JÉSUS-CHRIST I DYASIN FE'N BO LUC KLELI'N 14:13 - NYANMIƐN NDƐ'N 1998

¹³ Sanngɛ sɛ a ´di cɛn'n, flɛ yalɛfuɛ mun flɛ be bɔ bé sa nin bé ja ti wuwa'n, nin cɛcɛwafuɛ mun, nin anyansifuɛ mun.

Nyanmien nde Ufle

¹³ Sannge se ah dih tyen'n, fle yalefue, bé bo bé sa nin bé dya ti wuwa'n, nin tyetyewafue, nin anyansifue mun.

JÉSUS-CHRIST I DYASIN FE'N BO LUC KLELI'N 14:13 ပူးပေါင်းရင်းမြစ်များ

2 Samiɛl 6:19

Yɛ ɔ mannin Izraɛlfuɛ'm be kwlaa nga be yiali'n be like kɛ be di, i bla o, i yasua o. Sran kun kpaun kun, nin nglesia gato kun, nin vinyi mma kee gato kun. I sin be ɔli be tranwlɛ'm be nun.

2 Be Nyoliɛ 30:24

Afin famiɛn Ezekias mannin sran'm be nannin tola akpi nin bua akpi nso (7.000). Famiɛn awlo lɔ sran dandan'm be mannin nannin tola akpi yɛ bua akpi blu (10.000). Ng'ɔ o su ekun'n yɛlɛ kɛ Nyanmiɛn nyrun jranfuɛ nga be yoli bé wun saun'n be sɔnnin kpa.

Neemi 8:10

Be seli be ekun kɛ: «Amun `wɔ amun awlo, amun `di aliɛ kpakpa, yɛ amun `nɔn nzan bɔ be bo-man'n. Amun `ko man be nga b'a tɔn-man like'n be wie. Ndɛ cɛn'n ti e Min'n i liɛ. Nán amun mlan amun nyrun. Aklunjuɛ ng'ɔ fin Anannganman'n, ɔ ´man amun fanngan.»

Neemi 8:12

Yɛ sran'm be kwlaa be ɔli be awlo nan b'a di like nan b'a nɔn nzan. Be ko mannin sran nga be lɛ-man like diwa'n be wie, yɛ be klun jɔli dan kpa, be dili cɛn, afin be wunnin ndɛ nga be tuli i bo kleli be'n i wlɛ kpa.

Zɔb I Nyrɛnnɛn Wunlɛ 29:13

Kɛ sran'm be wa wu'n, be yra min nguan. Min ti man angboti bla'm be klun jɔ.

Nyanndra Mun 14:31

Sran ng'ɔ mian-mian yalɛfuɛ mun'n, wuun ɔ su kpɛ Nyanmiɛn b'ɔ yili be'n i nzowa. Sran ng'ɔ si yalɛfuɛ'n i aunnvuɛ'n, ɔ bu Nyanmiɛn sran .

Nyanndra Mun 22:9

Sran nga bɔ i klun ti ufue'n, bɔ kɛ ɔ ´di like-ɔ ɔ man yalɛfuɛ wie'n, ɔ ´nyan muae.

Ezai 58:10

sɛ amun fa amun bɔbɔ amun like nga amun di'n i wie man sran nga awe kun i'n, sɛ amun man sran ng'ɔ ti yalɛfuɛ'n i aliɛ'n, sɛ n ´kwla se'n, amún kannin'n ɔ ´fuan aosin'n bɔ amun o nun'n, yɛ lika tuun bɔ amun tran nun'n, ɔ ´yo weiin kɛ wia jran sa.

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Matthieu 15:30

Yɛ sran kpanngban kpa be fa cɛcɛwafuɛ mun, nin bubuwafuɛ mun, nin anyansifuɛ mun, nin bobofuɛ mun, ɔ nin tukpacɛfuɛ kpanngban wie mun ekun bali Jésus wun lɛ, be sieli be i nyrun lɛ, nan ɔ'a yo be juejue.

Matthieu 22:10

Yɛ i sran sɔ'm be fali atin'm be su-ɔ, sran nga be wun be'n, sran tɛ o, sran kpa o, be flɛ be kwlaa, ɔ man sran'm be yili sua nga be fa atɔnvlɛ nun'n.

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

JÉSUS-CHRIST I DYASIN FE'N BO LUC KLELI'N 14:12

Yɛ ɔ seli sran ng'ɔ flɛli i'n kusu kɛ: «Sɛ a ´flɛ sran kɛ ɔ wa di like'n, sɛ wia nun o, sɛ nnɔsua o, nán flɛ ɔ janvuɛ, nan flɛ ɔ niaan, nin ɔ osufuɛ, ɔ nin ɔ tranfuɛ anyanbeunfuɛ mun nan be kusu b'a flɛ-man wɔ b'a yo-man nga a yo mannin be'n i wunsu a man-man wɔ'n ti.

JÉSUS-CHRIST I DYASIN FE'N BO LUC KLELI'N 14:14

Sɛ a yo sɔ'n, Nyanmiɛn wa yo ɔ liɛ ye. Be liɛ'n be lɛ-man like nan b'a yo wie a man wɔ, Nyanmiɛn bɔbɔ yɛ kɛ sran kpa'm be ´cɛn'n, ɔ ´yo ɔ liɛ'n man wɔ-ɔ.»

JÉSUS-CHRIST I DYASIN FE'N BO LUC KLELI'N 14:21

Kɛ sran sɔ'n sɛli i sin awlo lɔ'n, ɔ kannin be ngbata sɔ'n kleli i min'n. Yɛ awlo bo kpɛn sɔ'n fali ya ɔ seli i sran'n kɛ: ‹Kɔ guasu lɔ nin klɔ'n nun atin-atin'm be su ndɛndɛ, ko flɛ yalɛfuɛ mun nin be bɔ bé sa nin bé ja ti wuwa'n, nin anyansifuɛ mun, ɔ nin cɛcɛwafuɛ mun man be bla.›

Sa nga bé yôli'n 9:39

Piɛr a sisi-mɛn i bo, ɔ nin be ɔli. Kɛ ɔ juli lɔ'n, be fɛ ɔli nglo sua'n nun lɔ. Angboti mmla'm be kwlaa be bɛli i wun lɛ, be fa tralɛ nin tralɛ dandan nga Dɔrkas wuli be kɛ i nyin tɛ o su'n, kleli i, wuun be ´sun.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

1 Timote 5:10

Man be wun kɛ ɔ yo sran'm be ye, yɛ ɔ niɛn i mma'm be su kpa, man be wun kɛ ɔ ti aklunyefuɛ, yɛ ɔ wunnzin Nyanmiɛn sran'm bé ja, man be wun ekun kɛ ɔ uka yalɛfuɛ mun, yɛ ɔ yo sa kpakpa'n kwlaa.

Tite 1:8

Sanngɛ man ɔ yo sran b'ɔ ti aklunyefuɛ, b'ɔ klo sa ng'ɔ ti kpa'n, b'ɔ yo sa i nuan su'n, b'ɔ ti sran kpa, b'ɔ ti Nyanmiɛn liɛ mlɔnmlɔn, b'ɔ si i bɔbɔ wun su nian.

Filemɔn 1:7

N niaan bian, klolɛ nga a fa klo be'n ti'n, ɔ man ń wla gua ase yɛ n klun jɔ dan, afin wɔ man Nyanmiɛn i sran'm be anwlɛn tɔ nzue nun.

Hébreu 13:2

Sran ng'ɔ to amun'n, an `sike i, afin sran wie'm be yoli sɔ be sikeli anz mun b'a si-man nun .