JÉSUS-CHRIST I DYASIN FE'N BO LUC KLELI'N 1:16 - NYANMIƐN NDƐ'N 1998

¹⁶ Ɔ man Izraɛlfuɛ kpanngban be ´sa be sin be Min Nyanmiɛn i sin.

Nyanmien nde Ufle

¹⁶ O man Israëlfue kpanngban béh sah bé sin bé Min Nyanmien'n i sin.

JÉSUS-CHRIST I DYASIN FE'N BO LUC KLELI'N 1:16 ပူးပေါင်းရင်းမြစ်များ

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Daniɛl 12:3

Sran ngwlɛlɛfuɛ'm be ´yo nyɛnmɛn kɛ nyanmiɛn su lɔ'n fa yo klanman'n sa. Be nga be kle sran'm bé Nyanmiɛn i atin'n, be ´kpaja kɛ nzraama'm be sa tititi.

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Matthieu 21:32

Afin Zan wa kleli amun atin ng'ɔ ti kpa'n, amu'an lafi-mɛn i su. Sanngɛ gua bo sika defuɛ nin tekle mmla'm be lafili i su, yɛ amun bɔ an wunnin sa sɔ'n, amu'an kaci-man amun nzuɛn'n kɛ amun ´lafi i su.»

JÉSUS-CHRIST I DYASIN FE'N BO LUC KLELI'N 1:76

Bakan, ɔ kusu, be wa flɛ wɔ Nyanmiɛn bɔ like fi nun-mɛn i sin'n i nuan ijɔfuɛ, afin a ´dun mmua e Min'n nyrun a ´siesie i akpɔ'n .

JÉSUS-CHRIST I DYASIN FE'N BO LUC KLELI'N 3:3

Nan ɔ'a ɔ nzue'n bɔ be flɛ i Zurdɛn'n i nuan lɔ klɔ'n kwlaa su. Ɔ ko kan kleli lɔfuɛ mun kɛ be kaci be nzuɛn'n man be yo be batɛm, nan Nyanmiɛn yaci bé wun sa'n cɛ be.