JÉSUS-CHRIST I DYASIN FE'N BO LUC KLELI'N 11:39 - NYANMIƐN NDƐ'N 1998

³⁹ Yɛ e Min'n seli i kɛ: «Amun Farizifuɛ mun, an wunnzin klowa nin talie'm bé sin, sanngɛ amun anwlɛn'n nun ti sa tɛtɛ, yɛ an de sran'm be like wue kekle su.

Nyanmien nde Ufle

³⁹ Ye é Min'n séé i ke: Amun Pharisifue mun, an wunnzin klôwa nin talié'm bé sin, sannge amun awlen'n nun ti sa tete, ye an dé swran'm bé liké wué kéklé su.

JÉSUS-CHRIST I DYASIN FE'N BO LUC KLELI'N 11:39 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

2 Be Nyoliɛ 25:2

Ɔ yoli sa ng'ɔ yo Anannganman fɛ'n, sanngɛ i anwlɛn'n yoli nnyɔn-nnyɔn.

Jue Mun 22:13

Be nga be klo-man min sa'n, be sin yia min, be ti kɛ nannin tola mun sa. Be kpɛ sin yia min, be ti kɛ Bazan lɔ nannin tola mun sa, be yo sro .

Nyanndra Mun 26:23

Sran nga bɔ i nuan nun ndɛ'n ti nɛnkɛn-nɛnkɛn ngbɛn bɔ i klun ti-man ufue'n, ɔ ti kɛ sika fiɛn bɔ b'a klo i b'a guɛ i sɛ wie wun'n sa.

Nyanndra Mun 26:25

Kɛ ɔ ´kan ndɛ'n i fɛfɛ ´kle wɔ lɛ'n, nán fa su. Afin ɔ́ wun akunndan ng'ɔ bu'n, ɔ ti-man kpa mlɔnmlɔn.

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Ezekiɛl 22:27

Bé famiɛn i awlo lɔ sran dandan'm be liɛ be ti kɛ gboklo bɔ be di nnɛn'n sa. Be akunndan nga be bu'n yɛlɛ sran kunlɛ. Be kun sran be fa kunndɛ sika.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

JÉSUS-CHRIST I DYASIN FE'N BO LUC KLELI'N 7:13

Kɛ e Min'n wunnin bla sɔ'n, ɔ yoli i annvɔ, yɛ ɔ seli i kɛ: «Mmo, yako, muan ɔ nuan!»

JÉSUS-CHRIST I DYASIN FE'N BO LUC KLELI'N 7:19

Zan flɛli i sɔnnzɔnfuɛ'm be nun nnyɔn nan ɔ'a sunman be e Min'n i wun lɔ kɛ be ko usɛ i kɛ sran nga be kɛn i ndɛ kɛ ɔ ´ba'n yɛlɛ i annzɛ sran sɔ'n tɛ o siɛn.

Jean 12:6

Nán kɛ yalɛfuɛ'm be ndɛ miɛn ti yɛ ɔ seli sɔ-ɔ, sanngɛ ɔ ti awiefuɛ, yɛ i yɛ ɔ sie be bɔlɛ nin-ɔn, yɛ sika nga be guɛ i nun'n, ɔ fa wie.

Jean 13:2

Kɛ be ´di like'n, wuun mmusu'm bé si Satan'n ɔ'a dun mmua di a wla Simɔn wa Zidas Iskariɔt, kɛ ɔ `fa Jésus man sran mun.

Sa nga bé yôli'n 5:3

Piɛr usɛli i kɛ: «?Ananias, nguɛ ti yɛ a fa ɔ wun mannin Satan b'ɔ man a bua ato kle Nyanmiɛn Wawɛ'n, bɔ a fa asiɛ'n i sika'n i bue sieli-ɔ?

Galasifuɛ Mun 1:14

N wiengu Zuif'm be nun'n n ti Nyanmiɛn sufuɛ dan kpa tra be nun kpanngban kpa, yɛ e nannan'm be nzuɛn'n lo min kpa.

2 Timote 3:5

be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Tite 1:15

Sran nga be akunndan'n ti kpa'n, like kwlaa ti kpa be nyrun, sanngɛ sran nga be akunndan'n ti-man kpa'n, bɔ be lafi-man Nyanmiɛn su'n, like fi ti-man kpa be nyrun. Afin be akunndan'n ti tɛtɛ, be ´yo sa-a be klun ti-man be.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.