JÉSUS-CHRIST I DYASIN FE'N BO LUC KLELI'N 1:6 - NYANMIƐN NDƐ'N 1998

⁶ Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

Nyanmien nde Ufle

⁶ Bé nnyon'n bé yô é Min Nyanmien klun sa, bé fe i nde'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 1:6 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 6:9

Noe i wun ndɛ'n yɛ. Noe wuli ba yasua nsan: Be yɛlɛ Sɛm, nin Kam yɛ Zafɛt. Noe ti sran kpa, ɔ tu i klun su Nyanmiɛn. Ɔ nin Nyanmiɛn bé nuan sɛ.

Bo Bolɛ 7:1

Anannganman seli Noe kɛ: «A nin wɔ awlofuɛ mun an `wlu mmeli'n nun afin ɔ blɛ sufuɛ'm be kwlakwla be nun'n, wɔ kunngba yɛ n wun kɛ a nin min mantan-an.

1 Famiɛn Mun 15:5

afin David nantili seiin Anannganman nyrun. Ɔ'a yi-man ndɛ ng'ɔ kan kleli i'n wie fi ase i nguan'n kwlaa nun. I sa tɛ kunngba b'ɔ yoli'n yɛlɛ Iri b'ɔ ti Ɛtfuɛ'n i ndɛ'n su'n.

1 Famiɛn Mun 9:4

Sɛ a nanti sein min atin'n su kɛ ɔ́ si David fa nantili'n sa'n, sɛ a yo sran nanwlɛfuɛ'n, sɛ a nian nga n kan kleli wɔ'n su a yo i sɛsɛsɛ'n, sɛ a fa min mmla fanunfanun'm bé su'n,

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

2 Be Nyoliɛ 17:4

San i nannan'n i Nyanmiɛn'n i klun sa'n yɛ ɔ tuli i klun kunndɛli-ɔ. Ɔ fali Nyanmiɛn i mmla'm be su. Ɔ'a yo-man kɛ be nga be o mɛn'n i nglo-nglo lɔ'n be sa.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Zɔb I Nyrɛnnɛn Wunlɛ 9:2

N si ng'ɔ o lɛ'n kwlaa. ?Sran kun i ndɛ yo fɛ Nyanmiɛn i lika-a ɔ yo ye?

Jue Mun 119:6

nan sɛ sa sɔ'n wie kpɛn min klun'n, m'an wun-man su nyannzuɛn i kasiɛn nun'n ti.

JÉSUS-CHRIST I DYASIN FE'N BO LUC KLELI'N 1:7

Sanngɛ b'a wu-man ba yɛlɛ kɛ Elizabɛt ti klun kpanfuɛ, yɛ be nnyɔn'n b'a yo kpɛnngbɛn.

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

JÉSUS-CHRIST I DYASIN FE'N BO LUC KLELI'N 2:25

Kɛ ɔ ´yo sɔ'n, wuun bian kun o Zerizalɛm, be flɛ i kɛ Simeɔn. Bian sɔ'n ti sran nanwlɛfuɛ, ɔ sro Nyanmiɛn kpa. Ɔ minndɛ Izraɛl i wla cicilɛ'n, yɛ Nyanmiɛn Wawɛ'n yɛ ɔ sie i-ɔ.

Sa nga bé yôli'n 2:25

Afin David kɛnnin i ndɛ kɛ: ‹N wunnin kɛ min Min'n wo min nyrun lɛ titi, yɛlɛ kɛ ɔ o n fama su, ɔ man min wun usu-man min.

Sa nga bé yôli'n 23:1

Pɔl niannin jɔlɛ difuɛ mun siin, yɛ ɔ seli kɛ: «Nja mun, min nzuɛn'n ti kpa Nyanmiɛn nyrun lele yɛ ɔ'a fa ju ndɛ yɛ, ɔ man n klun ti-man min.»

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Sa nga bé yôli'n 8:21

Ndɛ nga, ɔ liɛ nun-man nun yɛ a su nyan-man like fi nun, afin wɔ akunndan'n ti-man kpa Nyanmiɛn nyrun.

Rɔmfuɛ Mun 8:4

Nyanmiɛn yoli i sɔ nan e bɔ e fa-man sran'm be nzuɛn'n su kun'n, bɔ e yo sa nga Nyanmiɛn Wawɛ'n kle ye kɛ e yo'n, e yo sa kpa nga be klɛli i mmla'n nun kɛ e yo'n.

1 Korɛntfuɛ Mun 11:2

Amun mo, yɛlɛ kɛ amún wla o n su titi yɛ ndɛ nga be fa mannin min bɔ n kusu n fa mannin amun'n, an fa su kpa.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Filipfuɛ Mun 2:15

i sɔ'n nun'n, be su kwla kan-man amun wún ndɛ tɛ fi, yɛ be su wun-man sa tɛ kaan sa amun wun. Sɛ an yo sɔ'n, amun ´yo Nyanmiɛn mma mun bɔ be kwla kputu-man amun ajulisufuɛ tɛtɛ bɔ b'a saci'n be nun. An ti kɛ nzraama b'ɔ kpaja mɛn'n nun sa sran sɔ'm be nun,

Kolɔsfuɛ Mun 1:22

siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

1 Tɛsalonikfuɛ Mun 3:13

Kɛ ɔ ko yo sɔ'n, ɔ man amun ´nyan anwlɛn, yɛ kɛ e Min Jésus nin i sran'm be kwlaa be ´ba'n, e Si Nyanmiɛn ´wun kɛ an ti i liɛ klonglonglo bɔ be kwla saci-man amun wun kaan sa!

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.

1 Jean 3:7

M mma mun, nán an fa amun wun man sran fi man ɔ laka amun. Sran ng'ɔ yo sa b'ɔ kɔ atin su'n, ɔ ti sran kpa kɛ Krist ti sran kpa'n sa.