JÉSUS-CHRIST I DYASIN FE'N BO LUC KLELI'N 12:4 - NYANMIƐN NDƐ'N 1998

⁴ «Amun bɔ an ti n janvuɛ'n, n ´kan ndɛ kun kle amun. Nán an sro be nga be kun sran, bɔ be kwla yo-mɛn i sa fi kun'n.

Nyanmien nde Ufle

⁴ Amun bo an ti n dyanvue'n, nh kanh nde kun klé amun: Nanh an srô bé nga bé kun swran, bo bé kwla yômen sa fi kun'n.

JÉSUS-CHRIST I DYASIN FE'N BO LUC KLELI'N 12:4 ပူးပေါင်းရင်းမြစ်များ

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 5:16

I nuan bui'n ti sa lɛkɛlɛkɛlɛkɛ. Nanwlɛ ɔ ti sran klanman sakpa o! Zerizalɛm talua mun, min adeba'n i wafa b'ɔ ti'n yɛ ɔ o lɛ-ɔ. Kɛ n janvuɛ'n fa ti'n yɛ ɔ o lɛ-ɔ .

Ezai 41:8

Sanngɛ Izraɛlfuɛ mun, amun bɔ amun ti min sran mun'n, amun, Zakɔb i osu'n nunfuɛ mun, amun bɔ amun fin min janvuɛ Abraam i osu nun'n ,

Zeremi 1:17

Nan i ti'n, tanndan wɔ wun, jaso ko kan ndɛ nga n ´fa wla ɔ́ nuan yɛ'n kle be. Nán srɛ kun wɔ bé wun, ɔ yo sɔ-ɔ, n ´yo man srolɛ nga a sro be'n ɔ ´yo dan tra su.

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Zeremi 41:18

Afin srɛ kun be Babilɔnifuɛ'm bé wun. Kɛ ɔ fin cɛn bɔ Ismaɛl kunnin Gɛdalia bɔ Babilɔni famiɛn'n fɛ i sieli i mɛn'n su'n, srɛ kunnin be Babilɔnifuɛ'm bé wun.

Ezekiɛl 2:6

Sanngɛ Ezekiɛl, ɔ liɛ'n, nán sro be, nán sro bé nuan nun ndɛ mun. N si kɛ ndɛ nga a kan'n be ´kaci i. A wa yo kɛ sran b'ɔ o owie-owie nin nyannglan'm be nun'n sa. Sanngɛ nán man sran sɔ'm be ndɛ nga be ´kan'n nin be aeliɛ'm be kun wɔ srɛ.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Jean 15:13

Sran klolɛ ng'ɔ ti dan trɛ i ngba'n yɛlɛ sran bɔ i janvuɛ ti ɔ fɛ i wun man'n.

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 4:13

Kɛ be wunnin kɛ Piɛr nin Zan be ti yakpa'n, ɔ boli bé nuan, afin be si kɛ b'a di-man suklu, yɛ be ti-man sran dan. I sin'n, be wa wunnin i wlɛ kɛ be nin Jésus yɛ be trannin-ɔn.

Filipfuɛ Mun 1:28

Nán an lo amun wun man amun kpɔfuɛ mun man be wla amun srɛ sa fi nun. Sɛ amu'an lo-man amun wun a man-man be'n, ɔ kle be kɛ be ´mlin, yɛ amun kusu amun ´nyan amún ti, Nyanmiɛn yɛ ɔ sieli i sɔ-ɔ,

Jacques 2:23

Kɛ ɔ yoli sɔ'n, ɔ man Nyanmiɛn Ndɛ nga be klɛli'n ɔ kpɛnnin su, be klɛli i kɛ: «Abraam lafili Nyanmiɛn su, ɔ man i su b'ɔ lafili'n ti, ɔ buli i sran kpa.» Yɛ Nyanmiɛn flɛli i i janvuɛ .

1 Piɛr 3:14

Sɛ bɔ an yo sa kpa nan i sɔ'n ti an wun nyrɛnnɛn'n, amun liɛ su ti ye! Nán an sro sran mun, nán amun akunndan sanngan.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .