JÉSUS-CHRIST I DYASIN FE'N BO LUC KLELI'N 11:9 - NYANMIƐN NDƐ'N 1998

⁹ Ɔ man n kusu n ´kan kle amun kɛ, an `srɛ, be ´fa man amun, an `kunndɛ, amun ´nyɛn i, an `bobo, be ´tike amun anuan.

Nyanmien nde Ufle

⁹ O man n kusu nh kanh klé amun ke, anh sre, béh fah man amun, anh kunnde, amunh nyenh, anh bôbô, béh tikéh amun anuan.

JÉSUS-CHRIST I DYASIN FE'N BO LUC KLELI'N 11:9 ပူးပေါင်းရင်းမြစ်များ

Jue Mun 118:5

I nun bɔ n la nyrɛnnɛn'n nun'n, n kpan n flɛli Anannganman, yɛ ɔ tɛli min su. Ɔ man n nyannin min ti.

Jue Mun 27:4

Like nga n srɛ i Anannganman sa nun'n, ɔ ti kunngba cɛ. Yɛ kusu ɔ lo min kpa. Like sɔ'n yɛlɛ kɛ n klo kɛ n ´trɛn i sua'n nun cɛn kwlaa lele min nguan'n i awieliɛ, nan n ´kannvun i bɔbɔ Anannganman, afin ɔ yo nyɛnmɛn , yɛ n ´fa min wun m mɛntɛn i.

Jue Mun 27:8

Ndɛ nga a kannin'n, m bu i akunndan kpa. A seli kɛ: «Amun `fa amun wun mantan min!» N kusu nanwlɛ, ee Anannganman, n fa min wun mantan wɔ o!

Jue Mun 34:10

Amun bɔ amun ti Anannganman i sran mun'n, man amun nyin yi i. Afin be bɔ bé nyin yi i'n, bé sa mian-man like fi wun.

Jue Mun 34:4

Amun `uka min man e manman Anannganman. Amun man é bo yo kun nan e yi i ayɛ.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Ngɔjue Fɛfɛ Kpa'n 5:6

Yɛ n tikeli min adeba'n i anuan-an. Kannzu ɔ'a sɛ i sin ɔ'a ɔ. Kɛ ɔ ´flɛ min lɛ'n, m'an wun-man nun kpa. Yɛ n ´wanndi n ´su i su-ɔ. N kunndɛli i lele nán wunlɛ yɛ n ko wun i-ɔ. N flɛli i lele m'an ti-mɛn i ngan.

Ezai 45:19

Ndɛ nga n kannin'n, m'an kɛn-mɛn i nvialiɛ nun, m'an kɛn-mɛn i asiɛ'n i lika tuun wie nun. M'an se-man Zakɔb osu nunfuɛ'm be kɛ be kunndɛ min kan like fi nun-man lɛ'n! Min, Anannganman n kan ndɛ ng'ɔ ti i su'n, n kan ndɛ nanwlɛ .»

Zeremi 29:12

I blɛ sɔ nun'n, sɛ amun srɛ min'n, n ´yaci amun nun amun ´kɔ. Sɛ amun flɛ min'n, nan an srɛ min'n, n ´ti amun srɛlɛ'n.

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Matthieu 21:22

Like kwlaa nga an kan kle Nyanmiɛn kɛ ɔ yo bɔ an lafi i su kɛ ɔ ´yo'n, ɔ ´yo man amun.»

Matthieu 21:31

?Ba nnyɔn sɔ'n, onin yɛ ɔ yoli i si klun sa nin-ɔn?» Yɛ be waan: «Klikli nin-ɔn.» Yɛ Jésus seli be kɛ: «Nanwlɛ, gua bo sika defuɛ nin tekle mmla'm be ´dun mmua fa bé wun man Nyanmiɛn kɛ ɔ `sie be amun nyrun.

Matthieu 6:29

Ɔ nin i sɔ'n ngba, an `nian, Salomɔn bɔbɔ ɔ nin i anyanbeun'n kwlaa ɔ'a kla-man be nun wafa kun i wunsu tannin le .

Marc 11:24

I sɔ'n ti'n, n ´kan kle amun kɛ like kwlaa nga an srɛ'n, an `lafi su kɛ amu'an nyɛn i, ɔ wa fa man amun.

Marc 13:37

Ndɛ nga n ´kan kle amun yɛ'n, n kan kle sran'm be kwlaa kɛ be tran minndɛ.»

JÉSUS-CHRIST I DYASIN FE'N BO LUC KLELI'N 11:10

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

Jean 14:13

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su .

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

2 Korɛntfuɛ Mun 6:2

afin i waan: «Blɛ ng'ɔ ti kpa'n, i nun n tili ndɛ nga a kannin'n, yɛ i nun bɔ n ´de sran mun'n, n jrannin ɔ sin .» An `nian, blɛ nga e o nun yɛ'n, i yɛ ɔ ti blɛ kpa nin-ɔn, ɔ ti bé ti nyanlɛ cɛn.

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Jacques 5:15

Nyanmiɛn su bɔ be lafi'n ti'n, Nyanmiɛn srɛlɛ sɔ'n man tukpacɛfuɛ sɔ'n ´nyɛn i ti, yɛ e Min'n man ɔ ´jaso. Yɛ sɛ ɔ yoli sa wie'n, ɔ ´yaci cɛ i.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.

Sa nglô yile 2:24

Sanngɛ amun Tiatir asɔnunfuɛ nga mun bɔ amu'an fa-man like ng'ɔ kleli su'n, bɔ an si-man like nga sran wie'm be flɛ i Satan'n i bo ndɛ'n, n se amun kɛ yoo: N su fa-man trɔ uflɛ jin-man amún ti su.