JÉSUS-CHRIST I DYASIN FE'N BO LUC KLELI'N 13:11 - NYANMIƐN NDƐ'N 1998

¹¹ Kɛ ɔ ´yo sɔ'n, bla kun o lɛ, asiɛ usu wie sacili i, ɔ'a di afuɛ blu-nin-mɔcuɛ, kɛ ɔ ´nanti'n, ɔ klu, ɔ kwla tinngɛ-mɛn i wun mlɔnmlɔn.

Nyanmien nde Ufle

¹¹ Ke oh yôh so'n, bla kun ô le, asie usu wié satyilii, ke o nanti'n, o klu, wa di afue blu-nin-motyue, o kwla tinnge'e i wun mlonmlon.

JÉSUS-CHRIST I DYASIN FE'N BO LUC KLELI'N 13:11 ပူးပေါင်းရင်းမြစ်များ

Zɔb I Nyrɛnnɛn Wunlɛ 2:7

Yɛ Satan fɛ i Anannganman wun lɛ ɔli-ɔ. Ɔ fali tukpacɛ tɛ wie guali Zɔb wunnɛn'n su. Tukpacɛ sɔ'n ɔ yoli i ja'n bo lele fa juli i ti'n su.

Jue Mun 145:14

Be kwlaa nga be tɔ'n, Anannganman suan bé bo. Be kwlaa nga b'a cia'n, ɔ tinngɛ be.

Jue Mun 146:8

Anannganman tike anyansifuɛ'm bé nyin. Be nga awlaboɛ'n ɔ'a kun be'n, ɔ wla be nun fanngan. Ɔ klo be b'ɔ bu be sran kpa'n .

Jue Mun 38:6

Min sinnzin bɔ n yoli'n ti, mín wun kannin'm b'a kplɔ, be bɔn tɛ kpa.

Jue Mun 42:5

Kɛ mín nyin kpɛnkpɛn min laa nun'n, ɔ kle min sunlɛ. Laa sɔ'n, n dun sran'm be nyrun mmua e nanti e kɔ Nyanmiɛn sua'n nun, wuun be ´kpan be ´bo be sro, e klun jɔ, Nyanmiɛn i ye b'ɔ yoli ye'n ti.

Jue Mun 6:2

Anannganman, kannzɛ w'a fa ya'n, nán bo min. Kannzɛ bɔ ɔ ya'n ɔ'a yo dan'n, nán tu min fɔ.

Matthieu 4:23

Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

Marc 9:21

Yɛ Jésus usɛli i si'n kɛ: «?Kɛ like sɔ'n tɔli i su'n i afuɛ nnyɛ yɛ?» Ɔ seli kɛ: «Kɛ ɔ fin i ba kaan nun'n yɛ like sɔ'n tɔli i su-ɔ.»

JÉSUS-CHRIST I DYASIN FE'N BO LUC KLELI'N 13:12

Kɛ Jésus wunnin bla sɔ'n, ɔ flɛli i, yɛ ɔ seli i kɛ: «Mmo, ɔ tukpacɛ'n ɔ'a wie, w'a nyan ɔ ti,» yɛ ɔ fɛ i sa fuɛli i su-ɔ.

JÉSUS-CHRIST I DYASIN FE'N BO LUC KLELI'N 13:16

?Yɛ bla nga li b'ɔ ti Abraam anunman bɔ Satan cili i ɔ'a di afuɛ lele blu-nin-mɔcuɛ'n, i yɛ sɛ n nyannji i wunmiɛn-delɛ-cɛn nun'n ɔ ti-mɛn i su-ɔ?»

JÉSUS-CHRIST I DYASIN FE'N BO LUC KLELI'N 21:28

Kɛ amun ´wun kɛ sa sɔ'm be su yo'n, an `jao jran, an `man amún ti'n su, kɛ ɔ ´yo sɔ'n, wuun an su wa nyan amún ti.»

JÉSUS-CHRIST I DYASIN FE'N BO LUC KLELI'N 8:2

Be nin bla b'ɔ yoli be nun wie'm be juejue'n, b'ɔ fuannin asiɛ usu b'ɔ su wie'm be su'n, yɛ be ɔli-ɔ. Bla sɔ mun yɛlɛ Mari b'ɔ fin Magdala bɔ Jésus fuannin asiɛ usu nso i nun'n,

JÉSUS-CHRIST I DYASIN FE'N BO LUC KLELI'N 8:27

Kɛ Jésus fin alie'n nun jrali cɛ'n, ɔ nin bian kun bɔ asiɛ usu'm be sacili i'n b'ɔ fin klɔ lɔ'n, be yiali lɛ. Ɔ kpa guali ɔ'a cɛ, ɔ tran-man awlo, asieliɛ su sua'm be nun yɛ ɔ tran-an.

JÉSUS-CHRIST I DYASIN FE'N BO LUC KLELI'N 8:43

Kɛ ɔ ´yo sɔ'n, wuun bla kun o lɛ, mannza tɛnndɛn tɔli i wun ɔ'a di afuɛ blu-nin-nnyɔn. Ɔ yoli ayre lelele i sa nun wieli, ayre fi a kwla de-mɛn i.

Sa nga bé yôli'n 3:2

Kɛ ɔ ´yo sɔ'n, be su fa bian kun bɔ be wuli i fɔlɛfuɛ'n ba. Cɛn kwlaa be fɛ i wa sie Nyanmiɛn i sua'n i anuan bɔ be flɛ i Klanman'n nun kɛ ɔ `srɛ like be nga be ´wlu Nyanmiɛn i sua nun'n bé sa nun.

Sa nga bé yôli'n 4:22

Bian sɔ'n i nantilɛ'n yoli abonuan, afin ɔ'a di afuɛ b'ɔ tra ablanan.