JÉSUS-CHRIST I DYASIN FE'N BO LUC KLELI'N 12:19 - NYANMIƐN NDƐ'N 1998

¹⁹ Kɛ ɔ ko yo sɔ'n, n ´tran ase, n ´de wunmiɛn, n ´di n klun like, afin ninnge ng'ɔ o yɛ'n, n ´di lele ɔ su wie-man. N klun a jɔ siɛn'n.›

Nyanmien nde Ufle

¹⁹ Ke o kô yô so'n, nh tranh asé, nh déh wunmien, nh dih n klun liké, afin ninngé ng'o ô ye'n, nh dih lélé o su wiéman. N klun a dyo sien'n.

JÉSUS-CHRIST I DYASIN FE'N BO LUC KLELI'N 12:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 14:1

Klɔ sran'n bɔ bla yɛ ɔ wuli i'n i nguan'n ɔ ti tika. Kusu i nguan sɔ'n, ɔ ti afɛ ngunmin.

Jue Mun 49:18

Afin cɛn ng'ɔ ´wu kɔ'n, ɔ su fa-man like fi kɔ-man, i ninnge'n wie fi su jrɛ-mɛn i sin blɔlɔ lɔ.

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Nyanndra Mun 10:2

Aeliɛ tɛ trɔ'n, be nyan-man su. Sanngɛ aeliɛ kpa'n man be nguan.

Nyanndra Mun 14:24

Anyanbeun'n ɔ ti akunndanfuɛ'm be kɔmin su manlɛ like. Sinnglinfuɛ'm be ´ka be sinnzin'n nun titi.

Nyanndra Mun 18:11

Sikafuɛ'n ɔ bu kɛ i anyanbeun'n ti i fiawlɛ kpa. I akunndan'n nun'n i waan ɔ ti kɛ talɛ sa yɛ ɔ sɛsɛ i-ɔ.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Nyanndra Mun 27:1

Nán di ɔ́ nuan se kɛ ainman n ´yo nga n ´yo nga, afin sa ng'ɔ ´ju cɛn kun sa'n, sran kun si-mɛn .

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 2:24

Like ng'ɔ ti kpa man sran'n, yɛlɛ aliɛ dilɛ nin nzan nɔnlɛ, ɔ nin junman bɔ be di'n i nuan like nyanlɛ. N wunnin kɛ like kpa sɔ'n kusu Nyanmiɛn yɛ ɔ man-an.

Ezai 22:13

Sanngɛ amun klun ti jɔwa, yɛ able yɛ amun si-ɔ. Amun kun nannin, amun kun bua, amun di nnɛn, yɛ amun nɔn nzan. Amun se kɛ: «Man e di like e nɔn nzan, afin sɛ ainman e wu'n wuun e liɛ a wie .»

Ezai 5:11

Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!

Ezai 5:8

Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Ezai 56:12

Be se kɛ: «Man e wɔ e ko kunndɛ nzan, man e nɔn nzan kekle mun nan ɔ `ti ye! Ainman'n, e ´yo kɛ ndɛkɛn sa'n ekun. Ng'ɔ ka lɛ bɔ e ´nɔn'n tɛ sɔn.»

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.

Amɔs 6:13

Lɔdɛbar klɔ bɔ be ti-man like fi bɔ an kwlɛli i'n ti, an su di i ti cɛn. An ko se kɛ yoo: «E lɛ wunmiɛn o, y'a fa Karnaim!»

Abakik 1:16

Be kun nnɛn be fa sɔ be lala mun. Be yra ansans be man be afin sɛ be ´di aliɛ kpa-a, ɔ fin be.

JÉSUS-CHRIST I DYASIN FE'N BO LUC KLELI'N 12:18

Akunndan kun kpɛnnin i klun, ɔ seli kɛ: ‹Nga m ma yo'n yɛ, m ma bubu tanngannin nga mun, n ´kplan uflɛ dandan kpa, n ´fa min awie'n nin min ninnge'n kwlaa guagua be nun.

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

JÉSUS-CHRIST I DYASIN FE'N BO LUC KLELI'N 21:34

An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

1 Korɛntfuɛ Mun 15:32

?Sɛ sran'm bé nuan ti yɛ min nin nnɛn tɛtɛ mun e tuli ngondin Efɛz lɔ'n, nguɛ yɛ n ´nyɛn nun-ɔn? ?Sɛ sran'm be wu-ɔ be cɛn-man'n, «Man e di like e nɔn nzan, ainman e ´wu, wuun e liɛ a wie .»

Filipfuɛ Mun 3:19

Be agualiɛ yɛlɛ be mlinlɛ, be Nyanmiɛn'n yɛlɛ be ku'n. Like nga sran yo-ɔ ɔ guɛ i nyin ase'n yɛ be fa di bé nuan-an. Mɛn'n nun ninnge'n yɛ ɔ lo be-ɔ.

1 Timote 5:6

Sanngɛ angboti nga mɛn dilɛ'n yo i fɛ'n, kannzɛ i nyin o su'n, ɔ ti kɛ ɔ'a wu sa.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

2 Timote 3:4

be ´yi be janvuɛ mun man, be ´yo like-ɔ be su bu-mɛn i akunndan, be ´di tutre, be ´klo mɛn dilɛ'n tra Nyanmiɛn,

Jacques 5:5

An di amun klun like, yɛ an di mɛn'n, ɔ man amu'an yo kɛ nnɛn bɔ ɔ'a lo kpa bɔ i kunlɛ a ju'n sa.

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›

1 Samiɛl 30:16

Yɛ ɔ nin David be ɔli-ɔ. Be ´nian-an, alɛ kunfuɛ sɔ'm be yɛ be tru lika'n nun yɛ, ninnge kpanngban nga be nyɛnnin Filistifuɛ nin Zidafuɛ'm be mɛn'n nun lɔ'n, be su di be ´nɔn'n, wuun be ´si able.