Kalɛ 9:17 - NYANMIƐN NDƐ'N 1998

¹⁷ Kɛ sin wɛnsrɛn'n ko tu i bo tannin sua'n su'n, wuun Izraɛlfuɛ'm be su tu bé bo be ´kɔ lika uflɛ. Kan sin wɛnsrɛn'n ko jran lɛ'n, wuun be su jran.

Kalɛ 9:17 ပူးပေါင်းရင်းမြစ်များ

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Jue Mun 73:24

Ɔ bɔbɔ wɔ akunndan liɛ'n yɛ a fa tinngɛ min-ɔn, yɛ cɛn kun a ´fa min kɔ wɔ anyrunnyan dan'n i lika'n nun lɔ.

Ezipt Lɔ Tulɛ'n 17:1

Izraɛlfuɛ'm be nvle wunmuan'n, be tuli be bo Sin aawlɛ flɛnnɛn'n nun lɛ, be jaso lika kun nun, be kɔ uflɛ nun, be jaso lika kun nun, be kɔ uflɛ nun kɛ Anannganman kan kleli be'n sa. I sin be ko yoli be ngblaliɛ Refidim lɔ, be nyan-man nzue be nɔn-man.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Kalɛ 9:22

Sɛ sin wɛnsrɛn'n ka Nyanmiɛn tannin sua'n su lɛ sɛ cɛn ba nnyɔn o, sɛ anglo kun o, annzɛ afuɛ kun o, Izraɛlfuɛ'm be tran lɛ, be kɔ-man lika. Kɛ ɔ ´tu i bo'n, wuun be kusu be su tu bé bo wie.

Jean 10:9

N liɛ'n, n ti anuan, sran ng'ɔ sin min nun'n, ɔ ´fite nun, ɔ ´wlu, ɔ ´fite, yɛ ɔ ´nyan didiwlɛ.