JÉSUS-CHRIST I DYASIN FE'N BO LUC KLELI'N 11:21 - NYANMIƐN NDƐ'N 1998

²¹ Sɛ sran wunmiɛnfuɛ kun lɛ alɛ ninnge b'ɔ fa niɛn i awlo'n su'n, i ninnge'm be saci-man.

Nyanmien nde Ufle

²¹ Se swran wunmienfue kun le ale ninngé b'o fa nien i awlô'n su'n, i ninngé'm bé satyiman.

JÉSUS-CHRIST I DYASIN FE'N BO LUC KLELI'N 11:21 ပူးပေါင်းရင်းမြစ်များ

Ezai 49:24

?Like nga safunyrɛn'n ɔ fali'n, be ´de i sa nun? ?Sran ng'ɔ sie sran mun'n, b'ɔ tin be su'n, i bisuafuɛ'n ɔ ´flo i sa nun?

Matthieu 12:29

?Yɛ kusu, sɛ sran kun dun-man mmua ci-man sran wunmiɛnfuɛ'n, ɔ ´yo sɛ yɛ ɔ ´kwla wlu i awlo'n nun fɛn i bo ninnge mun-ɔn? San ɔ ´ci sran sɔ'n, nan ɔ'a kwla fɛn i bo ninnge'n.

Marc 3:27

Sran fi kwla wlu-man sran wunmiɛnfuɛ kun i awlo lɔ kɛ ɔ ´fɛn i bo ninnge'n sɛ ɔ'a dun-man mmua ɔ'a ci-man sran wunmiɛnfuɛ sɔ'n, sanngɛ sɛ ɔ dun mmua ci i'n, ɔ kwla fɛn .

JÉSUS-CHRIST I DYASIN FE'N BO LUC KLELI'N 11:20

Sanngɛ sɛ Nyanmiɛn dunman nun yɛ n fuan asiɛ usu mun'n, wuun Nyanmiɛn sielɛ'n ɔ'a to amun wa.

JÉSUS-CHRIST I DYASIN FE'N BO LUC KLELI'N 11:22

Sanngɛ sɛ sran uflɛ b'ɔ lɛ wunmiɛn trɛ i'n, ɔ wa tɔ i su kwlɛ i'n, ɔ ´de i ninnge b'ɔ fa kun alɛ b'ɔ lafi su'n kwlaa, ɔ ´fɛn i bo ninnge'n, ɔ `fa cɛ.