JÉSUS-CHRIST I DYASIN FE'N BO LUC KLELI'N 1:13 - NYANMIƐN NDƐ'N 1998

¹³ Yɛ anz'n seli i kɛ: «Zakari, nán srɛ kun wɔ, afin ndɛ nga a kan kleli Nyanmiɛn'n, ɔ tili. Ɔ yi Elizabɛt ɔ wa wu ba yasua kun man wɔ, a ´tɔn i dunman Zan.

Nyanmien nde Ufle

¹³ Ye ange'n séé i ke: Zacharie, nanh sre kun o, afin nde nga a kan kléli Nyanmien'n, o tili. O yi Élisabeth o wa wu ba yasua kun man o, ah tonh i dunman Jean.

JÉSUS-CHRIST I DYASIN FE'N BO LUC KLELI'N 1:13 ပူးပေါင်းရင်းမြစ်များ

Bo Bolɛ 17:10

Aenguɛ sɔ'n i su mmla'n yɛlɛ amun yasua'm be kwlaa be klɛn wlalɛ.

Bo Bolɛ 17:19

Yɛ Nyanmiɛn waan: «N se kɛ ɔ́ yi Sara ɔ wa wu ba yasua kun. Sɛ ɔ wu i'n, tɔn i dunman kɛ Izaak. E nin i nin i anunman mun yɛ e ´tra aenguɛ b'ɔ lɛ-man awieliɛ nin-ɔn.

Bo Bolɛ 18:14

?Like kun wo lɛ bɔ i yolɛ ti kekle man Anannganman nin-ɔn? N se kɛ afuɛ ng'ɔ ´ba lɔ bikisa'n, kɛ m ´ba'n, wuun Sara ɔ'a wu ba yasua kun .»

Bo Bolɛ 25:21

Rebeka i klun ti kpan, nan i wun Izaak ɔ'a srɛ Anannganman ɔ'a mɛn i. Anannganman tili i srɛwa'n nan Rebeka ɔ'a wunnzɛ nda nnyɔn.

Jue Mun 113:9

Ɔ yo man bla klun kpanfuɛ'n ɔ nyan awlo kɛ bla ta bɔ i mma'm be sin yiɛ i bɔ i klun jɔ'n sa. Amun `manman Anannganman!

Jue Mun 118:21

M ´manman wɔ afin kɛ n flɛli wɔ'n, a tɛli min su, wɔ yɛ a deli min-ɔn.

Ezai 8:3

Yɛ n wluli Nyanmiɛn nuan ijɔfuɛ bla b'ɔ ti min yi'n i sin, ɔ wunnzɛli nan ɔ'a wu ba yasua kun. Anannganman seli min kɛ: «Tɔn i dunman kɛ Kan Ɔ Wun Fɛn Be Bo Ninnge'n.

Daniɛl 10:12

Ɔ seli min ekun kɛ: ‹Daniɛl, nán srɛ kun wɔ! Kɛ ɔ fin i cɛn klikli bɔ a kannin ɔ́ wun ase ɔ Nyanmiɛn'n i nyrun'n, bɔ a nyannin anwlɛn kɛ a ´kunndɛ sa nga be juli'n bé bo'n, Nyanmiɛn tili ɔ srɛlɛ'n, kpɛkuun n kusu n fali atin'n kɛ n ´fɛ i su tɛlɛ'n n fa blɛ wɔ.

Ndɛ Nga Nyanmiɛn I Nuan Ijɔfuɛ Oze Kannin'n 1:4

Anannganman seli Oze kɛ: «Flɛ i kɛ Zizreɛl, afin sɛ ɔ di le nnyɔn kun'n, n wa kle Zei anunman'm be nun, sran nga be kunnin be Zizreɛl lɔ'n ti. Kpɛkuun n wa yo man Izraɛl mɛn'n nun sran fi su yo-man famiɛn kun .

Ndɛ Nga Nyanmiɛn I Nuan Ijɔfuɛ Oze Kannin'n 1:6

Gɔmɛr wunnzɛli ekun, ɔ wuli ba bla kun. Yɛ Anannganman'n seli Oze kɛ: «Flɛ i kɛ Nsi-man-be-aunnvuɛ, yɛlɛ kɛ n su si-man Izraɛlfuɛ'm be aunnvuɛ kun, n su yaci-man bé wun sa n cɛ-man be kun.

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Matthieu 14:27

Kpɛkuun Jésus seli be kɛ: «An `gua amún wla ase, min-ɔn, nán srɛ kun amun .»

Matthieu 28:5

Sanngɛ anz'n seli bla'm be kɛ: «Amun liɛ'n, nán srɛ kun amun, afin n si kɛ an su kunndɛ Jésus bɔ be boboli i waka'n su'n.

Marc 16:6

Ɔ seli be kɛ: «Nán srɛ kun amun. An su kunndɛ Jésus b'ɔ fin Nazarɛt'n bɔ be boboli i waka'n su'n, ɔ cɛnnin, ɔ nun-man wa, an `nian kan be sieli i'n yɛ .

JÉSUS-CHRIST I DYASIN FE'N BO LUC KLELI'N 1:14

Ɔ klun wa jɔ, yɛ a ´si able, kɛ be ko wu i'n, sran sunman be klun ´jɔ.

JÉSUS-CHRIST I DYASIN FE'N BO LUC KLELI'N 1:30

Anz'n seli i kɛ: «Mari, nán srɛ kun wɔ, afin Nyanmiɛn a bu wɔ sran.

JÉSUS-CHRIST I DYASIN FE'N BO LUC KLELI'N 2:21

Kɛ bakan'n dili le mɔcuɛ'n, be wa wlɛli i klɛn, be tɔnnin i dunman Jésus, dunman nga anz'n dun mmua kleli nan i nin wa wunnzɛ i nin-ɔn.

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

Jɔlɛ Difuɛ Mun 6:23

Anannganman seli i kɛ: «Gua ɔ́ wla ase, nán ɔ́ klun titi wɔ, a su wu-man.»

1 Samiɛl 2:21

Kpɛkuun Anannganman wunnin Ani i aunnvuɛ, nan ɔ'a wu ba yasua nsan nin ba bla nnyɔn ekun. Kɛ Samiɛl ɔ ´di Anannganman i junman kɔ'n, wuun ɔ ´nyin kɔ.