JÉSUS-CHRIST I DYASIN FE'N BO LUC KLELI'N 10:2 - NYANMIƐN NDƐ'N 1998

² Ɔ seli be kɛ: «Awie'n ɔ'a yo ye dan, sanngɛ junman difuɛ'm b'a sɔn-man. I sɔ'n ti'n, an `se fie i fuɛ'n man ɔ fa sran nan be wɔ i fie'n su.

Nyanmien nde Ufle

² O séé bé ke: Awié'n wa yô yé dan, sannge dyunman difue'm ba sonman. I so'n ti, anh sé fié ifue'n man o fa swran nan bé o i fié'n su.

JÉSUS-CHRIST I DYASIN FE'N BO LUC KLELI'N 10:2 ပူးပေါင်းရင်းမြစ်များ

1 Famiɛn Mun 18:22

Eli seli be kɛ: «N kunngba yɛ m'an ka Nyanmiɛn i nuan ijɔfuɛ-ɔ, yɛ sanngɛ Baal i nuan ijɔfuɛ'm be ti ya-nnan-ablenun.

Jue Mun 68:11

Ee Nyanmiɛn, ɔ klun-ufue'n ti ɔ sran'm be wa trannin mɛn sɔ'n b'ɔ a siesieli i kɛ a ´fa man be bɔ be ti nyrɛnnɛnfuɛ'n i nun.

Zeremi 3:15

N ´fa kpɛnngbɛn nga min klun jɔ bé wun'n m ´man amun. Be ´kle amun atin'n kpa kɛ ɔ fata'n sa.»

Zakari 11:17

Nnɛn kankanfuɛ luflefuɛ ng'ɔ yaci i nnɛn'm be lɛ tu kpɛn'n, i yako! Man alɛ'n saci i sa nin i nyin mma mun. Man i sa fama'n wu i wun yɛ nɛ́n i nyin mma fama'n wun ase kun .»

Zakari 11:5

Be bɔ be to i sɔ nnɛn mun'n, be ´kun be-ɔ be bu-mɛn i kɛ sa yɛ be su yo i lɛ-ɔ. Be nga kusu bɔ be yo be atɛ'n, be liɛ nga be kan'n yɛlɛ kɛ yoo: ‹E `la Anannganman'n i ase, afin e yɛ y'a nyan e wun yɛ.› Bua sɔ'm bé su nianfuɛ'm be si-man be aunnvuɛ bɔ kaan sa.

Kalɛ 11:17

N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Kalɛ 11:29

Moiz tɛli i su kɛ: «?A su si mín ti kwla? ?Sɛ i li Anannganman fɛ i Wawɛ'n sie i nvlefuɛ'm be kwlaa be su nan be ijɔ i nuan'n, nán ndɛ fɛ-ɔ?»

Matthieu 20:1

«Nyanmiɛn sielɛ'n fa awlo bo kpɛn kun bɔ le kun ɔ jao nglɛmun kɛ ɔ ´ko kunndɛ junman difuɛ nan be ko di junman i vinyi fie'n su'n.

Marc 13:34

Ɔ ´yo kɛ sran kun b'ɔ su kɔ lika'n sa, ɔ tu i bo i awlo'n nun, ɔ fɛ i ninnge'n kwlaa wlɛ i i sran'm bé sa nun, ɔ man be kwlaa be junman, yɛ ɔ se anuan sunianfuɛ'n kɛ ɔ nian su kpa.

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

Marc 16:20

Yɛ be ko kannin ndɛ'n lika'n kwlaa nun. E Min Nyanmiɛn nin be dili junman, ɔ man be yili atrɛ b'ɔ kle kɛ be ndɛ'n ti nanwlɛ.]

JÉSUS-CHRIST I DYASIN FE'N BO LUC KLELI'N 9:1

Jésus flɛli i sɔnnzɔnfuɛ blu-nin-nnyɔn mun, ɔ mannin be kwlalɛ yɛ ɔ seli be kɛ ɔ jin be sin, ɔ man asiɛ usu'm be kwlaa be ´sro be, ɔ man be ´yo tukpacɛfuɛ'm be juejue.

Sa nga bé yôli'n 11:19

Kɛ be kunnin Etiɛni'n, be nga be kleli be yalɛ i wie'n sin'n, be sanndi ɔli lele Fenisi, nin Sipri, nin Antiɔs, be kan-man Nyanmiɛn ndɛ kle-man sran fi san Zuif'm be ngunmin cɛ.

Sa nga bé yôli'n 13:2

Le kun kɛ be ´kpɛ srɛ nun bɔ be ´yo asɔnun'n, Nyanmiɛn Wawɛ'n seli be kɛ: «An `fa Barnabas nin Sɔl man min man be di junman nga ti yɛ n flɛli be'n.»

Sa nga bé yôli'n 13:4

Ɔ man Nyanmiɛn Wawɛ'n fa be ɔli Selesi, be fa mmeli lɛ be ɔli Sipri.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Sa nga bé yôli'n 8:4

Be bɔ be sanndili'n, be kɔ klɔ'm be su be kan Nyanmiɛn ndɛ'n.

1 Korɛntfuɛ Mun 12:28

Kɛ Nyanmiɛn sieli sran'm be sɔ asɔnun'n nun-ɔn. Be nun klikli'n yɛlɛ be b'ɔ sunman be'n, i nnyɔn su'n yɛlɛ be nga be ijɔ i nuan'n, i nsan su'n yɛlɛ be nga be kle ninnge'n. Bé sin liɛ'n yɛlɛ be nga be yo sa kekleekle'n, nin be nga be yo tukpacɛfuɛ'm be juejue'n, nin be nga be yo sran ye'n, nin be nga be di kpɛn'n, ɔ nin be nga be kan aniɛn wafa-wafa'n.

1 Korɛntfuɛ Mun 15:10

Sanngɛ sran nga m'an yo i yɛ'n, ye bɔ Nyanmiɛn yoli min'n ti yɛ man m'an yo sɔ-ɔ. Ye sɔ'n b'ɔ yoli min'n ɔ'a yo-man ngbɛn, afin n dili junman dan trali be ngba, nán kɛ m bɔbɔ min yɛ n dili junman sɔ nin-ɔn, sanngɛ Nyanmiɛn yɛ ɔ jrannin ń sin yɛ man n dili junman sɔ nin-ɔn.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Filipfuɛ Mun 2:21

Be nga'm be liɛ'n, be bɔbɔ be ninnge'n yɛ ɔ lo be-ɔ, Krist-Jésus liɛ'n lo-man be.

Filipfuɛ Mun 2:25

N wun i kɛ, sɛ n sunman Epafroditi b'ɔ ti n wiengu junman difuɛ bɔ min nin i e fɛ'n amun wun lɔ'n, ɔ ti kpa. Bian sɔ'n, amun bɔbɔ yɛ an sunmɛnnin i kɛ ɔ fa like nga ń sa miɛn i wun'n blɛ min-ɔn.

Filipfuɛ Mun 2:30

afin Krist junman'n ti yɛ ɔ wa de wu nin-ɔn. Ɔ fɛ i wun mannin wie'n kɛ ɔ ´di junman nga amu'an nyan-man amún ti a di-man b'a man-man min'n.

Kolɔsfuɛ Mun 1:29

Wunmiɛn ng'ɔ mannin min'n, i ti n lɛ fanngan yɛ m mian mín nyin fa di junman kpa.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

1 Tɛsalonikfuɛ Mun 2:9

Aniaan mun, amun wla fi-man e junman'n nin ye afɛ'n su, afin kɛ e ´bo Nyanmiɛn i jasin fɛ'n kle amun'n, kɛ e ko yo nan y'a kaci-man trɔ amun ti su'n, e di junman wia nun nin kɔnguɛ.

1 Tɛsalonikfuɛ Mun 5:12

Aniaan mun, e ´srɛ amun kɛ an bu be nga be di junman amun afiɛn bɔ e Min'n fa be sieli amun su kɛ be tu amun fɔ'n be akunndan.

2 Tɛsalonikfuɛ Mun 3:1

Aniaan mun, min ndɛ'n i atabo'n yɛ: an `srɛ Nyanmiɛn kɛ ɔ nian e su man e Min'n i ndɛ'n trɛ ndɛndɛ yɛ be `bu i nanwlɛ kɛ an fa bu i nanwlɛ'n sa.

1 Timote 4:10

I ti yɛ man e di junman lele e fɛ nin-ɔn, afin e fa e wla'n guali Nyanmiɛn b'ɔ lafi-man, b'ɔ ti sran'm be kwlaa be Defuɛ'n i su, sanngɛ be nga be lafi i su'n, be liɛ yɛlɛ delɛ sɔ'n i bo'n.

2 Timote 4:5

Sanngɛ ɔ liɛ'n, nian ɔ wun su sa'n kwlaa nun, yalɛ nga be kle wɔ'n, man ɔ sɔn ɔ nun, jasin fɛ i kanlɛ b'ɔ ti ɔ junman'n, di. Junman nga Nyanmiɛn fa wlali ɔ́ sa nun'n, guɛguɛ i bo.

Filemɔn 1:1

M Pɔl bɔ Krist-Jésus ti n wo bisua nun'n, min nin e niaan Timote,

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

Sa nglô yile 2:1

«Nian ndɛ nga n klo kɛ a klɛ ko man Efɛz asɔnun'n i anz'n yɛ: ‹M bɔ nzraama nso'n wo ń sa fama nun'n, bɔ n nanti-nanti sika ɔkwlɛ kannin nso bɔ be jinjin lɛ'm be afiɛn'n, n se kɛ yoo: