JÉSUS-CHRIST I DYASIN FE'N BO LUC KLELI'N 1:51 - NYANMIƐN NDƐ'N 1998

⁵¹ Ɔ yili i kwlalɛ'n nglo, Ɔ buli wun tufuɛ'm bɔ be gugu dandan'n bé bue.

Nyanmien nde Ufle

⁵¹ O yii i kwlale'n nglô, O buu wun tufue'm bo bé gugu dandan'n bé bué.

JÉSUS-CHRIST I DYASIN FE'N BO LUC KLELI'N 1:51 ပူးပေါင်းရင်းမြစ်များ

Bo Bolɛ 11:8

Yɛ Anannganman man be bo sanndili asiɛ wunmuan'n su nan b'a yaci klɔ sɔ'n i kplanlɛ.

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Jue Mun 118:15

Be nga be ti Anannganman liɛ'n, b'a nyan kwlalɛ, b'a nyan bé ti. I ti be o bé tannin sua'm be nun be bo sro. Be se kɛ: «Anannganman kwla sakpa!

Jue Mun 33:10

Anannganman saci nvle-nvlefuɛ'm bé sa nga be jaja mun. Be ninnge nga be bu be akunndan sie kɛ be ´yo'n, ɔ bu i bue.

Jue Mun 52:9

«Sran b'ɔ talo-man Nyanmiɛn'n, b'ɔ fɛ i wla'n guɛ i anyanbeun dan'n nin gblɛ b'ɔ si i kpɛ'n su'n, niɛn i yolɛ bɔ ɔ'a yo'n yɛ.»

Jue Mun 63:5

Kɛ min nyin tɛ o su'n, wɔ asenna'n su wie-man n sa nun le. M ´man n sa'm be su m ´manman wɔ.

Jue Mun 89:10

Kɛ jenvie'n jaso'n, ɔ waan ɔ su nyinmɛn-nyinmɛn i wun sa, wɔ yɛ a kɛn i ase-ɔ. Kɛ ɔ ´bo'n b'ɔ ko jaso kendengleiin, wɔ yɛ man ɔ guɛ i wun sa ase-ɔ.

Jue Mun 89:13

Wɔ yɛ a yili mɛn'n i ja ngua'n nin i nglo lɔ nin-ɔn. Tabɔr oka'n nin Ɛrmɔn oka'n be su tranfuɛ'm be bo sro be yi be aklunjuɛ'n i nglo kle wɔ.

Jue Mun 98:1

An `to jue uflɛ-uflɛ kun manman Anannganman, afin ɔ yoli abonuan sa mun. Ɔ de sran kwlalɛ b'ɔ kwla'n nin i nzuɛn'n b'ɔ nin klɔ sran liɛ'n ti-man kun'n ti.

Ezipt Lɔ Tulɛ'n 18:11

Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Ezai 40:10

Amun `nian, Anannganman min Nyanmiɛn'n ɔ ba yasua su. I yɛ ɔ sie sran mun-ɔn. Amun `nian, sran'm be akatua'm be wo i sa nun, like nga sran'm be yo'n, i nuan like'n wo i sa nun .

Ezai 51:9

Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Ezai 63:12

Ɔ fɛli i sa b'ɔ yo nyɛnmɛn'n ɔ suannin Moiz i sa fama'n i bo. Ɔ kpacili nzue'n nun be nyrun, ɔ man ɔ nyannin dunman b'ɔ nunnun-man'n.

Zeremi 49:15

Se kɛ sɛ: ‹N ´yo man a ´yo kaan kpa mɛn'm be nun. Sran'm be kwlaa be yo wɔ finfin.

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

Sa nglô yile 18:8

I sɔ'n ti nyrɛnnɛn nga wa tɔ i su cɛn kunngba: wie'n, nin sɛ'n, nin awe'n, yɛ ɔ ´yra. Afin e Min Nyanmiɛn b'ɔ buli i fɔ'n, ɔ kwla like kwlaa yo .