JÉSUS-CHRIST I DYASIN FE'N BO LUC KLELI'N 10:7 - NYANMIƐN NDƐ'N 1998

⁷ An `sike awlo sɔ'n nun, like kwlaa nga be di i lɛ'n, an `di wie, afin junman difuɛ'n i sa ka-man ngbɛn. Nán an tu wɔ awlo uflɛ nun .

Nyanmien nde Ufle

⁷ Anh siké awlô so'n nun, liké kwlaa nga bé dii le'n, anh di wié, afin dyunman difue'n i sa ka'a ngben. Nanh an tu ko awlô ufle nun.

JÉSUS-CHRIST I DYASIN FE'N BO LUC KLELI'N 10:7 ပူးပေါင်းရင်းမြစ်များ

Kalɛ 18:31

Amun nin amun awlofuɛ'm be kwlaa amun `di i sɔ like liɛ'n lika kwlaa nga amun wo'n, afin ɔ ti amun junman nga amun dili'n i nuan akatua.

Marc 6:10

Ɔ seli kɛ: «Klɔ kwlaa nga an ju su'n, yɛ awlo nga an ko sike nun'n, an `tran lɛ lele san amu'an tu amun bo klɔ sɔ'n su.

JÉSUS-CHRIST I DYASIN FE'N BO LUC KLELI'N 10:6

Sɛ sran wɛtɛɛfuɛ wie o awlo sɔ nun'n, man ɔ nyan alaje, sanngɛ sɛ i sɔfuɛ nun-man lɛ'n, nán man amún nuan yralɛ'n yo ye.

JÉSUS-CHRIST I DYASIN FE'N BO LUC KLELI'N 9:4

I waan awlo kwlaa nga be wlu nun'n, be tran lɛ lele san be kɔlɛ a ju.

Sa nga bé yôli'n 16:15

Kɛ be yoli i nin i osufuɛ'm be batɛm'n, ɔ flɛli ye, yɛ ɔ seli kɛ: «Sɛ an bu min kɛ m'an lafi e Min'n su sakpa'n, an bla e ko sie like.» Ɔ jrannin su kpa.

Sa nga bé yôli'n 16:34

Ɔ fa be wluli i sua lɔ, ɔ mannin be like. Ɔ nin i osufuɛ'm be kwlaa be klun jɔli dan kpa Nyanmiɛn su bɔ be lafili'n ti.

Sa nga bé yôli'n 16:40

Kɛ be fin bisua lɔ fiteli'n, be ɔli Lidi lika lɔ, yɛ be wunnin e niaan'm bé wun be mannin be afɔtuɛ, i sin be ɔli.

Galasifuɛ Mun 6:6

Sran nga be kle i Nyanmiɛn ndɛ'n, i like kpakpa'n kwlaa ng'ɔ lɛ i'n, man ɔ mɛn i like klefuɛ'n wie.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 18:8

Like nga be nyɛn i lɔ be di'n, i kunngba'n yɛ ɔ ´nyɛn i-ɔ, sanngɛ sɛ ɔ lɛ i aja like wie nan ɔ yo i atɛ'n, i sika'n ti i liɛ .

1 Timote 5:13

Kɛ ɔ ko yo sɔ'n, be yo-man like fi, be wlan-wlan awlo'm be nun, yɛ ng'ɔ ti tɛ tra su'n, be ijɔ fiaii, ndɛ ng'ɔ ti-man be ndɛ'n nin ndɛ ng'ɔ fata-man'n yɛ be kan-an.

2 Timote 2:6

Fie difuɛ'n ng'ɔ di junman bɔ fɛ'n yɛ ɔ fata kɛ ɔ dun mmua nyan i fie nun like-ɔ.