Kalɛ 9:15 - NYANMIƐN NDƐ'N 1998

¹⁵ Cɛn kunngba nga be kplannin Nyanmiɛn i sua'n, sin wɛnsrɛn'n ɔ wa katali tannin sua sɔ'n bɔ i nun yɛ yɛbuɛ paplapa nga be klɛli Nyanmiɛn i mmla blu'n i su'n ɔ o nun'n i su. Kɔnguɛ'n, sin wɛnsrɛn sɔ'n kpaja lele aliɛ'n fa cɛn weiin .

Kalɛ 9:15 ပူးပေါင်းရင်းမြစ်များ

Neemi 9:12

Wia nun'n, a dun mmua be nyrun, sin wɛnsrɛn'n ɔ ja tiaan yɛ ɔ kle be atin nin-ɔn. Kɔnguɛ a dun mmua be nyrun, sin taaman'n ɔ ja tiaan yɛ ɔ kpaja atin nga be sin su'n su-ɔ.

Neemi 9:19

Sanngɛ wɔ aunnvuɛ silɛ dan'n ti w'a yi-man be ase aawlɛ flɛnnɛn'n nun. Wɛnsrɛn b'ɔ kle be atin wia nun'n, ɔ nin sin b'ɔ kpaja be nyrun kɔnguɛ'n b'a kpɔci-man be le.

Jue Mun 105:39

Anannganman fali nyanmiɛn ble'n katali i nvlefuɛ'm bé su. Kɔnguɛ'n, sin yɛ ɔ kpaja bé bo-ɔ.

Jue Mun 78:14

Wia nun'n, ɔ man wɛnsrɛn tiaan kun dun be nyrun mmua yɛ ɔ kle be atin nin-ɔn .

Ezipt Lɔ Tulɛ'n 13:21

Anannganman dun mmua be nyrun, sin wɛnsrɛn wie ja sa tiaan yɛ ɔ fa kle be atin'n wia nun-ɔn. Kɔnguɛ ɔ dun mmua be nyrun, sin taaman wie ja sa tiaan yɛ ɔ kpaja be su-ɔ, i ti Izraɛlfuɛ'm be kwla nantili kɔnguɛ nin wia su.

Ezipt Lɔ Tulɛ'n 13:22

Sin wɛnsrɛn'n b'ɔ ja tiaan wia nun'n nin sin taaman b'ɔ ja tiaan kɔnguɛ'n b'a yaci-man be nyrun mmua dunlɛ le.

Ezipt Lɔ Tulɛ'n 14:24

Kɛ aliɛ'n wa cɛn'n, Anannganman b'ɔ o sin taaman nin sin wɛnsrɛn'n be afiɛn lɔ'n, ɔ niannin Ezipt alɛ kunfuɛ mun, nan ɔ'a sanngan be nun.

Ezipt Lɔ Tulɛ'n 40:2

«Anglo klikli'n i cɛn klikli'n su, yo man be kplan min tannin sua nga n ´yi mín wun nglo nun'n bɔ i nun yɛ be ´yia'n.

Ezipt Lɔ Tulɛ'n 40:34

I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Ezipt Lɔ Tulɛ'n 40:35

I sɔ'n ti Moiz kwla wlu-man tannin sua nga Nyanmiɛn yi wun nglo nun'n i nun lɔ, afin sin wɛnsrɛn'n wo nun yɛ Anannganman i nyrun nyannyan'n ɔ'a de i wunmuan'n.

Ezipt Lɔ Tulɛ'n 40:38

Sin wɛnsrɛn ng'ɔ kata tannin sua'n su wia nun'n, ɔ nin sin ng'ɔ jue kɔnguɛ'n, be nun yɛ Anannganman yi i wun nglo kle Izraɛlfuɛ mun lele yɛ be fa juli be juwlɛ-ɔ.

Ezai 4:5

kpɛkuun ɔ ´yo nyanmiɛn ble nin wɛnsrɛn, be ´jran Siɔn oka wunmuan'n nin i sran bɔ b'a yia'm bé ti su nglo lɛ wia'n nun. Kɔnguɛ'n, ɔ ´yo sin b'ɔ jue kpa'n, ɔ ´kpaja be su. Afin Anannganman i nyrun nyannyan'n, ɔ kata be kwlaa be su,

Kalɛ 10:34

Anannganman i sin wɛnsrɛn'n wo bé ti su wia nun kɛ be ´kɔ'n.

Kalɛ 14:14

Be kɛnnin i sɔ kleli be lɔfuɛ mun. Be wunnin i kɛ wɔ Anannganman yɛ a jin ɔ nvle'n i sin-ɔn, nan a yi ɔ́ wun nglo a kle ɔ nvlefuɛ mun weiin. Be tili i kɛ wɔ yɛ a sasa be-ɔ. Afin a dun mmua be nyrun, wia nun, a o sin wɛnsrɛn tiaan kun nun, yɛ kɔnguɛ, a o sin tiaan kun nun.

Kalɛ 17:7

Izraɛlfuɛ'm be wa kpɛ sin yiali Moiz nin Aarɔn nan b'a fa ndɛnngan b'a wla bé sin. Kpɛkuun be ´nian tannin sua'n wun lɔ-ɔ, sin wɛnsrɛn'n ɔ'a kata su, kpɛkuun nyannyannyan Anannganman su yi i wun nglo.

1 Korɛntfuɛ Mun 10:1

Aniaan mun, n klo kɛ an si kɛ e nannan'm be kwlaa be trannin nyanmiɛn ble'n i bo, yɛ be kwlaa be kpɛli jenvie'n bé ja nun .

Mmla'n 1:33

Kusu wuun i yɛ ɔ dun mmua amun nyrun yɛ ɔ kunndɛ amun ngblaliɛ kpɛwlɛ mun-ɔn. Kɔnguɛ'n, ɔ fa sin'n kpaja amún bo nan amun wun atin nga amun ko sin nun'n. Wia'n nun'n, ɔ fa sin wɛnsrɛn'n kle amun atin'n.