JÉSUS-CHRIST I DYASIN FE'N BO LUC KLELI'N 1:79 - NYANMIƐN NDƐ'N 1998

⁷⁹ ɔ ´kpaja be bɔ be o aosin'n nun nin wie'n i fɔnvɔ nun'n be su.› Yɛ ɔ ´kle ye atin nga e sin su-ɔ e ´di alaje'n .»

Nyanmien nde Ufle

⁷⁹ «Nan oh kpadyah bé bo bé ô aôsin'n nun nin wié i fonvo nun'n, bé su,» Ye oh kléh é atin nga é sin suo éh dih aladyé'n.

JÉSUS-CHRIST I DYASIN FE'N BO LUC KLELI'N 1:79 ပူးပေါင်းရင်းမြစ်များ

Zɔb I Nyrɛnnɛn Wunlɛ 10:22

Mɛn sɔ'n i nun lɔ dun tritritri kpa, yɛ lɔ ti sukusuku. Wia nun'n, lɔ lika'n ɔ dun kɛ aosin sa.

Zɔb I Nyrɛnnɛn Wunlɛ 3:5

Man aosin tritri kpa'n ɔ di i sɔ cɛn liɛ'n, man wie'n i aosin tuun'n ɔ di i wie, yɛ man nyanmiɛn ble'n ɔ kɛtɛ i su. Sɛ ɔ ti sran'n, wuun n ´se kɛ man sa kekleekle'm be tɔ i su yɛ be `kun i srɛ.

Jue Mun 107:10

Be wie'm be trannin aosin tuun kpa nun, be trannin kongo tuun kpa b'ɔ yo sro'n nun. Nyrɛnnɛn'n ɔ sin yiali be mlɔnmlɔnmlɔn, be cili be nin jrɔkɔ.

Jue Mun 107:14

Ɔ yili be bisua tuun sɔ'n nun fiteli. Ɔ kpɛkpɛli jrɔkɔ nga be fa cili be'n be nun.

Jue Mun 23:4

Sɛ bɔ n su sin kongo tuun kpa b'ɔ yo sro'n i nun'n, srɛ bɔ kaan sa kun-man min, afin Anannganman, a nin min yɛ e kɔ-ɔ, yɛ ɔ waka bɔ a fa kle min atin'n, ɔ nin ɔ kpɔnman bɔ a fa sasa min'n, be ti n koko-man.

Jue Mun 25:12

Sran nga i nyin yi Anannganman'n, ɔ kle i atin ng'ɔ `fa'n.

Jue Mun 44:19

nán kɛ e nin wɔ e nun-man nun kun ti-ɔ, nán kɛ e yacili wɔ atin'n ti-ɔ.

Nyanndra Mun 3:17

I atin'm be ti kpa. I atin mma'm be kwlaa be su falɛ yo fɛ.

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Ezai 42:7

N yi wɔ kɛ a tike anyansifuɛ'm be nyinma, n yi wɔ kɛ a yi bisuafuɛ'm be bisua'n nun fite, n yi wɔ kɛ a yi be nga be o aosin tuun nun mun fite .

Ezai 48:17

Anannganman b'ɔ kpɔ amún ti'n, b'ɔ ti Izraɛl Nyanmiɛn'n, i ndɛ b'ɔ kan'n yɛ, i waan: «Min Anannganman bɔ n ti amun Nyanmiɛn'n, n kle amun like, amun bɔbɔ amún kpa yolɛ ti yɛ n kle amun-ɔn. Min yɛ n kle amun atin ng'ɔ fata kɛ amun sin nun nin-ɔn.

Ezai 48:22

Anannganman waan: «Be nga be lafi-man min su'n, bɔ be fa-man min mmla'n su'n, bé wun jɔ-man be le.»

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 49:9

N ´se bisuafuɛ'm be kɛ: ‹Amun `fite!› Yɛ n ´se be nga be o lika tuun nun'n be kɛ: ‹Amun `fite bla weiin nun wa!› Be ´yo kɛ nnɛn bɔ be didi atin nuan bɔ be nyan ijre kpɔlɛ'm be kwlaa su be di'n sa.

Ezai 59:8

Amun si-man aunjuɛ'n i atin'n, amun yo-man sa b'ɔ ti sein ajalɛ nga amun fa'n be nun. Ajalɛ nga amun fa'n be ti gblɛgblɛ ngunmin, sran kwlaa ng'ɔ nian amun liɛ'n su'n, i wun su jɔ-mɛn i .

Ezai 9:2

Anannganman, wɔ man be klun jɔli, wɔ man bé wun kpajali be dan. Kɛ be ba ɔ sua nun'n, be klun jɔ kɛ be nga be su kpɛ ble'n sa, bé wun kpaja be kɛ be nga be su cɛ alɛ nun ninnge nga be nyannin be'n be nun'n sa.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Matthieu 4:16

Be nun sran nga be tran aosin nun'n, be wunnin kɛ lika'n kpaja dan kpa, yɛ be nga be tran wie'n i mɛn tuun'n nun'n, lika'n kpajali be su.»

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 1:9

Like sɔ'n yɛ man sran'm be wun ase sakpa-a. Kɛ ɔ bali mɛn nun'n, ɔ man sran'm be kwlaa be wun ase .

Jean 12:46

Min yɛ m bali mɛn'n nun kɛ n ´kpaja lika nun nan sran kwlaa ng'ɔ lafi n su'n ɔ'a tran-man aosin nun.

Jean 8:12

Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

Jean 9:5

Kɛ n wo mɛn'n nun wa'n, min yɛ n kpaja mɛn'n nun-ɔn.»

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Rɔmfuɛ Mun 3:17

Be si-man atin nga be sin su-ɔ be nyan alaje'n .

Efɛzfuɛ Mun 5:8

Laa'n, an wo aosin nun, sanngɛ sran wunmuan bɔ amun nin e Min'n amu'an kaci'n ti, amu'an fite weiin nun siɛn'n. I sɔ'n ti'n, an `yo sa ng'ɔ kle kɛ an wo wia klengle kpa'n nun'n.