JÉSUS-CHRIST I DYASIN FE'N BO LUC KLELI'N 12:21 - NYANMIƐN NDƐ'N 1998

²¹ Sran ng'ɔ kunndɛ ninnge kɛ ɔ ´nyɛn i wun, b'ɔ lɛ-man Nyanmiɛn ninnge'm be wie fi'n, kɛ ɔ ti sɔ-ɔ.»

Nyanmien nde Ufle

²¹ Swran ng'o kunnde ninngé ke oh nyenh i wun, b'o le'a Nyanmien ninngé'm bé wié fi'n, ke o ti soo.

JÉSUS-CHRIST I DYASIN FE'N BO LUC KLELI'N 12:21 ပူးပေါင်းရင်းမြစ်များ

Nyanndra Mun 13:7

Sran wie yo i wun anyanbeunfuɛ, sanngɛ kusu ɔ lɛ-man like fi. Wie kusu yo i wun yalɛfuɛ sanngɛ ɔ lɛ like kpa.

Ndɛ Nga Nyanmiɛn I Nuan Ijɔfuɛ Oze Kannin'n 10:1

Laa, Izraɛl ti kɛ vinyi fie bɔ ɔ'a bua bɔ ɔ'a su kaka klanman'n sa. Sanngɛ kɛ ɔ ´su mma kpanngban ´kɔ i nyrun'n, wuun i sraka yiwlɛ'm be kusu be ´sɔn be liɛ. Kɛ mɛn'n ´yo klanman ´kɔ i nyrun'n, wuun blɛ li yɛ b'a se kɛ ɔ taka yɛbuɛ nga be sɔ be mun-ɔn.

Abakik 2:9

Sran nga i waan ɔ ´di ndrunmun ´fa si i awlo nan ɔ'a nyan tranwlɛ kpa, nan sa ɔ'a nyɛn-mɛn i'n, i yako lele!

JÉSUS-CHRIST I DYASIN FE'N BO LUC KLELI'N 12:33

An `yo amun ninnge'm be atɛ, an `fɛ i sika'n cɛ yalɛfuɛ mun. An `kpɛ bɛtrɔ b'ɔ yo-man nvuɛn bɔ like wie-man nun'n, an `sie i Nyanmiɛn su lɔ, lɔ liɛ'n, awiefuɛ kɔ-man lɔ, nvɔlɛ di-man like lɔ.

JÉSUS-CHRIST I DYASIN FE'N BO LUC KLELI'N 16:11

?I sɔ'n ti, sɛ amun di-man nanwlɛ sika ng'ɔ man ndɛ sran'm be di-man nanwlɛ'n su'n, wan yɛ ɔ ´fɛ i like kpa man amun kɛ an fa sie-ɔ?

JÉSUS-CHRIST I DYASIN FE'N BO LUC KLELI'N 6:24

Sanngɛ amun anyanbeunfuɛ mun, an yako, afin amu'an dun mmua nyan amun klun ninnge liɛ'n!

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.

1 Timote 6:9

Sanngɛ be nga be klo kɛ be ´nyan bé wun'n, lakafuɛ'n ´laka be. Ninnge ngbɛn-ngbɛn bɔ be konvi sɔ be'n nin bé nyin b'ɔ blo ninnge tɛtɛ kpanngban b'ɔ saci sran b'ɔ man be agualiɛ'n ɔ gua-man be kpa be wu'n, be ´kaci kɛ aya sa, be ´tɔ nun ɔ ´tra be.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.