Kalɛ 8:7 - NYANMIƐN NDƐ'N 1998

⁷ Wafa nga a wa fa kplo be wun fiɛn'n yɛ. Kpɛntɛn-kpɛntɛn bé su nzue b'ɔ salo sa tɛ'n. Man be bɔbɔ be fa laliɛ lɛman be yiyi be wunnɛn wunmuan'n su ndrɛ'n, man be kpu be tralɛ mun, man bé wun ɔ sa .

Kalɛ 8:7 ပူးပေါင်းရင်းမြစ်များ

Bo Bolɛ 35:2

Yɛ Zakɔb seli i yi nin i mma nin i sa nun sran'm be kwlaa kɛ: «An `gua amuɛn nga be o amún sa nun'n be ase. An `yo bé wun saun. An `kaci amun tralɛ mun.

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Ezipt Lɔ Tulɛ'n 19:10

Anannganman seli Moiz ekun kɛ: «Sa ɔ́ sin sran'm bé wun lɔ nan se be kɛ be `yo bé wun saun ndɛ nin ainman. Be `kpu be tralɛ mun.

Ezai 52:15

Sanngɛ siɛn'n, nvle-nvle'm be nunfuɛ kpanngban bé nuan wa bo bé wun i dunman nun. Sɛ famiɛn'm be wun i'n, be su kwla uke-man be nuan be kan-man ndɛ fi, afin nga be ´wun i'n nin i wun ndɛ nga be kan kleli be laa'n, ɔ su yo-man kun. Yɛ sa nga be ´ti'n, be nian ti-mɛn i sɔ laa le .»

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Saun Yolɛ 15:27

Sran kun ng'ɔ kɛn i sɔ bɛ nin o, sɛ i sɔ bia liɛ nin o, ɔ fata kɛ ɔ kpu i wun tralɛ mun, yɛ man i bɔbɔ'n ɔ `wunnzin. Sanngɛ lele'n b'ɔ ´fa ju nnɔsua'n, wuun ɔ tɛ o fiɛn nun.

Saun Yolɛ 15:6

Bia nga bɔ loliɛfuɛ'n trannin su'n, sran nga b'ɔ ko trɛn i sɔ bia kunngba liɛ'n su wie'n, wuun ɔ'a kan fiɛn. Ɔ fata kɛ ɔ kpu i wun tralɛ mun yɛ ɔ wunnzin, sanngɛ lele b'ɔ ´fa ju nnɔsua'n, wuun ɔ tɛ o fiɛn'n nun.

Saun Yolɛ 16:28

Sran nga b'ɔ wɔ i sɔ nnɛn liɛ'm be nun'n, man ɔ kpu i wun tralɛ mun, ɔ `wunnzin nan ɔ'a sɛ i sin min nanmue'n nun lɔ.

Saun Yolɛ 8:6

Yɛ ɔ ´flɛ Aarɔn nin i mma mun-ɔn, yɛ ɔ ´se be kɛ be ko wunnzin-ɔn.

Kalɛ 19:13

Sran ng'ɔ kan fuɛn nan i waan ɔ wunnzin-man'n, ɔ yo min tranwlɛ'n i fiɛn. Be `kɛn i sɔ sran'n i bo Izraɛlfuɛ'm be afiɛn. Afin kɛ b'a fa-man nzue ng'ɔ tu fiɛn'n wie b'a guɛ-mɛn i su'n ti ɔ tɛ o fiɛn nun.

Kalɛ 31:20

Amun `kpu amún wun ninnge mun, ɔ nin ninnge nga be fali kplo annzɛ boli ndrɛ be yoli'n be kwlaa, yɛ amun wunnzin ninnge nga be fa waka be yoli'n.»

Kalɛ 8:21

Levifuɛ'm be kploli bé wun fiɛn, kpɛkuun be kpuli bé wun ninnge mun. I sin Aarɔn yoli nzɔliɛ ng'ɔ kle kɛ be su fa be wlɛ Anannganman i sa nun, yɛ ɔ yoli like ng'ɔ fata kɛ ɔ yo nan Nyanmiɛn ɔ'a yaci be wun sa a cɛ be nan be wun fiɛn'n ɔ'a kplo'n.

Hébreu 9:10

Afin be ti ndidiɛ ninnge, nin like nɔnnɔnlɛ, ɔ nin wunnzinlɛ fanunfanun'm bé su mmla bɔ be di su lele fa juli cɛn nga Nyanmiɛn kacili like'n kwlaa uflɛ'n.

Hébreu 9:13

Boli kpakpuɛ nin nannin tola'm be mmoja'n, be fa kpɛntɛn-kpɛntɛn be nga be kan fiɛn'n bé wun be fa yo be saun. Nannin tola bɔ be yrɛ i'n, be fɛ i nzuɛn'n be guagua bé wun ekun .

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .