Moiz yiali Izraɛlfuɛ'm be awlobo kpɛnngbɛn mun nan ɔ'a se be kɛ: «Amun `ko fa bua nga b'a kpɛ cro'n annzɛ boli nga b'a kpɛ cro'n mun, amun `kpɛ be kɔmin nan amun nin amun awlofuɛ mun amun `fa di Delɛ-cɛn'n.
Amun `di cɛn sɔ'n i blɛ nga n kleli'n su. Amun `di i anglo ng'ɔ o yɛ'n i le blu-nin-nnan'n i nnɔsua nun. Amun `niɛn i mmla'n nin i siesielɛ nga be fa siesieli'n su be yo.»
nan b'a di cɛn sɔ'n anglo klikli'n i cɛn ba blu-nin-nnan'n su i nnɔsua nun Sinai aawlɛ flɛnnɛn'n nun lɔ. Nga Anannganman fa kleli Moiz'n i su yɛ Izraɛlfuɛ'm be niannin be yoli-ɔ.
