JÉSUS-CHRIST I DYASIN FE'N BO LUC KLELI'N 16:2 - NYANMIƐN NDƐ'N 1998

² Ɔ flɛli i, ɔ usɛli i kɛ: ‹?Nguɛ sa yɛ a yoli bɔ be wa kan kleli min nin-ɔn? Kan ɔ junman'n i nun ndɛ kle min, afin a su kwla nian-man n ninnge'm be su kun.›

Nyanmien nde Ufle

² O flelii, o usé i ke: ?Nzu sa ye a yôli bo bé wa kan kléé min nion? Kan o dyunman'n i nun nde klé min, afin a su kwla nia'an n ninngé'm bé su kun.

JÉSUS-CHRIST I DYASIN FE'N BO LUC KLELI'N 16:2 ပူးပေါင်းရင်းမြစ်များ

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Matthieu 12:36

N ´kan kle amun kɛ, jɔlɛ dilɛ cɛn nun'n, ndɛ ngbɛn kwlaa bɔ sran'm be kannin'n, be bɔbɔ yɛ be ´kan bé su ndɛ-ɔ.

Matthieu 20:8

Kɛ aliɛ jɔli'n, vinyi fie i fuɛ'n flɛli i junman difuɛ'm bé su kpɛn'n nan ɔ'a se i kɛ: ‹Flɛ junman difuɛ mun nan tua be kalɛ, bo i bo kasiɛnfuɛ'm be su fa kɔ kliklifuɛ'm be su .›

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

JÉSUS-CHRIST I DYASIN FE'N BO LUC KLELI'N 12:42

Yɛ e Min'n seli kɛ: «?Wan yɛ ɔ ti sran kpa b'ɔ si like su nian kpa, bɔ i min'n fɛ i sie i minniɛn'm be su kɛ ɔ man be aliɛ cɛn bɔ be sieli'n su nin-ɔn?

JÉSUS-CHRIST I DYASIN FE'N BO LUC KLELI'N 16:1

Jésus kan kleli i sɔnnzɔnfuɛ'm be kusu kɛ: «Anyanbeunfuɛ kun lɛ i sran kun, ɔ niɛn i ninnge'm bé su. Le kun be wa kan kleli i kɛ ɔ su saci i ninnge mun.

JÉSUS-CHRIST I DYASIN FE'N BO LUC KLELI'N 16:3

Yɛ ninnge sunianfuɛ sɔ'n seli i wun kɛ: ‹?Kɛ be ko tu n junman'n nun bɔ b'a de be ninnge mun n sa nun'n, n ´yo i sɛ siɛn'n? N lɛ-man wunmiɛn nan m'an di fie, yɛ kusu n kwla yo-man lala sinfuɛ, sɛ n yo sɔ-ɔ, ɔ ti nyannzuɛn.›

Rɔmfuɛ Mun 14:12

Ɔ man e kwlaa e wa kan sa nga e yoli be'n kle Nyanmiɛn.

1 Korɛntfuɛ Mun 1:11

Afin n niaan mun, n ti amun wun ndɛ Klɔe awlofuɛ'm bé nuan nun, kɛ ndɛ wo amun afiɛn.

1 Korɛntfuɛ Mun 4:2

Kusu sa ng'ɔ ti cinnjin'n, yɛlɛ kɛ sran ng'ɔ nian ninnge su'n, ɔ `yo sran kpa.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

1 Timote 4:14

Like nga Nyanmiɛn fa mannin wɔ kɛ a yo'n, Nyanmiɛn nuan ijɔfuɛ'm be ndɛ bɔ be kannin'n ti'n b'ɔ man kpɛnngbɛn'm be yiali be fa bé sa fuali ɔ su'n, nán kpa su.

1 Timote 5:24

Sran wie'm bé sa tɛ'm be fite su nan b'a di be jɔlɛ, sanngɛ wie'm be kusu be liɛ'm be fite-man su san ɔ cɛ lele ka.

1 Piɛr 4:10

Kɛ bɔ Nyanmiɛn mannin amun ninnge wafa-wafa nga sran yo'n i wie'n, man sran kun fɛ i liɛ nga Nyanmiɛn mɛnnin i'n ukɛ i wiengu.

1 Piɛr 4:5

Sanngɛ be wa kan sa nga be yoli'n kle Nyanmiɛn b'ɔ wa di be nga bé nyin o su'n, nin be nga be wuli'n be jɔlɛ'n.

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.