JÉSUS-CHRIST I DYASIN FE'N BO LUC KLELI'N 16:14 - NYANMIƐN NDƐ'N 1998

¹⁴ Farizifuɛ mun bɔ be klo sika'n, be tili ndɛ sɔ'n nan b'a sri Jésus.

Nyanmien nde Ufle

¹⁴ Pharisifue mun (*f4*) bo bé klô sika'n bé tii nde so'n, nan ba sri Jésus.

JÉSUS-CHRIST I DYASIN FE'N BO LUC KLELI'N 16:14 ပူးပေါင်းရင်းမြစ်များ

Jue Mun 119:51

Wun tufuɛ mun'n, min srilɛ'n yɛ ɔ ti be junman-an. Sanngɛ n san-man ɔ mmla'n i wun n fa-man uflɛ.

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Ezai 56:11

Be ti kɛ alua'm bɔ be ti aliɛ safuɛ'n sa, be di like-ɔ, be ku yi-man. Be ti bua kankanfuɛ mun bɔ be wun-man sa fi wlɛ, be kwlaa be fa be klun klo atin. Like ng'ɔ ti be liɛ'n i ngunmin cɛ yɛ ɔ lo be-ɔ.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Matthieu 9:24

«An `fite, ba'n ɔ'a wu-man, lafilɛ yɛ ɔ su lafi-ɔ. Nan b'a sri i.»

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 20:47

Be de angboti mmla'm be awlo mun, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n, ɔ wa yo tɛ kpa.»

JÉSUS-CHRIST I DYASIN FE'N BO LUC KLELI'N 23:35

Sran'm be jin lɛ yɛ be niɛn i-ɔ. Ngbɛn-ngbɛn'm be kusu be srili i, be seli kɛ: «Ɔ deli sran wie mun, sɛ i yɛ ɔ ti Krist bɔ Nyanmiɛn fɛ i sieli'n, man ɔ de i bɔbɔ wun!»

JÉSUS-CHRIST I DYASIN FE'N BO LUC KLELI'N 8:53

Be srili i, afin be si kɛ ɔ'a wu.

2 Timote 3:2

Afin sran'm be ´bu be bɔbɔ be wun akunndan, be ´yo sika klofuɛ, be ´di bé nuan, be ´tu bé wun, be ´saci Nyanmiɛn wun, bé nyin su yi-man bé si nin be nin mun, be su si-man ye, bé nyin su yi-man Nyanmiɛn,

Hébreu 11:36

Be to wie'm be mma, be fa nyantiaan bo be, be fa jrɔkɔ ci wie mun, yɛ be wla be bisua.