n ɔ kisa Jésus wue nun'n, ɔ usɛli i kɛ: «?Nannan, wan yɛ ɔ ´fa wɔ man sran mun-ɔn?»

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 2:14

Kɛ bɔ ba sɔ'm be ti klɔ sran'n ti'n, Jésus kusu kacili i wun klɔ sran kɛ be sa. Ɔ yoli i sɔ nan sɛ ɔ wu'n ɔ ´kwla mmusu'm bé si Satan'n b'ɔ man wie'n kwla sran mun'n.

Jacques 1:11

Wia'n fi, ɔ bo waka'n fiaan, i nyrɛ'n gua, kpɛkuun i nyrunnyan'n ɔ'a kpa. Anyanbeunfuɛ'n kusu, kɛ ɔ wa yaci i ninnge ng'ɔ yo be'n ɔ kpɛ kpo wu sɔ-ɔ .

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

Sa nglô yile 14:13

N tili sran kun nɛn nyanmiɛn su lɔ, ɔ seli kɛ: «Klɛ ndɛ nga, klɛ i kɛ: ‹Kɛ ɔ fin ndɛ'n, be nga be nin e Min'n b'a kaci sran wunmuan bɔ be wu'n, be liɛ su ti ye!› » Nyanmiɛn Wawɛ'n se kɛ: «Ɔ ti sɔ. Be wa yaci be junman kekle bɔ be di'n be ´de wunmiɛn, afin be nin be nyoliɛ kpa'n yɛ be ´kɔ-ɔ.»