JÉSUS-CHRIST I DYASIN FE'N BO LUC KLELI'N 11:32 - NYANMIƐN NDƐ'N 1998

³² Jɔlɛ dilɛ cɛn'n nun'n, Ninivfuɛ'm be wa jao, be ´kan sa nga ajulisufuɛ nga'm be yoli'n, ɔ man be ´bu be fɔ, afin kɛ Zonas kan Nyanmiɛn ndɛ kleli Ninivfuɛ mun, be kacili be nzuɛn'n, yɛ amun nian, sran kun o wa bɔ i dan tra Zonas .»

Nyanmien nde Ufle

³² Dyole dile tyen'n nun Ninivefue'm bé wa dyaô, béh kanh sa nga adyulisufue nga'm bé yôli'n, o man béh buh bé fo, afin ke Jonas kan Nyanmien nde kléli Ninivefue mun'n, bé katyii bé nzuen'n, ye nian, swran kun ô wa bo i dan tra Jonas.

JÉSUS-CHRIST I DYASIN FE'N BO LUC KLELI'N 11:32 ပူးပေါင်းရင်းမြစ်များ

Zonas 3:4

Zonas fali cɛn kun wlannin klɔ'n nun. Kɛ ɔ ´kɔ'n, wuun ɔ ´bo ndolo'n. I waan: «Ɔ ka cɛn ablanan Niniv'n ´nunnun.»

Zonas 3:5

Ninivfuɛ'm be fali Anannganman i nuan su ndɛ'n su. Be fali akunndan kun. Be waan sran wafa-wafa'n kwlaa be `ci nglɛmun. Kpɛkuun be wlali bajɛ tralɛ .

Zonas 4:9

Nyanmiɛn usali Zonas kɛ: «?Ya nga a fɛ i waka'n ti yɛ'n, kɛ a nian'n ɔ ti i su?» Ɔ tɛli i su kɛ: «Ɛɛn! N kpa'n n waan n ´fa ya lele nan wie'n `kun min.»

Matthieu 12:39

Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.

Matthieu 12:41

Jɔlɛ dilɛ cɛn'n nun'n, Niniv yasua'm be wa jao bu ajulisufuɛ nga'm be fɔ, afin kɛ Zonas kannin Nyanmiɛn ndɛ'n, be kacili be nzuɛn'n, yɛ nian, sran kun o wa bɔ i dan tra Zonas .

JÉSUS-CHRIST I DYASIN FE'N BO LUC KLELI'N 11:31

Jɔlɛ dilɛ cɛn nun'n, famiɛn bla'n b'ɔ fin Zerizalɛm papla nun mmua lɔ'n, ɔ wa jao kan sa nga ajulisufuɛ nga'm be yoli'n, ɔ man be ´bu be fɔ, afin bla sɔ'n fin asiɛ i awieliɛ lɔ kɛ ɔ wa tie Salomɔn i ngwlɛlɛ ndɛ'n, yɛ amun nian, sran kun o wa bɔ i dan tra Salomɔn .

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.