JÉSUS-CHRIST I DYASIN FE'N BO LUC KLELI'N 13:19 - NYANMIƐN NDƐ'N 1998

¹⁹ Ɔ fa mutard mma bɔ sran kun fa luɛ i fie'n su'n, ɔ fifi, ɔ yo waka dan, anunman'm be wa yo bé sua i sama'm be su.»

Nyanmien nde Ufle

¹⁹ O fa moutarde (*f9*) mma bo swran kun fa lue i fié'n su'n, o fifi, o yô waka dan, anunman'm bé wa yô bé sua i sama'm bé su.

JÉSUS-CHRIST I DYASIN FE'N BO LUC KLELI'N 13:19 ပူးပေါင်းရင်းမြစ်များ

Ngɔjue Fɛfɛ Kpa'n 4:12

Min niaan bla, min yi, a ti kɛ wunmiɛn delɛ lika kun bɔ i wun ti sisiwa'n sa. A ti kɛ nzue ti kun bɔ i wun ti sisiwa'n sa. Yɛ a ti kɛ nzue b'ɔ fin like nun fite, bɔ i anuan'n nun ti towa'n sa.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 8:13

Mmo klanman ɔ bɔ a o tro fie'm be nun lɔ'n, janvuɛ wie'm be kunndɛ kɛ be ´ti ɔ nɛn'n. Ijɔ man n ti. Se min kɛ:

Ezai 53:1

?Wan yɛ ɔ lafili sa nga be kan kleli ye'n su-ɔ? ?Wan yɛ Anannganman yili i wun nglo kleli i kɛ ɔ ti kpli-ɔ ?

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Zeremi 31:12

Be ´bo sro be ´ba Siɔn oka'n su. Be ´wanndi yɛ be ´ba ninnge nga Anannganman'n fa man be'n i falɛ-ɔ, ɔliɛ ble o, nzan lɔflɛ o, ngo uflɛ o, bua o, boli o, nannin o. Be klun'n ´jɔ, be ´yo kɛ fie bɔ nzue tɔ su'n bɔ i su jɔ flɔlɔ'n sa. Be su yo-man kɛ asiɛ b'ɔ su srɛ nzue'n sa.

Ezekiɛl 31:6

Anunman nga be tu sin'n be kwlaa be lɛ i sama'm be nun. Blo nnɛn'm be kwlaa be wu ba mun be sie be i nnya'm bé bo. Yɛ nvle dandan kpa'm be trɛn i fɔnvɔ'n bo.

Daniɛl 4:12

Sanngɛ amun `yaci i bo olui'n i su lɛ, man ɔ ka fie'n su lɔ ijre'm be afiɛn. Amun `fa blalɛ jrɔkɔ nin aaba jrɔkɔ be ci i. Man nyansue'n ɔ bo sran nga i nzɔliɛ yɛlɛ waka sɔ'n, yɛ man ɔ di ijre kɛ nnɛn'm be sa.

Daniɛl 4:21

Nannan, laliɛ'n i bo'n yɛ ɔ o yɛ, like nga Nyanmiɛn bɔ like fi nun-mɛn i sin'n ɔ ´wa yo wɔ'n, yɛ.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Matthieu 17:20

Jésus seli be kɛ: «Nyanmiɛn su bɔ an lafi-man'n ti-ɔ. Nanwlɛ, sɛ an lafi Nyanmiɛn su bɔ kaan b'ɔ ju kɛ mutard mma sa'n, an kwla se oka ng'ɔ o yɛ'n kɛ: ‹Tu ɔ bo wa kɔ le sa.› Ɔ ´tu i bo, yɛ sa fi nun-man lɛ bɔ an su kwlɛ-mɛn i yo-ɔ. [

Marc 4:30

Ɔ seli be ekun kɛ: «?Nguɛ yɛ e ´fa Nyanmiɛn sielɛ'n sunnzun i-ɔ annzɛ nyanndra onin yɛ e ´fa kle i bo-ɔ?

JÉSUS-CHRIST I DYASIN FE'N BO LUC KLELI'N 17:6

Yɛ e Min'n seli be kɛ: «Sɛ an lafi Nyanmiɛn su bɔ kaan b'ɔ ju kɛ mutard mma sa'n, sɛ an se waka ng'ɔ o yɛ'n kɛ ɔ `tu i bo ko jran jenvie nun'n, ɔ ´kɔ.»

Sa nga bé yôli'n 2:41

Be bɔ be fɛli i ndɛ'n su'n, be yoli be batɛm. Cɛn sɔ'n nun'n sran bɔ be ju bɔ akpi nsan (3.000) kun be ukali be su.

Sa nga bé yôli'n 21:20

Kɛ be tili ndɛ'n sɔ'n, be yili Nyanmiɛn ayɛ nan b'a se Pɔl kɛ: «E niaan bian, a wun Zuif akpi-akpi bɔ b'a lafi Jésus su'n, be kwlaa sɔ'n be lɛ mmla'n i wun anwlɛn.

Sa nga bé yôli'n 4:4

Ɔ nin i sɔ ngba'n, be nga be tili ndɛ sɔ'n, be sunman be fali su, be yasua'm be ju bɔ akpi nnun (5.000) kun.

Rɔmfuɛ Mun 15:19

yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»