JÉSUS-CHRIST I DYASIN FE'N BO LUC KLELI'N 11:34 - NYANMIƐN NDƐ'N 1998

³⁴ Be wunnɛn'n i kannin yɛlɛ be nyinma, i sɔ'n ti'n, sɛ ɔ nyinma'n ti kpa'n, a wun ase weiin, sanngɛ sɛ ɔ nyinma'n ti-man kpa'n, a wun-man ase mlɔnmlɔn.

Nyanmien nde Ufle

³⁴ Bé wunnen'n i kannin yele bé nyinma, i so'n ti, se o nyinma'n ti kpa'n a wun asé wéiin, sannge se o nyinma'n ti'a kpa'n, a wu'an asé mlonmlon.

JÉSUS-CHRIST I DYASIN FE'N BO LUC KLELI'N 11:34 ပူးပေါင်းရင်းမြစ်များ

Bo Bolɛ 19:11

Be sili sran nga be o anuan'n nun'n be nyinma'n, i gbanflɛn o, i kpɛnngbɛn o, ɔ man b'a kwla wun-man anuan'n kun.

Jue Mun 119:18

Tike mín nyin man n wun ɔ mmla'n b'ɔ be yo nyɛnmɛn'n.

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Nyanndra Mun 21:4

Sa tɛ yofuɛ'm be like b'ɔ o bé wun'n yɛlɛ bé wun nyinman-nyinmanlɛ nin bé wun tulɛ.

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Ezai 29:10

Afin Anannganman ɔ'a yo man amu'an yo sa zuglaa. Ɔ'a kata amun nyinma'n (wa liɛ'n, Nyanmiɛn nuan ijɔfuɛ'm be ndɛ yɛ ɔ kan-an.) Ɔ'a kata amún ti (wa liɛ'n jeliwafuɛ'm be ndɛ yɛ ɔ kan-an.)

Ezai 42:19

?Wan yɛ ɔ ti anyansifuɛ-ɔ? San min sufuɛ'n cɛ yɛ ɔ ti sɔ-ɔ. ?Wan yɛ ɔ ti sutrefuɛ-ɔ? San min jasin bofuɛ'n bɔ n sunmɛn i'n yɛ ɔ ti sɔ-ɔ? «?Wan yɛ ɔ ti anyansifuɛ kɛ sran nga i wun ɔ'a jɔ i'n sa-a? ?Wan yɛ ɔ ti anyansifuɛ kɛ Anannganman i sufuɛ'n sa-a?»

Ezai 44:18

Be nga be yo sɔ'n, be si-man sa fi, be lɛ-man ngwlɛlɛ fi. Be nyinma'n ti katawa, i ti be wun-man ase. Be akunndan'n su ti katawa, i ti be wun-man sa wlɛ.

Ezai 5:20

Be nga be flɛ sa kpa'n kɛ sa tɛ'n, bɔ be flɛ sa tɛ'n kusu kɛ sa kpa'n, be yako! Like ng'ɔ ti tuun'n yɛ be waan ɔ ti weiin-ɔn, like ng'ɔ yo fɛ'n yɛ be waan ɔ yo wi-ɔ, yɛ like ng'ɔ yo wi'n yɛ be waan ɔ yo fɛ-ɔ.

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Zeremi 5:21

‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Marc 4:12

nan kɛ be niɛn i kpa'n, b'a wun-mɛn i, yɛ kɛ be ti i kpa'n, b'a wun-mɛn i wlɛ nan b'a sa-man be sin Nyanmiɛn wun, nan ɔ'a yaci-man bé wun sa'n ɔ'a cɛ-man be .»

Marc 7:22

bla bé yi bo kunndɛlɛ annzɛ bian bé wun bo kunndɛlɛ, bé nyin b'ɔ yi-man like'n, klunwi, gblɛ, sa sukusuku yolɛ, anyinbloɛ, sran wun ndɛ kanlɛ, wun tulɛ nin sinnzin yolɛ.

Marc 8:18

?Amun nyinma'n wo lɛ ngbɛn, an wun-man ase? ?Amún su'n wo lɛ ngbɛn, an ti-man sa ?

JÉSUS-CHRIST I DYASIN FE'N BO LUC KLELI'N 11:35

I sɔ'n ti'n, yo ɔ nyinma b'ɔ ti kɛ kannin sa'n i cɛcɛ, nán man ɔ saci, nan a `ka aosin'n nun.

Sa nga bé yôli'n 13:11

Nian, i sa su wa kan wɔ. Kɛ ɔ fin ndɛ'n, a wa kaci anyansifuɛ le nnyɔn kun, a su wun-man wia'n.» Bé ja osu kunngba'n nun lɛ kpɛkuun lika'n dunnin i nyrun tuun, ɔ kpɛ i wun wa ɔ kpɛ i wun wa, ɔ kunndɛ sran kɛ ɔ `trɛ i sa.

Sa nga bé yôli'n 2:46

Yɛ cɛn kwlaa bé bo ti kun be yia Nyanmiɛn i sua'n nun. Be yo aklunye, yɛ be kɔ nga awlo be ko nga awlo be di like likawlɛ. Kɛ be ´di be aliɛ sɔ'n, be klun ti jɔwa dan kpa.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

Efɛzfuɛ Mun 1:17

Yɛ n srɛ e Min Jésus-Krist i Nyanmiɛn b'ɔ ti e Si b'ɔ lɛ nyrun'n kɛ ɔ fɛ i Wawɛ'n man amun man an si ngwlɛlɛ. Yɛ n srɛ i kɛ ɔ `yi i wun nglo nan an si i kpa.

Efɛzfuɛ Mun 6:5

Kanga mun, man amún nyin yi amun min mun, an `bu be sran, an `mian amún nyin kɛ like nga amun ´yo'n ɔ jɔ be klun, amun yo i kɛ Krist yɛ an su yo mɛn i sa-a, nán an bu i sin.

Kolɔsfuɛ Mun 3:22

Kanga mun, man amún nyin yi amun min mun sa'n kwlaa nun, yɛ an `bu be sran. Nán kɛ kɛ be o lɛ'n i ngunmin yɛ an yo i sɔ nan sran'm be klun jɔ amun wun-ɔn. Sanngɛ e Min'n bɔ an sro i'n ti, like nga an yo'n, nán an bu i sin.