Kalɛ 8:8 - NYANMIƐN NDƐ'N 1998

⁸ Man be fa nannin tola bɔ b'a kpɛ cro'n kun nin i su ble sanmlɛn mlɛnnɛnnɛn kpa'n bɔ be fa ngo be fɔtɔli'n, kpɛkuun ɔ bɔbɔ fa nannin tola uflɛ nga be fa yi min kpatalɛ tɛ'n.

Kalɛ 8:8 ပူးပေါင်းရင်းမြစ်များ

Ezipt Lɔ Tulɛ'n 29:1

Nian, kɛ a ´fa Aarɔn nin i mma mun wla mín sa nun kɛ be `di min nyrun jranlɛ junman'n, like nga a wa yo'n yɛ: «Fa nannin tola bɔ b'a kpɛ cro'n kun nin bua nene nnyɔn bɔ lɛ fi sa nun-man bé wun'n.

Ezipt Lɔ Tulɛ'n 29:3

Fa be gua gbogbo kun nun nan fa be kɔ min sua'n nun lɔ. Fa nannin tola'n bɔ ɔ'a kpɛ cro'n nin bua nene nnyɔn mun kɔ wie.

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Saun Yolɛ 1:3

Sɛ nannin yɛ ɔ ´fa yi tɛ nga be yrɛ i nnɛn'n kɔlikɔli'n, man ɔ yo nannin tola, kusu nán man lɛ trɛn i wun. Ɔ `fa ko man min tannin sua'n i anuan nun lɔ nan m'an sɔ nun klanman.

Saun Yolɛ 16:3

Min lika kpa tra su'n, sɛ Aarɔn ´wlu lɔ'n, man ɔ fa nannin tola kun tra nun nan ɔ wa yi min kpatalɛ tɛ man min, nan n kusu m'an yaci i wun sa m'an cɛ i, kpɛkuun man ɔ fa bua nene kun ekun nan ɔ ´fa yi tɛ nga be yrɛ i nnɛn'n kɔlikɔli'n man min.

Saun Yolɛ 2:1

«Sɛ sran kun waan ɔ ´fa ble annzɛ like ng'ɔ ti kɛ ble sa ´fa yi sraka'n ´man min'n, ɔ `fa ble sanmlɛn mlɛnnɛnnɛn kpa'n, ɔ `gua su ngo nan ɔ `fa ansans sie su,

Saun Yolɛ 4:14

Kɛ be ko wun i kɛ b'a yo i sɔ sa'n, man be fa nannin tola kun be fa ko kpata min. Be `fa be wɔ tannin sua'n nyrun lɔ.

Saun Yolɛ 4:3

Sɛ min nyrun jranfuɛ'm be kpɛnngbɛn'n yɛ ɔ yo i sɔ sa liɛ'n b'ɔ man sa tɛ sɔ'n ɔ'a sa mɛn mma'm be kwlaa'n, man ɔ fa nannin tola kun bɔ lɛ nun-mɛn i wun'n, ɔ `fa kpata min i sa tɛ b'ɔ yoli'n ti.

Saun Yolɛ 8:2

«Flɛ Aarɔn nin i wa yasua mun man be wɔ tannin sua nga n yi min wun nglo nun'n i nyrun lɔ. Tralɛ nga min nyrun jranfuɛ'm be wla'n, ɔ nin ngo nga be fa gua bé ti su'n, fa be bla. Nannin tola nga be fa yi min kpatalɛ tɛ'n, fa bla. Bua nene nnyɔn'n nin gbogbo nga kpaun nga b'a gua-man nun kpaun ayre'n o nun'n, fa be bla.

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.