JÉSUS-CHRIST I DYASIN FE'N BO LUC KLELI'N 11:36 - NYANMIƐN NDƐ'N 1998

³⁶ Ɔ man sɛ a wun ase weiin bɔ ɔ́ nyin su dunman wɔ kaan sa'n, a wun like'n kwlaa weiin kɛ kannin'n kpaja b'ɔ man a wun ase'n sa.»

Nyanmien nde Ufle

³⁶ O man se a wun asé wéiin bo o nyin su dunmon kaan sa'n, a wun liké'n kwlaa wéiin, ke kannin'n kpadya b'o man a wun asé'n sa.

JÉSUS-CHRIST I DYASIN FE'N BO LUC KLELI'N 11:36 ပူးပေါင်းရင်းမြစ်များ

Nyanndra Mun 1:5

Sɛ bɔ akunndanfuɛ'n bɔbɔ sie i su ti'n, ɔ ´si sa uflɛ uka laa liɛ'n su. Sɛ sran nga be ti ngwlɛlɛfuɛ'n be ti'n, be ´wun wafa ng'ɔ fata kɛ be nanti'n.

Nyanndra Mun 20:27

Wawɛ ng'ɔ o sran nun'n, ɔ ti kɛ Anannganman i kannin sa. Ɔ kpaja e klun lɔ longolongo'n kwlakwla nun .

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Ezai 8:20

amun `se kɛ: «Anannganman i mmla'n nin i nuan ndɛ'n yɛ be di su-ɔ.» Sran nga b'a kan-man sɔ'n, be su nyan-man nguan.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Matthieu 13:52

Yɛ ɔ seli be kɛ: «I sɔ'n ti, mmla klefuɛ kwlaa b'ɔ suan Nyanmiɛn sielɛ nun ninnge mun'n, ɔ ti kɛ awlo bo kpɛn kun b'ɔ yi ninnge uflɛ nin ninnge nvuɛn i bɛtrɔ'n nun sa.»

Matthieu 5:15

Kusu be sɔ-man kannin sie-mɛn i sɛ bo, sanngɛ be fa sie like su nglo, nan ɔ `kpaja be kwlaa nga be o sua lɔ'n be nyrun.

JÉSUS-CHRIST I DYASIN FE'N BO LUC KLELI'N 11:35

I sɔ'n ti'n, yo ɔ nyinma b'ɔ ti kɛ kannin sa'n i cɛcɛ, nán man ɔ saci, nan a `ka aosin'n nun.

JÉSUS-CHRIST I DYASIN FE'N BO LUC KLELI'N 11:37

Jésus nuan nian tɔ-man'n kpɛkuun Farizifuɛ kun flɛli i kɛ ɔ wa di like i awlo lɔ. Ɔ wluli lɔ ɔ trannin aliɛ'n sin.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Hébreu 5:14

Sanngɛ be nga b'a yo sran bɔ be kunndɛ sa ng'ɔ ti kpa'n nin tɛ'n be ngbaciɛ lele b'a si i kpa'n, aliɛ'n ti be liɛ.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!