JÉSUS-CHRIST I DYASIN FE'N BO LUC KLELI'N 14:11 - NYANMIƐN NDƐ'N 1998

¹¹ Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Nyanmien nde Ufle

¹¹ Afin swran kwlaa ng'o yô i wun dandan'n, Nyanmien gueh i nyin asé, sannge swran ng'o tu'e i wun'n, Nyanmien man oh nyanh nyrun.

JÉSUS-CHRIST I DYASIN FE'N BO LUC KLELI'N 14:11 ပူးပေါင်းရင်းမြစ်များ

2 Samiɛl 22:28

Sran nga be kan bé wun ase'n, a de be nvle'n. Yɛ be nga be tu bé wun'n, a kan be ase.

Ɛstɛr 6:10

Yɛ famiɛn'n seli Aman kɛ: «Kɔ ndɛndɛ ko fa tralɛ nin nnɛn kpanngɔ nga a kɛnnin i ndɛ'n nan yo nga a kannin'n man Zuif bian bɔ be flɛ i kɛ Mardose'n, b'ɔ ti famiɛn'n i awlo'n i anuan'n nun lɛ'n. Yo i kɛ a kannin'n sa cɛ, nán kpa wie fi su.»

Zɔb I Nyrɛnnɛn Wunlɛ 22:29

Nyanmiɛn man wun tufuɛ'm be like nga be siesie kɛ be ´yo'n, ɔ kpi ase. Sanngɛ ɔ uka be nga be kan bé wun ase'n.

Jue Mun 138:6

Anannganman o nglo lɔ, sanngɛ ɔ wun be nga be kan bé wun ase'n mun. Sran nga be yo bé wun dandan'n, ɔ o mmua lɔ ɔ wun be .

Jue Mun 18:27

Sran ng'ɔ ti saun'n, a yi ɔ saun bɔ a ti'n i nglo kle i. Sran nga kusu b'ɔ bu i wun ngwlɛlɛfuɛ'n, a yi ɔ ngwlɛlɛ'n i nglo kle i.

Nyanndra Mun 15:33

Bé nyin b'ɔ yi Anannganman'n ɔ man ngwlɛlɛ. Sɛ a dun mmua kan ɔ wun ase'n, yɛ a ´nyan nyrun-ɔn.

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 25:27

Awɛma nzue nɔnlɛ ngboko'n ti-man kpa. Dunman klanman kunndɛlɛ ngboko'n kusu ti-man kpa.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Matthieu 23:12

Sran ng'ɔ yo i wun dandan'n, Nyanmiɛn wa guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.

JÉSUS-CHRIST I DYASIN FE'N BO LUC KLELI'N 1:51

Ɔ yili i kwlalɛ'n nglo, Ɔ buli wun tufuɛ'm bɔ be gugu dandan'n bé bue.

JÉSUS-CHRIST I DYASIN FE'N BO LUC KLELI'N 1:52

Ɔ kpaloli famiɛn ngbli-ngbli'm bé bo bia'n, ɔ mannin yalɛfuɛ'm be su.

JÉSUS-CHRIST I DYASIN FE'N BO LUC KLELI'N 14:12

Yɛ ɔ seli sran ng'ɔ flɛli i'n kusu kɛ: «Sɛ a ´flɛ sran kɛ ɔ wa di like'n, sɛ wia nun o, sɛ nnɔsua o, nán flɛ ɔ janvuɛ, nan flɛ ɔ niaan, nin ɔ osufuɛ, ɔ nin ɔ tranfuɛ anyanbeunfuɛ mun nan be kusu b'a flɛ-man wɔ b'a yo-man nga a yo mannin be'n i wunsu a man-man wɔ'n ti.

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Jacques 1:9

Aniaan ng'ɔ ti yalɛfuɛ'n, man ɔ fa nyrun bɔ Nyanmiɛn man ɔ'a nyɛn i'n di i nuan.

Jacques 4:10

An `yo amún wun aenvuɛ e Min Nyanmiɛn'n i nyrun, yɛ ɔ man amun ´nyan nyrun.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:6

I sɔ'n ti, an `yo amún wun aenvuɛfuɛ'm Nyanmiɛn b'ɔ kwla sa kwlaa yo'n i nyrun nan sɛ cɛn ng'ɔ sieli'n ju'n ɔ'a man amun su .

1 Samiɛl 15:17

Samiɛl waan: «Laa'n, a bu-man ɔ́ wun sran dan, sanngɛ ndɛ wɔ yɛ a ti Izraɛl akpasua'm bé su kpɛn nin-ɔn. ?Nán Anannganman bɔbɔ yɛ ɔ sieli wɔ kɛ a yo Izraɛl famiɛn nin-ɔn?