Kalɛ 9:18 - NYANMIƐN NDƐ'N 1998

¹⁸ Kɛ Izraɛlfuɛ'm be ´tu bé bo'n, Anannganman yɛ ɔ se be yɛ be kɔ-ɔ, yɛ kɛ be jran'n bɔ be ´bo be nanmue uflɛ'n, Anannganman yɛ ɔ se be kɛ be bo-ɔ. Sɛ sin wɛnsrɛn'n tɛ o tannin sua'n su'n, be tu-man bé bo.

Kalɛ 9:18 ပူးပေါင်းရင်းမြစ်များ

Ezipt Lɔ Tulɛ'n 17:1

Izraɛlfuɛ'm be nvle wunmuan'n, be tuli be bo Sin aawlɛ flɛnnɛn'n nun lɛ, be jaso lika kun nun, be kɔ uflɛ nun, be jaso lika kun nun, be kɔ uflɛ nun kɛ Anannganman kan kleli be'n sa. I sin be ko yoli be ngblaliɛ Refidim lɔ, be nyan-man nzue be nɔn-man.

Kalɛ 10:13

Bé bo tulɛ nga Anannganman mannin Moiz mmla kɛ be `tu'n i klikli'n yɛ ɔ o lɛ-ɔ.

Kalɛ 9:16

Kɛ ɔ fin lɛ'n, kɛ ɔ yo sɔ tititi-ɔ. Sin wɛnsrɛn'n kata Nyanmiɛn i lika'n su. Yɛ kɔnguɛ'n sin wɛnsrɛn'n ɔ kpaja.

Kalɛ 9:19

Blɛ bɔ sin wɛnsrɛn'n tɛ o tannin sua'n i ti su'n, Izraɛlfuɛ'm be nian Nyanmiɛn i mmla'n su, be tu-man bé bo.

Kalɛ 9:20

Wienun-ɔn sin wɛnsrɛn'n ɔ di-man cɛn pɛ nan ɔ'a tu i bo, sɛ Anannganman kan kle be kɛ be tran lɛ'n, be tran lɛ, sɛ kusu Anannganman kan kle be kɛ be tu be bo'n, kpɛkuun be su tu bé bo.

1 Korɛntfuɛ Mun 10:1

Aniaan mun, n klo kɛ an si kɛ e nannan'm be kwlaa be trannin nyanmiɛn ble'n i bo, yɛ be kwlaa be kpɛli jenvie'n bé ja nun .

2 Jean 1:6

Bé wun klolɛ sɔ'n yɛlɛ i ndɛ'n bɔ an tili i bo bolɛ nun'n, yɛlɛ kɛ an klo amun wun.