JÉSUS-CHRIST I DYASIN FE'N BO LUC KLELI'N 13:14 - NYANMIƐN NDƐ'N 1998

¹⁴ Sanngɛ bla i juejue bɔ Jésus yoli i wunmiɛn-delɛ-cɛn nun'n, ɔ yoli Nyanmiɛn ndɛ suanlɛ nin i srɛlɛ sua su kpɛn'n i ya, nan ɔ'a se sran'm be kɛ: «Cɛn nga be fa di junman'n ɔ ti cɛn ba nsiɛn, an `bla cɛn sɔ'm be nun man be yo amun juejue, nán an ba wunmiɛn-delɛ-cɛn nun kun .»

Nyanmien nde Ufle

¹⁴ Sannge bla i dyuédyué bo Jésus yôlii sabbat tyen'n, o yôô Nyanmien sua sukpen'n i ya, nan wa sé swran'm bé ke: Tyen nga bé fa di dyunman'n o ti tyen ba nsien, anh bla tyen so'm bé nun man bé yô amun dyuédyué, nanh an ba sabbat tyen'n kun.

JÉSUS-CHRIST I DYASIN FE'N BO LUC KLELI'N 13:14 ပူးပေါင်းရင်းမြစ်များ

Ezipt Lɔ Tulɛ'n 20:9

Fa cɛn ba nsiɛn fa di junman. Junman nga a ko di'n, di i kwlaa cɛn nsiɛn sɔ'm be nun.

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezekiɛl 20:12

N kpɛli wunmiɛn-delɛ-cɛn nan n ´fa yi aenguɛ nga e nin be e trali'n i nglo, kɛ ɔ ´yo nan b'a si kɛ n ti Anannganman nan n fali Izraɛl n sieli i ngunmin kɛ ɔ `su min.

Ezekiɛl 34:21

Amun fali amun wue'n nin amun bue kun suli nnɛn fakafaka'm be bo. Amun fali amun wɛ sili be yɛ amun fuannin be amun afiɛn.

Saun Yolɛ 23:3

Le mɔcuɛ kun nun amun `fa cɛn ba nsiɛn be `di junman. I cɛn ba nso'n su'n, ɔ ti wunmiɛn-delɛ-cɛn, amun fa be `yia min dunman nun. Kan kwlaa bɔ amun wo'n, i sɔ wunmiɛn-delɛ-cɛn liɛ nun'n, nán man amun di junman, amun `fɛ i sɔ cɛn liɛ'n be man min.»

Matthieu 12:2

Kɛ Farizifuɛ'm be wunnin i sɔ'n, be seli Jésus kɛ: «Nian, ɔ sɔnnzɔnfuɛ'm be yo like nga sran lɛ-man atin kɛ ɔ `yo i wunmiɛn-delɛ-cɛn'n nun'n.»

Marc 5:22

Nyanmiɛn ndɛ suanlɛ nin i srɛlɛ sua su kpɛn kun bɔ be flɛ Zairis'n bali lɛ. Kɛ ɔ wunnin Jésus'n, ɔ kotoli i bo,

JÉSUS-CHRIST I DYASIN FE'N BO LUC KLELI'N 6:11

Ya kunnin be dan kpa Jésus wun, nan b'a ko bu sa nga be ´yo i'n i akunndan.

JÉSUS-CHRIST I DYASIN FE'N BO LUC KLELI'N 6:7

Mmla klefuɛ mun nin Farizifuɛ'm be nian Jésus sɛ ɔ ´yo bian sɔ'n i juejue wunmiɛn-delɛ-cɛn'n nun o, yɛlɛ kɛ be kunndɛ i wun sa wie bɔ be ´kwla jran su be fa sɛnmɛn i.

JÉSUS-CHRIST I DYASIN FE'N BO LUC KLELI'N 8:41

Kɛ ɔ juli lɛ'n, bian kun b'ɔ ti Nyanmiɛn ndɛ suanlɛ nin i srɛlɛ sua'n i su kpɛn'n bɔ be flɛ i kɛ Zairis'n, ɔ bɛli i wun lɛ, ɔ kotoli i bo, yɛ ɔ srɛli i kɛ ɔ blɛ i awlo lɔ,

Sa nga bé yôli'n 13:15

Kɛ be wieli mmla'n nin Nyanmiɛn nuan ijɔfuɛ'm be fluwa'n i kanngan'n, Nyanmiɛn ndɛ suanlɛ nin i srɛlɛ sua su kpɛn'm be sunmannin sran kɛ be ko se be kɛ: «Nja mun, kpɛnngbɛn'm be waan sɛ an lɛ afɔtuɛ ndɛ wie bɔ an klo kɛ amun ´kan kle sran mun'n, an `kan.»

Sa nga bé yôli'n 18:17

Yɛ be kwlaa be tɔli Sɔstɛni b'ɔ ti Nyanmiɛn ndɛ suanlɛ nin i srɛlɛ sua'n i su kpɛn'n i su-ɔ nan b'a bo i jɔlɛ diwlɛ'n i nyrun lɛ, sanngɛ Galiɔn ɔ'a niɛn-mɛn i bɔ ngbɛn.

Sa nga bé yôli'n 18:8

Krispis b'ɔ ti Nyanmiɛn ndɛ suanlɛ nin i srɛlɛ sua su kpɛn'n nin i awlofuɛ'm be kwlaa be lafili e Min'n su. Yɛ Korɛntfuɛ kpanngban bɔ be tili Pɔl ndɛ'n, be fali Nyanmiɛn ndɛ'n su nan b'a yo batɛm.

Rɔmfuɛ Mun 10:2

N si be kpa kɛ be klo Nyanmiɛn dan, sanngɛ klolɛ sɔ'n bɔ be fa klo i'n, be si-man su ngwlɛlɛ.

Mmla'n 5:13

Fa cɛn ba nsiɛn di junman. Junman kwlakwla nga a ko di'n, di i cɛn nsiɛn sɔ'n nun.