JÉSUS-CHRIST I DYASIN FE'N BO LUC KLELI'N 10:37 - NYANMIƐN NDƐ'N 1998

³⁷ Yɛ i waan: «Yɛlɛ nga b'ɔ sili i aunnvuɛ'n.» Yɛ Jésus seli i kɛ: «Ɔ kusu, ko yo i kunngba sɔ'n.»

Nyanmien nde Ufle

³⁷ Ye i waan: Yele nga b'o sii aunnvue'n. Ye Jésus sé i ke: O kusu, kô yô i kunngba so'n.

JÉSUS-CHRIST I DYASIN FE'N BO LUC KLELI'N 10:37 ပူးပေါင်းရင်းမြစ်များ

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

JÉSUS-CHRIST I DYASIN FE'N BO LUC KLELI'N 10:36

?Be sran nsan sɔ'n, ɔ nyrun'n, be nun onin yɛ ɔ niannin bian b'ɔ tɔli kodiawiefuɛ'm be nun'n i lika kɛ i wiengu sran sa-a?»

JÉSUS-CHRIST I DYASIN FE'N BO LUC KLELI'N 10:38

Kɛ Jésus nin i sɔnnzɔnfuɛ'm be ´kɔ bɔ be juli klɔ kun su'n, Jésus wluli klɔ'n nun, nan bla kun bɔ be flɛ i kɛ Mart'n ɔ'a sike i kpa.

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

1 Piɛr 2:21

I sɔ yolɛ ti yɛ Nyanmiɛn flɛli amun-ɔn, afin amun ti, Krist bɔbɔ wunnin nyrɛnnɛn. Ɔ yoli sɔ kɛ an nian su nan an nanti i ajalɛ liɛ'n su.