JÉSUS-CHRIST I DYASIN FE'N BO LUC KLELI'N 12:2 - NYANMIƐN NDƐ'N 1998

² Sa kwlaa nga sran'm be katakata su'n, i wie fi su ka-man lɛ b'ɔ su fite-man nglo-ɔ, yɛ ndɛ fi su ka-man nvialiɛ nun bɔ be su si-man nun-ɔn.

Nyanmien nde Ufle

² Sa kwlaa nga bé katakata su'n, i wié fi su ka'a le b'o su fité'a nglôo, ye nde fi su ka'a nvialie nun bo bé su si'a nuon.

JÉSUS-CHRIST I DYASIN FE'N BO LUC KLELI'N 12:2 ပူးပေါင်းရင်းမြစ်များ

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Zeremi 16:17

Afin ajalɛ nga be ´tu'n, mín nyin o su. Wie fi ti-man fiawa min nyrun. Mín nyin ta bé sa tɛ mun weiin.

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Marc 4:22

Afin sa fi su ka-man nvialiɛ nun b'ɔ su tɛ-man nglo-ɔ, yɛ aswre nun ndɛ fi su ka-man lɛ b'ɔ su fite-man su-ɔ.

JÉSUS-CHRIST I DYASIN FE'N BO LUC KLELI'N 8:17

Afin sa fi su ka-man nvialiɛ nun b'ɔ su tɛ-man nglo-ɔ, yɛ aswre nun ndɛ fi su ka-man lɛ b'ɔ su fite-man su-ɔ.

Rɔmfuɛ Mun 2:16

Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .