JÉSUS-CHRIST I DYASIN FE'N BO LUC KLELI'N 15:6 - NYANMIƐN NDƐ'N 1998

⁶ Kɛ ɔ ju awlo lɔ'n, ɔ yiɛ i janvuɛ nin i tranfuɛ mun ɔ se be kɛ: ‹An man e si able, afin m bua'n b'ɔ mlinnin'n, m'an wun i.›

Nyanmien nde Ufle

⁶ Ke o dyu awlô lo'n, oh yieh i dyanvue nin i tranfue mun oh séh bé ke: An man é si ablé, afin m bua'n b'o mlinnin'n, man wuin.

JÉSUS-CHRIST I DYASIN FE'N BO LUC KLELI'N 15:6 ပူးပေါင်းရင်းမြစ်များ

Jue Mun 119:176

N ti kɛ bua b'ɔ wlan daan sa. Kunndɛ min bɔ n ti ɔ sufuɛ'n, afin n wla fi-man ɔ mmla'm bé su .

JÉSUS-CHRIST I DYASIN FE'N BO LUC KLELI'N 1:58

Kɛ Elizabɛt i tranfuɛ nin i osufuɛ'm be tili kɛ e Min Nyanmiɛn'n ɔ'a si i aunnvuɛ dan'n, be klun jɔli.

JÉSUS-CHRIST I DYASIN FE'N BO LUC KLELI'N 15:10

Ɔ man n ´se amun kɛ sa tɛ yofuɛ kun b'ɔ kaci i nzuɛn'n ti, Nyanmiɛn i anz'm be klun jɔ.»

JÉSUS-CHRIST I DYASIN FE'N BO LUC KLELI'N 15:24

afin min wa ng'ɔ o yɛ'n, ɔ wuli, yɛ ɔ'a nyan nguan ekun, ɔ mlinnin, m'an wun i ekun.› Yɛ be boli cɛn dilɛ sɔ'n bo-ɔ.

JÉSUS-CHRIST I DYASIN FE'N BO LUC KLELI'N 15:5

Kɛ ɔ ko wun i'n, i klun jɔ dan kpa, ɔ fɛ i bo i kɔmin su.

JÉSUS-CHRIST I DYASIN FE'N BO LUC KLELI'N 15:7

Ɔ man n ´se amun kɛ, sɛ sa tɛ yofuɛ kun kusu kaci i nzuɛn'n, be klun ng'ɔ jɔ nyanmiɛn su lɔ sa tɛ yofuɛ sɔ'n ti'n, i dan tra be klun ng'ɔ jɔ sran nanwlɛfuɛ ablangwlan-nin-ngwlan bɔ be klo-man kɛ be kaci be nzuɛn'n be ti'n.»

Jean 15:14

Sɛ an fa min ndɛ'n su'n, an ti n janvuɛ.

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 15:3

Asɔnunfuɛ'm be guali be atin, be sinnin Fenisi nin Samari, be kannin kɛ ɔ yoli b'ɔ man be bɔ be ti-man Zuif'n be kacili Kristfuɛ'n kleli be, ɔ man e niaan'm be kwlaa be klun jɔli dan kpa.

Filipfuɛ Mun 1:4

Blɛ kwlaa nga n ´srɛ Nyanmiɛn kɛ ɔ jran amun kwlaa amún sin'n, n klun jɔ i srɛlɛ sɔ'n su

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.

Filipfuɛ Mun 4:1

I sɔ'n ti'n, n niaan bɔ ń wla lo amun'n, bɔ amun man n klun jɔ'n, b'ɔ man n nyan kɔmin'n, n sran kpa mun, e Min'n bɔ amun nin i ti sran wunmuan'n ti'n, an `jran kekle kɛ nga sa!

1 Tɛsalonikfuɛ Mun 2:19

?Sɛ e Min Jésus ´ba bɔ e ´jrɛn i nyrun'n, nzu su yɛ e ´fa é wla gua-a? ?Nguɛ yɛ man e klun ´jɔ-ɔ? ?Nzu yɛ ɔ kle kɛ e kwlali bɔ e ´fa di e nuan-an? ?Nán amun-ɔn?

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .

1 Piɛr 2:25

Laa an ti kɛ bua bɔ b'a bo nzanndri'n sa, sanngɛ siɛn'n amu'an sa amún sin amun Tafuɛ b'ɔ ti amun Sunianfuɛ'n i sin .