JÉSUS-CHRIST I DYASIN FE'N BO LUC KLELI'N 10:28 - NYANMIƐN NDƐ'N 1998

²⁸ Jésus seli i kɛ: «Kɛ ɔ ti sɔ-ɔ, yo i sɔ, a ´nyan nguan.»

Nyanmien nde Ufle

²⁸ Jésus sé i ke: Ke o ti soo, yôé so, ah nyanh nguan.

JÉSUS-CHRIST I DYASIN FE'N BO LUC KLELI'N 10:28 ပူးပေါင်းရင်းမြစ်များ

Neemi 9:29

A jrannin bé wun kɛ be sa be sin be fa ɔ mmla'n su sanngɛ wuntulɛ'n ti b'a tie-man ɔ́ nuan ndɛ'n. Ɔ nuan ndɛ b'ɔ man sran ng'ɔ fa su'n i nguan'n, be yili i blo. B'a kan-man be wun ase, be keteli be anwlɛn'n, bé nyin ɔ'a yi-man wɔ.

Nyanndra Mun 19:16

Sran ng'ɔ nanti mmla'n su'n, ɔ sɛsɛ i nguan'n. Sran nga kusu b'ɔ si-man nanti'n, wie'n yɛ ɔ ´kun i-ɔ.

Ezekiɛl 20:11

N fali mín nuan su ndɛ nin min mmla'n n kleli be kɛ ɔ ´yo nan be nga be fa su'n b'a nyan nguan'n ti.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Ezekiɛl 20:21

Sanngɛ be jasoli mín wun wie. B'a fa-man mín nuan su ndɛ'm be su, b'a fa-man min mmla bɔ sran fa su-ɔ ɔ nyɛn i ti'n be su. B'a nian-man min wunmiɛn-delɛ-cɛn'n su. M buli akunndan kɛ n ´fa bé wun ya, min waan n ´fɛ i lele n ´nguɛ i ti nin i bo aawlɛ flɛnnɛn'n nun lɔ.

Saun Yolɛ 18:5

Amun `di min mmla'm bé su, yɛ amun `fa mín nuan ndɛ'm bé su. Sran ng'ɔ nanti bé su'n, ɔ ´nyan nguan be dunman nun. Afin min yɛ n ti Anannganman nin-ɔn.

Matthieu 19:17

Ɔ seli i kɛ: «?Nguɛ ti yɛ a usa min like ng'ɔ ti kpa'n i wun ndɛ-ɔ? Nyanmiɛn kunngba cɛ yɛ ɔ ti kpa-a. Sɛ a klo kɛ a ´nyan nguan'n, fa mmla'n su.»

Marc 12:34

Kɛ Jésus wunnin kɛ ɔ tɛ su kpa'n, ɔ seli i kɛ: «Ɔ ka kan a ´yo mɛn nga Nyanmiɛn sie'n i nunfuɛ.» Ɔ man sran fi a trɛ-mɛn i anwlɛn a usɛ-mɛn i sa kun.

JÉSUS-CHRIST I DYASIN FE'N BO LUC KLELI'N 7:43

Yɛ Simɔn seli kɛ: «M bu i kɛ nga i kalɛ liɛ'n ti dan nin-ɔn.» Yɛ Jésus waan: «A di nanwlɛ.»

Rɔmfuɛ Mun 10:4

Afin be kwlaa nga be lafi Krist su'n, ɔ'a nunnun mmla i su falɛ wafa nga be bu i kɛ sɛ be yo sɔ'n yɛ be ´yo sran kpa'n.

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Rɔmfuɛ Mun 7:10

yɛ n wuli-ɔ. Yɛ mmla kun sɔ'n b'ɔ o lɛ kɛ sran `nyan nguan'n, n wunnin kɛ ɔ ti n wie like .

Galasifuɛ Mun 3:12

Mmla'n fin-man Nyanmiɛn su bɔ sran lafi'n mlɔnmlɔn, sanngɛ e kɛnngɛn i kɛ: «Sran ng'ɔ fa mmla'n nun ndɛ'm bé su'n, ɔ ´nyan nguan .»

Mmla'n 6:24

I ti yɛ Anannganman waan e nian mmla sɔ'm bé su e nanti nin-ɔn. I waan e nyin `yi i Anannganman e Nyanmiɛn'n, nan e wun a jɔ e fɔuun cɛn'n kwlakwla, nan y'a tran nguan nun kɛ e fa o yɛ'n sa.