JÉSUS-CHRIST I DYASIN FE'N BO LUC KLELI'N 16:13 - NYANMIƐN NDƐ'N 1998

¹³ Sran kun i min'n kwla yo-man nnyɔn, san ɔ ´kpɔ kun ɔ ´klo kun, ɔ ´fɛ i wun mantan kun, yɛ ɔ ´yo kun finfin. An kwla fa-man Nyanmiɛn yo-man amun min, nan amun kunngba'n amu'an fa sika a yo amun min.»

Nyanmien nde Ufle

¹³ Swran kun min kwla yô'a nnyon, san oh kpoh kun oh klôh kun, oh feh i wun mantan kun, ye oh yôh kun finfin. An kwla yô'a Nyanmien i swran, nan amun kunngba'n amuan yô sika'n i klôfue.

JÉSUS-CHRIST I DYASIN FE'N BO LUC KLELI'N 16:13 ပူးပေါင်းရင်းမြစ်များ

Matthieu 4:10

Yɛ Jésus seli i kɛ: «Satan, jaso lɛ! Afin be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

JÉSUS-CHRIST I DYASIN FE'N BO LUC KLELI'N 11:23

Sran ng'ɔ nin min nun-man nun'n, ɔ ti n kpɔfuɛ, yɛ sran ng'ɔ nin min tian-man like nuan'n, ɔ trutru nun.»

JÉSUS-CHRIST I DYASIN FE'N BO LUC KLELI'N 14:26

«Sran ng'ɔ ba min sin'n, sɛ ɔ'a kpɔ-mɛn i si, i nin, i yi, i mma mun, i niaan mun, yɛ i bɔbɔ i wun'n, ɔ su kwla yo-man n sɔnnzɔnfuɛ.

JÉSUS-CHRIST I DYASIN FE'N BO LUC KLELI'N 16:12

?Yɛ sɛ an di-man nanwlɛ sran wie like liɛ'n su'n, wan yɛ ɔ ´fa ng'ɔ ti amun bɔbɔ amun liɛ'n man amun-ɔn?

JÉSUS-CHRIST I DYASIN FE'N BO LUC KLELI'N 16:9

I sɔ'n ti, amun kusu an `fa amun sika b'ɔ man ndɛ sran'm be di-man nanwlɛ'n, an `fa tra sran'm be janvuɛ nan cɛn nga amún sa nun wie'n, b'a sɔ amun nun anannganman tranwlɛ'n nun lɔ.

JÉSUS-CHRIST I DYASIN FE'N BO LUC KLELI'N 9:50

Yɛ Jésus seli i kɛ: «Nán an se i kɛ, nán man ɔ fuan be, afin sran ng'ɔ nin amun lɛ-mɛn'n, ɔ jin amún sin.»

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»