JÉSUS-CHRIST I DYASIN FE'N BO LUC KLELI'N 11:2 - NYANMIƐN NDƐ'N 1998

² Ɔ seli be kɛ: Sɛ amun ´koko yalɛ kle Nyanmiɛn'n, an `se kɛ: «E Si, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn, man ɔ sielɛ blɛ'n ju.

Nyanmien nde Ufle

² O sé bé ke: Se amunh kôkôh yale klé Nyanmien'n, anh sé ke: É Si, man é bô o dunman fe, mon o siéle ble'n dyu.

JÉSUS-CHRIST I DYASIN FE'N BO LUC KLELI'N 11:2 ပူးပေါင်းရင်းမြစ်များ

1 Famiɛn Mun 8:43

kɛ a o ɔ tranwlɛ'n nun nyanmiɛn su lɔ'n, tɛ i su. Yɛ like kwlaa nga aofuɛ sɔ'n ɔ srɛ wɔ'n fa mɛn i. I liɛ'n, asiɛ'n su nvle-nvle'n kwlaa be nunfuɛ'm be ´ti ɔ ngan, yɛ bé nyin ´yi wɔ kɛ Izraɛlfuɛ'm be liɛ'n sa. Be ´si kɛ ɔ dunman'n yɛ ɔ o sua nga su-ɔ.

2 Famiɛn Mun 19:19

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman ɔ kunngba cɛ yɛ a ti Nyanmiɛn nin-ɔn!»

2 Be Nyoliɛ 20:6

Ɔ srɛli Nyanmiɛn seli kɛ: «Anannganman, e nannan'm be Nyanmiɛn'n, wɔ yɛ a ti famiɛn nyanmiɛn su lɔ-ɔ, wɔ yɛ a sie nvle-nvle mun-ɔn. A lɛ wunmiɛn, a lɛ tinmin, ɔ man sran fi kwla fɛ i ti kplakpla-man wɔ.

Jue Mun 103:20

Anz mun, amun bɔ an kplin amún nyin be yo i nuan ndɛ'n i su sa'n, bɔ amún fɛ i aniɛn'n su'n, amun `la Anannganman i ase.

Jue Mun 108:5

Afin ɔ klun-ufue'n ɔ ti dan lele kpe nun. I kunngba'n, a ti nanwlɛfuɛ dan.

Jue Mun 11:4

Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

Jue Mun 57:11

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Akunndanfuɛ'n 5:2

Afin kokolɛ ngboko'n yɛ ɔ fa laliɛ kpanngban'n ba-a. I kunngba nin-ɔn, ijɔlɛ kpanngban'n yɛ ɔ fa ndɛ ng'ɔ nin kanlɛ fata-man'n ba-a.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezekiɛl 36:23

Kannzɛ bɔ amu'an saci min dunman'n kaiin nvle-nvlefuɛ'm be afiɛn'n, n wa kle nvle sɔ'm be kɛ n ti Nyanmiɛn kpli bɔ min nzuɛn'n nin klɔ sran liɛ'n ti-man kun. I sɔ'n ti'n, n ´yo man amun ´man n kɔmin su ekun. Yɛ be wa si jrɛiin kɛ n fa ti nin-ɔn.› » Anannganman Nyanmiɛn yɛ ɔ kan sɔ-ɔ.

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:18

I sin Nyanmiɛn bɔ like fi nun-mɛn i sin'n i nvle'n nunfuɛ'm be wa fa famiɛn diwlɛ'n man be. Ɔ ´ka bé sa nun tititi .›

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Saun Yolɛ 22:23

Sɛ ɔ ti i klun klo tɛ yɛ i waan ɔ ´yi man min'n, ɔ kwla fa nnɛn kɛ nannin sa, annzɛ bua, wie-ɔ kɛ boli sa. Kannzɛ nnɛn'n i ja, sɛ kusu i sa kun ti tika annzɛ tɛnndɛn tra be nga mun'n, man ɔ fa. Sanngɛ be kwla fa yi-man nda talɛ'n i su tɛ.

Abakik 2:14

Sran'm be kwlaa be ´wun kɛ Anannganman lɛ nyrun. Afin i anyrunnyan sɔ'n, ɔ wa yi mɛn wunmuan'n kɛ jenvie'n fa yi'n b'ɔ ɔ kɛtɛ i bo lɔ'n su sa .

Matthieu 10:32

«I sɔ'n ti, sran ng'ɔ bo n dunman sran'm be nyrun'n, n kusu m ´bo i dunman n Si b'ɔ o nyanmiɛn su lɔ'n i nyrun,

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Matthieu 5:16

I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

JÉSUS-CHRIST I DYASIN FE'N BO LUC KLELI'N 11:1

Le kun Jésus o lika kun, ɔ nin Nyanmiɛn be su koko yalɛ. Kɛ be wieli yalɛ sɔ'n koko'n, i sɔnnzɔnfuɛ'm be nun kun seli i kɛ: «Nannan, kle ye sran nin Nyanmiɛn be yalɛ kokolɛ'n kɛ Zan kleli i liɛ mun'n sa.»

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

Rɔmfuɛ Mun 8:15

Afin Nyanmiɛn i Wawɛ'n b'ɔ fa mannin amun'n, i liɛ'n, ɔ fa-man amun kaci-man kanga, yɛ ɔ wla-man amun srɛ, sanngɛ ɔ fa amun kaci kɛ Nyanmiɛn klun ba sa. I sɔ'n ti'n, e kwla kpan flɛ Nyanmiɛn kɛ: «Baba!»

1 Korɛntfuɛ Mun 1:3

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

2 Korɛntfuɛ Mun 1:2

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Efɛzfuɛ Mun 1:2

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

Filipfuɛ Mun 1:2

Man é Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

Filipfuɛ Mun 4:20

Man e yi e Si Nyanmiɛn ayɛ tititi, nán e yaci i le. Man ɔ yo sɔ!

Kolɔsfuɛ Mun 1:2

e ´klɛ fluwa nga blɛ amun bɔ an ti Nyanmiɛn sran kpa bɔ an ti e niaan, sran wunmuan bɔ e nin Krist ti'n ti, bɔ an wo Kolɔs lɔ'n. Man e Si Nyanmiɛn man an nyan ye, yɛ man amún wun jɔ amun fɔuun!

1 Tɛsalonikfuɛ Mun 1:1

M Pɔl, min nin Silvɛn, ɔ nin Timote e ´klɛ fluwa nga blɛ amun asɔnunfuɛ bɔ an wo Tɛsalonik lɔ'n, bɔ amun nin e Si Nyanmiɛn nin e Min Jésus-Krist amu'an yo sran wunmuan'n. E ´yra é nuan kɛ an nyan ye, yɛ man amún wun jɔ amun fɔuun!

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»

Sa nglô yile 19:6

Yɛ n tili sran kpanngban wie'm be nɛn, be nɛn sɔ'n ɔ tɛ kɛ nzue dan b'ɔ sonji kpuu nin nyanmiɛn b'ɔ kpla dan'n sa. Be seli kɛ: «An `manman Nyanmiɛn! Afin Anannganman Nyanmiɛn b'ɔ kwla like kwlaa yo'n ɔ'a trɛn i bia'n su.

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .