JÉSUS-CHRIST I DYASIN FE'N BO LUC KLELI'N 10:27 - NYANMIƐN NDƐ'N 1998

²⁷ Yɛ ɔ seli i kɛ: «Amun klo amun Min Nyanmiɛn'n kpa, amun fa amún wla'n kwlaa guɛ i su, amun fa amun wunmuan'n kwlaa mɛn i, yɛ man amun akunndan'n kwlaa trɛn i su, yɛ amun klo amun wiengu kɛ an fa klo amun bɔbɔ amun wun'n sa .»

Nyanmien nde Ufle

²⁷ Ye o sé i ke: «Klô o Min Nyanmien'n kpa, fo o wla'n kwlaa gue i su, fo o wunmuan'n kwlaa men, ye man wo akunndan'n kwlaa tren i su, ye klô o wiéngu ke a fa klô o bobo wun'n sa.»

JÉSUS-CHRIST I DYASIN FE'N BO LUC KLELI'N 10:27 ပူးပေါင်းရင်းမြစ်များ

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Matthieu 19:19

yɛ klo ɔ wiengu kɛ ɔ fa klo ɔ bɔbɔ wun'n sa .»

JÉSUS-CHRIST I DYASIN FE'N BO LUC KLELI'N 10:26

Jésus kusu usɛli i kɛ: «?Be klɛli i sɛ mmla fluwa'n nun? ?Yɛ kɛ a kanngan'n, ɔ se sɛ?»

Rɔmfuɛ Mun 13:9

Afin kɛ be se kɛ: «Nán kunndɛ bla ɔ́ yi bo annzɛ bian ɔ́ wun bo, nán kun sran, nán wua, nán man ɔ́ nyin blo ɔ wiengu i like su'n,» sɛ mmla wie o lɛ, sɛ ɔ ti sɛ ti sɛ o, i kwlaa sɔ'n be bo i kpɔlɛ se kɛ: «Klo ɔ wiengu kɛ a fa klo ɔ bɔbɔ ɔ wun'n sa .»

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Mmla'n 6:4

Izraɛlfuɛ mun, amun `tie. Anannganman e Nyanmiɛn'n i kunngba cɛ yɛ ɔ ti Anannganman nin-ɔn.

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Hébreu 8:10

E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.

Jacques 2:8

Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .

1 Jean 3:18

M mma mun, nán man amun sran klolɛ'n yo amún nuan bui su, nin nuan nun fɛ su, sanngɛ man be wun i sakpa like nga amun yo'n nun.