JÉSUS-CHRIST I DYASIN FE'N BO LUC KLELI'N 12:32 - NYANMIƐN NDƐ'N 1998

³² «Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

Nyanmien nde Ufle

³² Amun bo an ti ke bua akpasua kaan kun sa'n, nanh sre kun amun, yele ke amun Si klô ke oh feh i men'n nun ninngé kpakpa'n man amun.

JÉSUS-CHRIST I DYASIN FE'N BO LUC KLELI'N 12:32 ပူးပေါင်းရင်းမြစ်များ

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Matthieu 14:27

Kpɛkuun Jésus seli be kɛ: «An `gua amún wla ase, min-ɔn, nán srɛ kun amun .»

Matthieu 20:16

«Be nga be ka siɛn'n, be wa dun mmua, yɛ be nga be dun mmua'n, be kusu be wa ka siɛn.»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

JÉSUS-CHRIST I DYASIN FE'N BO LUC KLELI'N 10:21

I osu kunngba'n nun Nyanmiɛn Wawɛ'n man Jésus klun jɔli dan kpa, nan ɔ'a se kɛ: «N Si, wɔ bɔ a sie like'n kwlaa Nyanmiɛn su lɔ nin asiɛ'n su wa'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n. N Si, kwla o, ɔ klun sa nga a yoli'n ti yɛ n la wɔ ase-ɔ.

Jean 18:36

Jésus tɛli i su kɛ: «Nán mɛn nga nunfuɛ mun yɛ be sieli min famiɛn-ɔn. Sɛ be yɛ be sieli min'n, wuun be ´jran n sin kun mín ti alɛ, yɛ kusu wuun be su fa-man min man-man Zuif mun. Sanngɛ ɔ ti-man sɔ, nán mɛn nga nunfuɛ mun yɛ be sieli min-ɔn.»

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 20:29

N si kɛ, kɛ n ko wɔ'n, gboklo wlɛfuɛ'm be wa wlu amun nun, yɛ be ´saci bua fa sɔ'n.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

Filipfuɛ Mun 2:13

afin Nyanmiɛn bɔbɔ yɛ ɔ man i klun sa yolɛ'n yo amun fɛ yɛ man an kwla yo-ɔ.

2 Tɛsalonikfuɛ Mun 1:11

I sɔ'n ti, e srɛ e Nyanmiɛn'n titi kɛ ɔ jran amun sin nan kɛ ɔ wun amun'n, ɔ wun kɛ flɛlɛ ng'ɔ flɛli amun'n ɔ ti kpa. Man Nyanmiɛn man sa kpa nga an klo kɛ amun ´yo'n, nin sa nga an lafi su kɛ ɔ ´yo'n, ɔ yo ye.

2 Tɛsalonikfuɛ Mun 1:5

I sɔ'n kle ye weiin kpa kɛ Nyanmiɛn yo sa i nuan su. Ɔ ´bu amun kɛ amun nin i famiɛn dilɛ'n wie fata, afin i ti yɛ an wun nyrɛnnɛn nin-ɔn.

Hébreu 12:28

I sɔ'n ti, man e yo Nyanmiɛn mo, afin e ´nyan mɛn b'ɔ keje-man'n. Man e su Nyanmiɛn i wafa ng'ɔ jɔ i klun'n srolɛ bɔ e sro i'n nin sran bɔ e bu i'n ti,

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.

Sa nglô yile 1:6

yɛ ɔ man y'a kaci e Si Nyanmiɛn i awlo sran bɔ e trɛn i nyrun. Man e yi i ayɛ, man e se kɛ ɔ ti kpli tititi! Man ɔ yo sɔ !

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .