JÉSUS-CHRIST I DYASIN FE'N BO LUC KLELI'N 1:18 - NYANMIƐN NDƐ'N 1998

¹⁸ Zakari usali anz'n kɛ: «?Ɔ ´yo sɛ yɛ n ´kwla si sɔ sakpa-a? Afin m'an yo kpɛnngbɛn, yɛ min yi kusu ɔ'a di afuɛ lɔuun.»

Nyanmien nde Ufle

¹⁸ Zacharie usaa ange'n ke: ?Oh yôh se ye nh kwlah si so sakpaa? Afin man yô kpenngben, ye n yi kusu wa di afue louun.

JÉSUS-CHRIST I DYASIN FE'N BO LUC KLELI'N 1:18 ပူးပေါင်းရင်းမြစ်များ

Bo Bolɛ 15:8

Abram usɛli i kɛ: «?Anannganman min Min, nguɛ like yɛ man n ´kwla wun kɛ mɛn nga ´yo n liɛ-ɔ?»

Bo Bolɛ 17:17

Abraam bubu guali asiɛ wun gblo, ɔ utuli i nyin ase, yɛ ɔ srili-ɔ. Ɔ seli i klun lɔ kɛ: «?Sran yasua kun di afuɛ ya kwlaa'n, ɔ kwla wu ba ekun? ?Yɛ Sara kusu bɔ ɔ'a di afuɛ ablangwlan'n, ɔ kwla wu ba ekun?»

Bo Bolɛ 18:12

Ɔ man Sara srili, ɔ seli i klun lɔ kɛ: «?Oke nga m'an yo i yɛ'n, min konvi tɛ sɔ bian ekun? Yɛ kusu mín wun'n ɔ'a yo oke.»

2 Famiɛn Mun 7:2

Famiɛn'n i sonja'm bé su kpɛn ng'ɔ mantan famiɛn'n kpa'n, b'ɔ famiɛn'n kisɛ i sa su'n, tɛli Nyanmiɛn i sran'n su kɛ: «?Kannzɛ Anannganman kpɛ toklo nyanmiɛn su lɔ bɔbɔ'n, i sɔ like'n kwla yo?» Yɛ Elize seli i kɛ: «Ɔ nyinma'n ´wun i, sanngɛ ɔ́ nuan su kɛn-mɛn i.»

Ezai 38:22

Yɛ Ezekias usali kɛ: «?Nzɔliɛ onin yɛ ɔ kle kɛ n ´kɔ Anannganman i sua'n nun ekun-ɔn.»

JÉSUS-CHRIST I DYASIN FE'N BO LUC KLELI'N 1:34

Mari usali anz'n kɛ: «?Kɛ bɔ n si-man yasua'n, ɔ ´yo sɛ yɛ sa sɔ'n kwla yo-ɔ?»

JÉSUS-CHRIST I DYASIN FE'N BO LUC KLELI'N 1:7

Sanngɛ b'a wu-man ba yɛlɛ kɛ Elizabɛt ti klun kpanfuɛ, yɛ be nnyɔn'n b'a yo kpɛnngbɛn.

Rɔmfuɛ Mun 4:19

Kɛ be wuli i'n, i blɛ sɔ nun wuun ɔ su wa di afuɛ ya. Kɛ ɔ buli oke bɔ ɔ'a yo'n ɔ nin Sara i ba wulɛ bɔ ɔ'a sin'n i akunndan'n, ɔ nin i sɔ'n ngba, ɔ'a yi-mɛn i wla'n Nyanmiɛn su .