Kalɛ 9:22 - NYANMIƐN NDƐ'N 1998

²² Sɛ sin wɛnsrɛn'n ka Nyanmiɛn tannin sua'n su lɛ sɛ cɛn ba nnyɔn o, sɛ anglo kun o, annzɛ afuɛ kun o, Izraɛlfuɛ'm be tran lɛ, be kɔ-man lika. Kɛ ɔ ´tu i bo'n, wuun be kusu be su tu bé bo wie.

Kalɛ 9:22 ပူးပေါင်းရင်းမြစ်များ

Jue Mun 107:7

Ɔ fali be sinnin atin trele wie su kɛ ɔ ´yo nan b'a ko fite klɔ bɔ sran tran su'n i su'n ti.

Jue Mun 143:10

Kle min ɔ klun sa'n i yolɛ'n. Wɔ yɛ a ti min Nyanmiɛn nin-ɔn. Man ɔ Wawɛ klun-ufuefuɛ'n ɔ dun mmua min nyrun atin b'ɔ ti kpa'n su.

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Jue Mun 73:24

Ɔ bɔbɔ wɔ akunndan liɛ'n yɛ a fa tinngɛ min-ɔn, yɛ cɛn kun a ´fa min kɔ wɔ anyrunnyan dan'n i lika'n nun lɔ.

Jue Mun 77:20

A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

Ezipt Lɔ Tulɛ'n 39:42

Junman nga Anannganman seli Moiz kɛ be di'n, Izraɛlfuɛ'm be niannin i kwlaa'n su be dili.

Ezipt Lɔ Tulɛ'n 40:16

Like nga Anannganman seli Moiz kɛ ɔ yo'n, ɔ niannin i kwlaa'n su yoli be cɛ, i kun sa ɔ'a ka-man lɛ.

Kalɛ 1:54

Izraɛlfuɛ'm be niannin Anannganman i nuan su ndɛ b'ɔ kan kleli Moiz'n su be yoli i sekeseke.

Kalɛ 8:20

Moiz nin Aarɔn, ɔ nin Izraɛlfuɛ'm be kwlakwla be yoli like nga Anannganman kan kleli Moiz kɛ be yo be man Levifuɛ mun'n.

Kalɛ 9:17

Kɛ sin wɛnsrɛn'n ko tu i bo tannin sua'n su'n, wuun Izraɛlfuɛ'm be su tu bé bo be ´kɔ lika uflɛ. Kan sin wɛnsrɛn'n ko jran lɛ'n, wuun be su jran.

Kalɛ 9:21

Sɛ sin wɛnsrɛn'n ka sua'n su lɛ kɔnguɛ, nan kpɛkuun kɛ aliɛ'n ´cɛn-ɔn, ɔ tu i bo'n, be kusu be tu bé bo. Sɛ sin wɛnsrɛn'n di kɔnguɛ kun nin wia su kun nan ɔ tu i bo'n, Izraɛlfuɛ'm be tu bé bo wie.

Sa nga bé yôli'n 1:4

Kɛ Jésus nin be be ´di like'n, ɔ seli be kɛ: «Nán an tu amun bo Zerizalɛm wa, an `minndɛ like nga e Si Nyanmiɛn seli kɛ ɔ ´yo'n bɔ yɛ n kɛn i ndɛ kleli amun'n.