Kalɛ 9:13 - NYANMIƐN NDƐ'N 1998

¹³ Sɛ sran kun ti saun'n, sɛ kusu ɔ'a ɔ-man lika nan i waan ɔ di-man Delɛ-cɛn'n wie'n, man be tu i min nvlefuɛ'm be afiɛn, kɛ bɔ sran sɔ'n ɔ'a yi-mɛn i cɛlɛ ninnge nga be kleli i blɛ kɛ be `yi'n ti'n, ɔ wa sua i tɛ trɔ'n.

Kalɛ 9:13 ပူးပေါင်းရင်းမြစ်များ

Bo Bolɛ 17:14

Sran yasua nga b'a wlɛ-mɛn i klɛn'n, i sɔ sran liɛ'n ɔ nin min nvle'n nun tranlɛ fata-man, afin i sɔ'n ti min aenguɛ'n i su mmla'n i sacilɛ.»

Ezipt Lɔ Tulɛ'n 12:15

Anannganman waan: «Amun `di kpaun nga b'a gua-man nun kpaun ayre lele le nso. Kɛ ɔ bo i bo cɛn klikli'n su'n, nán be wun kpaun ayre amún sua'm be nun kun. Kɛ ɔ fɛ i cɛn klikli'n su b'ɔ fa ju cɛn nso su'n, sɛ sran kun di kpaun bɔ kpaun ayre o nun'n, be `fuɛn i Izraɛlfuɛ'm be afiɛn.

Ezipt Lɔ Tulɛ'n 12:19

Nán man be wun kpaun ayre amún sua'm be nun sɔ lele cɛn ba nso. Sɛ sran kun, aofuɛ annzɛ kusu Izraɛlfuɛ kun ng'ɔ di kpaun nga kpaun ayre o nun'n, be `fuɛn i Izraɛl nvle'n nun .

Ezipt Lɔ Tulɛ'n 12:47

Man Izraɛl nvle'n nunfuɛ'm be kwlakwla be di cɛn sɔ'n.

Ezipt Lɔ Tulɛ'n 30:33

Sɛ sran kun nian ngo nga su sɛnngɛn i liɛ'n nan ɔ fa gua sran ngbɛn wie su'n, be `kɛn i bo i nvlefuɛ'm be afiɛn.› »

Ezipt Lɔ Tulɛ'n 30:38

Sɛ sran kun nian ansans nga su yo i wunsu kɛ nga sa'n, nan ɔ fa fuɛnfuɛn i bue'n, man be kɛn i bo i nvlefuɛ'm be afiɛn.»

Ezekiɛl 23:49

N ´fa amún sa sukusuku sɔ'n n yi amun su. Amun amuɛn sɔ nga amun sɔli'n, amun wa fɛ i su afɛ'n yɛ amun wa si jrɛiin kɛ min yɛ n ti Anannganman Nyanmiɛn nin-ɔn.› »

Saun Yolɛ 17:10

Sɛ Izraɛl nvle'n nunfuɛ kun, sɛ wie kusu-ɔ aofuɛ wie b'ɔ tran Izraɛl wa'n ɔ di nnɛn wie mmoja'n, i wafa kwlaa wie b'ɔ di'n, i sɔ sran'n liɛ'n, min nin i y'a nyɛn i. N ´fuɛn i min nvle liɛ'n nun.

Saun Yolɛ 17:4

man ɔ dun mmua fa nnɛn'n ɔ bla tannin sua'n nga n yi min wun nglo nun'n i anuan'n nun lɛ, ɔ `fa man min kɛ min nnɛn-ɔn. Sɛ ɔ'a yo-mɛn i sɔ'n, wuun ɔ'a yo sa tɛ, afin b'a mɛn-mɛn i atin kɛ like ng'ɔ de wunmiɛn asiɛ'n su'n, ɔ gua wie mmoja ase. Kɛ bɔ ɔ'a guɛ i ase'n ti'n, be ´fuɛn i Izraɛl nvle nun.

Saun Yolɛ 20:20

Sɛ yasua kun kunndɛ i si i niaan bian yi'n, ɔ ti i si i niaan sɔ'n i nyin ase gualɛ. Be sran nnyɔn'n bɔ be yoli bé sa tɛ sɔ'n, be yɛ be ´sua sa tɛ sɔ'n i trɔ nin-ɔn, kpɛkuun be su wu-man ba le nan wie'n ɔ'a kun be.

Saun Yolɛ 22:9

Kɛ ɔ ko yo nan aliɛ ndɛ ti min nyrun jranfuɛ'm b'a kan-man fiɛn'n nan ɔ'a yo-man bé wie'n ti'n, ɔ fata kɛ mmla nga n fa mannin be'n, be `tu be klun be `nanti su sɛsɛsɛ. Min yɛ n ti Anannganman nin-ɔn. Min yɛ n fa be n sieli kɛ be `di min nyrun jranlɛ junman nin-ɔn.

Saun Yolɛ 24:15

Kpɛkuun fa mmla yɛ mun man Izraɛlfuɛ mun nan `se be kɛ yoo: ‹Sɛ sran kun i nuan tɛ to min bɔ n ti i Nyanmiɛn'n, i su sa'n, ɔ ti i bɔbɔ liɛ.

Kalɛ 19:13

Sran ng'ɔ kan fuɛn nan i waan ɔ wunnzin-man'n, ɔ yo min tranwlɛ'n i fiɛn. Be `kɛn i sɔ sran'n i bo Izraɛlfuɛ'm be afiɛn. Afin kɛ b'a fa-man nzue ng'ɔ tu fiɛn'n wie b'a guɛ-mɛn i su'n ti ɔ tɛ o fiɛn nun.

Kalɛ 19:20

Sran ng'ɔ yo fiɛn nan ɔ'a yo-mɛn i wun saun'n, be `kɛn i bo min sran'm be afiɛn. Afin ɔ sacili min sua'n. Kɛ bɔ nzue bɔ be fa kplo fiɛn'n ɔ'a kɛn-mɛn i kplo'n ti, ɔ tɛ o i fiɛn'n nun.

Kalɛ 5:31

Be su kputu-man yasua'n, sanngɛ sɛ bla'n yoli i sɔ sa sakpa'n, bla sɔ'n ɔ ´fɛ i su afɛ'n.»

Kalɛ 9:7

yɛ be seli be kɛ: «E kannin fuɛn i ti y'a yo fiɛn. ?Nguɛ ti yɛ blɛ nga be kleli'n su'n, be kplin-man su kɛ e `ko yi e cɛlɛ ninnge mun kɛ Izraɛlfuɛ kun nga'm be sa-a?»

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Hébreu 6:6

ɔ nin i sɔ'n ngba sɛ ɔ yaci atin'n, be kwla yo-man man ɔ sɛ-mɛn i sin kaci-mɛn i nzuɛn'n kun. Afin sɛ ɔ ko yaci atin'n, wuun i kusu su bobo Nyanmiɛn Wa'n waka'n su ekun, ɔ guɛ i nyin ase nzra nun.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .