JÉSUS-CHRIST I DYASIN FE'N BO LUC KLELI'N 11:42 - NYANMIƐN NDƐ'N 1998

⁴² Amun Farizifuɛ mun, an yako! Yɛlɛ kɛ an yi mant nin ru nin like bɔ an lua be'n kwlaa be blusu'n, sanngɛ an yaci nanwlɛ dilɛ'n, nin Nyanmiɛn klolɛ'n, be yɛ be yolɛ'n ti su nin-ɔn, sanngɛ nán an yaci wie'm be yolɛ .

Nyanmien nde Ufle

⁴² Amun Pharisifue mun, an yakô! yele ke an yi menthe nin rue (*f25*) nin liké kwlaa bo an lua bé'n, bé blusu, (*f16*) sannge an yatyi nanwle dile'n nin Nyanmien klôle'n, bé ye bé yôle'n ti su nion, sannge nanh an yatyi wié'm bé yôle.

JÉSUS-CHRIST I DYASIN FE'N BO LUC KLELI'N 11:42 ပူးပေါင်းရင်းမြစ်များ

Neemi 10:37

E waan e ´fa e talua ba yasua mun, ɔ nin e nnɛn'm be talua ba mun, e ´fa be ba kɛ ɔ ti klɛwa mmla'n nun'n sa. E ´fa be ba e Nyanmiɛn i sua'n nun, e ´fa be blɛ Nyanmiɛn nyrun jranfuɛ mun bɔ be di e Nyanmiɛn i sua'n nun junman'n. E ´fa e nannin mun nin e bua'm be talua ba mun e ba.

Nyanndra Mun 21:3

Nanwlɛ dilɛ'n nin nzuɛn kpa'n be ti cinnjin Anannganman nyrun tra tɛ yilɛ'n .

Akunndanfuɛ'n 7:18

Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Malasi 3:8

Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Matthieu 23:27

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an ti kɛ ndia su sua bɔ b'a kɛn i ayre ufue'n sa, i talɛ'n yo klanman, sanngɛ i klun lɔ'n ti sran owie nin ninnge tɛtɛ wafa'n kwlaa.

JÉSUS-CHRIST I DYASIN FE'N BO LUC KLELI'N 18:12

Le mɔcuɛ kwlaa n ci nglɛmun kpɛ nnyɔn, yɛ like kwlaa nga n nyɛn i'n, n yi i blusu.›

Jean 5:42

N si amun, n si kɛ an klo-man Nyanmiɛn.

1 Jean 4:20

Sɛ sran kun se kɛ ɔ klo Nyanmiɛn sanngɛ ɔ kpɔ i niaan'n, wuun ato yɛ ɔ bua-a. ?Afin sɛ ɔ klo-mɛn i niaan'n b'ɔ wun i'n, ɔ ´yo sɛ yɛ ɔ kwla klo Nyanmiɛn b'ɔ wun-mɛn nin-ɔn?

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.